Predikador 7
7
Tokante sabiduria i sentido di tur kos
1Mihó un bon nòmber#Proverbionan 22:1 ku hole dushi,
mihó e dia di morto ku e dia di nasementu.
2Mihó bai kas mortuorio
ku bai kas di fiesta.
Pasobra pa tur hende
bida ta kaba ku nan entiero;
hende bibu mester keda kòrda e kos akí.
3Mihó yora ku hari,
pasobra hende tristu ta siña konosé bida.
4Hende sabí ta pensa riba morto,
pero hende bobo ta pensa riba fiesta so.
5Mihó bo tende ora un hende sabí skual bo
ku bo sinta skucha kantika di hende bobo.
6Pasobra harimentu di hende bobo ta meskos
ku e krakmentu di sumpiña bou di un pòchi.
Esei tambe ta lokura.
7Ta sigur ku loke bo gana ku ekstorshon ta mancha sano huisio,
i regalo tumá bou di mesa ta daña karakter di hende.
8Mihó husga algu na final
ku na prinsipio,
mihó tene pasenshi
ku tin idea.
9No eksitá demasiado lihé:#Hakobo 1:19 ta hende bobo sa eksitá.
10No puntra di kon ántes aya tempunan tabata mihó ku awendia;
puntramentu di kos asina no ta demostrá sabiduria.
11Pa esnan na bida ta un bentaha
di tin sabiduria fuera di un herensia.
12Tantu ku sabiduria komo ku plaka
bo ta sinti bo seif.
Pero konosementu tin e bentaha akí
ku sabiduria ta laga esnan
ku gara n'e biba di bèrdat.
13Tuma na konsiderashon loke Dios a hasi:
Ken por hasi loke El a traha korkobá, règt?
14Sea felis,
ora ta bai bo bon;
pero ora ta bai bo malu,
tuma na konsiderashon
ku Dios a traha tantu esun komo e otro.
Ta p'esei hende no por deskubrí
nada tokante nan futuro.
15Den mi eksistensia pasahero mi a mira tur dos sorto di hende:
hende hustu ku ta muri apesar di nan bondat
i mal hende ku ta biba hopi aña apesar di nan maldat.
16No hasi nada bon di mas,
ni sea sabí di mas
— pakiko destruí bo mes?
17No sea mal hende di mas,
ni hasi kos di bobo —
di kon muri promé ku bo ora?
18Ta bon pa gara esun konseho,
sin laga e otro kai.
Pasobra es ku teme Dios
lo logra ku tur dos.
19Pa motibu di su sabiduria
un hende sabí ta mas fuerte pará
ku dies gobernante poderoso.
20Tene bo na tur dos konseho,
pasobra riba mundu no tin niun hende hustu
ku ta hasi bon sin peka nunka.#1 Huan 1:8-10
21P'esei no paga tinu na tur loke hende ta bisa;
sino bo ta tende asta
kon bo katibu ta maldishoná bo.
22Pasobra abo tambe
— bo no por laga di sa esei —
a papia hopi bia malu di otro hende.
23Asina mi a buska sabiduria den tur kos.
Mi a pensa:
‘Mi ke bira sabí.’
Pero sabiduria a keda
fo'i mi alkanse.
24Tur loke ta eksistí ta fo'i mi alkanse!
Tur ta demasiado profundo
i niun hende no por komprondé nan.
25Mi a hasi tur kos pa haña konosementu
i a yega awor na un konklushon.
Mi mester por a mira tòg,
ku esun ku ta inhustu ta bobo
i ku esun ku no ta tende di Dios
n' ta nada mas ku dònferstan.
26Mi a topa un kos ku ta mas malu ku morto:
un muhé ku ta pone trampa ku su kurason
i ta gara tene ku su brasanan.
Es ku ta agradá Dios
ta skapa di e muhé ei,
pero un pekadó ta kai den su trampa.#Proverbionan 5; 7
27‘Esaki,’ Predikador ta bisa, ‘mi a deskubrí pokopoko ora mi tabata buska komprondementu.’
28Mi a sigui buska,
pero sin hopi resultado.
Den mil hende mi a haña solamente
ún hende ku tabata pone hende respet'é,
pero no tabata un muhé.
29Mi a topa solamente lo siguiente:
ku Dios a traha hende perfekto,#Génesis 1:26-31
pero ku hende mes
a hasi su bida kompliká.
Currently Selected:
Predikador 7: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
