Kolosensenan 4
4
1Boso ku ta shon di katibu, trata nan na un manera hustu i korekto; tene kuenta ku boso tambe tin un Shon den shelu.#Efesionan 6:9
E último konsehonan
2Perseverá den orashon;#Efesionan 6:18-20; Filipensenan 4:6 resa alerta i yama Señor danki. 3Resa tambe pa nos, pa Dios habri kaminda pa nos por prediká e plan ku tabata skondí tokante Kristu. Pasobra ta pa motibu di e plan ei mes mi ta den prizòn. 4Resa pa mi por hasi e plan ei konosí abiertamente, manera mi mester hasi.
5Aktua ku sabiduria ora boso ta trata esnan ku no ta kreyente i saka probecho di tur oportunidat.#Efesionan 5:16 6Laga boso kòmbersashon ta ameno i ku stansha; sòru pa boso tin un kontesta kla pa ken ku puntra algu!
Saludo final
7Nos kerido ruman Tígiko,#Echonan 20:4; 2 Timoteo 4:12 mi asistente fiel i kompañero den trabou pa Señor, lo duna boso tur notisia ku ta toka mi. 8Ta pa e motibu ei mi ta mand'é serka boso, pa boso haña sa loke ta pasando ku nos i asina haña kurashi.#Efesionan 6:21-22 9Mi ta mand'é serka boso huntu ku Onésimo,#Filemon 10-12 nos ruman fiel i stimá, ku ta un di boso. Nan lo konta boso tur kos ku ta pasando aki.
10Aristargo,#Echonan 19:29; 27:2; Filemon 24 ku ta den prizòn huntu ku mi, ta manda kumindamentu pa boso i tambe Marko,#Echonan 12:12,25; 13:13; 15:37-39 primu di Barnabas. Ya boso a haña mi instrukshonnan kon risibí Marko si e mester bini serka boso. Dun'é un bonbiní! 11Hesus, tambe yamá Hustu, tambe ta manda kumindamentu. E tres hòmbernan akí ta e úniko kreyentenan hudiu ku ta traha huntu ku mi pa reino di Dios i nan a konsolá mi hopi.
12Kumindamentu di Epafras;#Kolosensenan 1:7; Filemon 23 e ta un di boso i sirbidó di Kristu-Hesus.#4:12 Kristu-Hesus; otro manuskrito tin: Kristu Semper e ta resa pa boso ku mashá fervor pa boso para firme komo kreyente madurá ku ta obedesé boluntat di Dios den tur kos. 13Mi por sigurá boso ku e ta traha duru pa boso i pa e hendenan na Laodisea i Hierápolis. 14Lukas,#2 Timoteo 4:11; Filemon 24 nos kerido dòkter, i ruman Demas#2 Timoteo 4:10; Filemon 24 tambe ta manda kumindamentu.
15Kumindamentu pa nos rumannan na Laodisea, nos ruman Nimfa i e iglesia ku ta reuní na su kas. 16Despues ku boso a lesa e karta akí, sòru pa nan les'é na e iglesia di Laodisea#Revelashon 3:14-22 tambe. Anto sòru pa boso tambe lesa esun ku mi a manda pa Laodisea. 17Bisa Argipo:#Filemon 2 ‘Mira pa bo kumpli ku e trabou ku bo a tuma riba bo pa sirbi Señor.’
18Ami mes ta skibi loke ta sigui: Ami, Pablo, ta manda kumindamentu! Kòrda ku mi ta prizonero. Dios su grasia sea ku boso.#4:18 Tin manuskrito ku ta añadí: Amèn.
Currently Selected:
Kolosensenan 4: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
