1 Pedro 5
5
Kuida e karnénan di Dios
1Mi ta hasi un apelashon serio na boso ku ta ansiano di iglesia. Ademas mi tambe ta un ansiano meskos ku boso, testigu di Kristu su sufrimentunan i mi tin parti tambe den su gloria benidero. 2Kuida e karnénan ku Dios#Huan 21:15-17 a konfia na boso. Kuida nan manera Dios ke, boluntariamente i no fòrsá; hasié ku deseo pa sirbi i no pa saka ganashi. 3No aktua komo si fuera boso ta doño di e karnénan ku boso tin responsabilidat p'e, pero sea un ehèmpel pa nan. 4I ora e Wardador prinsipal bini,#Hebreonan 13:20 boso lo haña e korona glorioso ku nunka no ta pèrdè su splendor.
5Boso ku ta hóben mester someté boso na e ansianonan di iglesia; ademas boso tur mester trata otro ku humildat, pasobra Skritura ta bisa:
‘Dios ta resistí esnan ku ta orguyoso,
pero ta mustra grasia na esnan ku ta humilde.’#Proverbionan 3:34; Hakobo 4:6
6Humiliá boso mes antó i entregá boso den man poderoso di Dios i na su debido tempu lo E alsa boso.#Mateo 23:12; Lukas 14:11; 18:14; Hakobo 4:10 7Tira tur preokupashon riba djE, pasobra E ta kuida boso.#Salmo 55:22; Mateo 6:25-34 8Sea alerta; wak bon! Diabel, boso atversario, ta kana rònt manera un leon ku ta grita, buskando hende pa e devorá! 9Resistié, firme pará den boso fe, sabiendo ku den henter mundu boso rumannan kreyente ta pasando den e mesun sufrimentu. 10Pero despues di a sufri pa un tempu kòrtiku, Dios mes lo restourá, fortalesé i fortifiká boso; lo E establesé boso riba un fundeshi fuerte. Ta e mesun Dios, fuente di tur grasia, a yama boso, pa toka parti den su gloria eterno den union ku Kristu-Hesus. 11Poder ta pertenesé pa semper n'E! Amèn.
Kumindamentu final
12Mi a skibi boso e karta kòrtiku akí ku yudansa di Silas,#Echonan 15:22,40 ku na mi opinion ta un ruman konfiabel. Pa medio di e karta akí mi ke kurashá boso i sigurá boso ku esaki ta e grasia berdadero di Dios. Para firme den e grasia ei!
13E iglesia ruman na Bábel,#5:13 Bábel: por ta un siudat kantu di riu Eufrat òf un siudat na Egipto, òf e por referí indirektamente na Roma (mira Revelashon 14:18; 17:5; 18:2). ku Dios a skohe huntu ku boso, i mi yu Marko#Echonan 12:12,25; 13:13; 15:37-39; Kolosensenan 4:10; Filemon 24 ta manda kumindamentu. 14Kumindá otro ku un sunchi di amor kristian.
Pas sea ku boso tur ku ta pertenesé na Kristu.
Currently Selected:
1 Pedro 5: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013