Predikador 11
11
Hasi bon uso di bo tempu
1Tira bo pan riba awa,#11:1 E ekspreshon tira bo pan riba awa no ta komprensibel ainda. E por ta enfatisá kualke di e siguiente ideanan: ‘tribi riska’, ‘parti loke bo tin ku pobernan’, ‘hasi invershon’.
un dia lo bo hañ'é bèk.
2Invertí bo propiedat den shete òf ocho negoshi;
bo no sa nunka ki desaster por pasa riba mundu.
3Ora nubianan ta kargá, nan ta basha áwaseru riba tera.
Un palu por kai pa part'i nort òf pa part'i zùit,
pero kaminda e kai, ei e ta keda bentá.
4Es ku keda paga tinu na bientu, no ta haña chèns di sembra,
es ku keda wak nubia, no por kosechá nunka.
5Bo no sa ki ora bientu ta bira,#Huan 3:8
bo no sa kon bida ta krese den barika di un muhé;#Salmo 139:13-16
asina tampoko bo no sa kiko tur e kosnan
ku Dios Kreador ta hasi.
6Sembra simia mainta i no sinta man krusá anochi,
pasobra bo no sa nunka kua di e sembramentunan ta resultá mihó,
e promé òf di dos, òf ku ta tur dos ta duna resultado.
Kòrda riba bo Kreador tanten bo ta hóben
7Lus ta agradabel, ta un goso mira solo bria.
8Kuantu aña ku un hende por biba, lag'é gosa di tur.
Pero lag'é kòrda sí, ku morto ta dura mas largu.
Tur kos ku mester pasa ta sin sentido.
9Gosa di bo hubentut, gosa tanten bo ta hóben ainda.
Hasi loke bo ta gusta, loke bo tin gana di hasi,
pero kòrda sí ku bo mester duna kuenta na Dios.
10No bai sinta preokupá, sòru pa bo keda salú,
pasobra ta un bia so bo ta yòn.
Currently Selected:
Predikador 11: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
