1 Reinan 10
10
Reina di Sheba ta bishitá Salomon
(2 Krónikanan 9:1-12)
1Reina di Sheba#Mateo 12:42; Lukas 11:31 a tende di e fama ku Salomon a haña pa gloria di SEÑOR. El a bai Herusalèm pa hasi Salomon pregunta difísil pa asina pon'é na prueba. 2E reina a yega ku gran kantidat di kamel, kargá ku perfume, mashá hopi oro i piedra presioso. Ora el a yega serka Salomon, el a bis'é tur loke e tabatin na kurason. 3Salomon tabatin kontesta riba tur su preguntanan. No tabatin un pregunta ku tabata difísil di mas pa e kontestá. 4Ora reina di Sheba a weta e sabiduria di Salomon, e kas ku el a traha, 5e kumindanan na su mesa, e funshonarionan di korte ku tabata kome huntu kuné, e sirbidónan ku tabata kana rònt, e pañanan ku nan tabatin bistí, e bibidanan ku nan tabata sirbi i e sakrifisionan di kandela ku Salomon tabata ofresé den tèmpel di SEÑOR, el a pèrdè abla. 6Despues el a bisa rei: ‘Ta bèrdat anto, loke mi a tende na mi tera di bo logronan i bo sabiduria. 7Pero mi no por a kere, ku no ta te ora mi a yega i mi a mira ku mi mes wowo. Echo ta ku nan no a konta mi ni mitar di loke ta bèrdat, pasobra bo sabiduria i bo prosperidat a surpasá tur loke mi a tende. 8Felis bo kasánan#10:8 kasánan: segun tres vershon antiguo; hebreo tin: hendenan i felis e funshonarionan akí ku tur ora ta huntu ku bo i ta tende bo sabiduria! 9Alabá sea SEÑOR, bo Dios; bo a kai asina tantu na su agrado, ku El a pone bo riba trono di Israel! Pasobra SEÑOR semper a stima Israel, El a hasi bo rei pa bo mantené derecho i hustisia.’
10E reina a duna Salomon 3600 kilo di oro, gran kantidat di perfume i piedra presioso. Nunka mas no a yega Israel asina un kantidat di perfume manera e reina di Sheba a regalá rei Salomon. 11Ademas e barkunan di Hiram, ku a trese oro for di Ofir, tambe a trese palu di sándalo na gran kantidat i piedranan presioso. 12Di e palu di sándalo rei a laga traha muebel pa kas di SEÑOR i pa palasio real, tambe siter i arpa pa músikonan. Nunka mas te dia djawe nan no a importá ni a mira tantu palu di sándalo asina na Israel. 13Salomon a kumpli ku tur deseo di reina di Sheba, sin konta tur e regalonan ku el a dun'é manera rei Salomon so por a duna. Despues e reina a kohe kaminda pa regresá su tera, kompañá pa e hendenan den su servisio.
Fama i rikesa di Salomon
(2 Krónikanan 1:14-17; 9:13-28)
14E oro ku rei Salomon tabata risibí pa aña tabata pisa 20.000 kilo, 15sin konta e loke ku e tabata kobra na impuesto di e komersiantenan i e negosiantenan, di tur e reinan di Arabia i di e gobernadornan di e pais. 16Rei Salomon a traha 200 eskudo grandi di oro batí. Pa kada unu el a usa seis kilo di oro. 17Tambe el a traha 300 eskudo mas chikitu di oro batí. Pa kada un el a usa un kilo i mei di oro. Despues el a pone nan den palasio ‘Boske di Libanon’. 18Tambe rei a traha un trono grandi furá ku ivor i oro puru. 19E trono tabatin seis tret, un lomba rondó ariba, i un man na kada banda. Banda di e mannan tabatin dos leon pará; 20tabatin diesdos leon pará riba e seis tretnan, un na kada banda di un tret. Den ningun otro reino nan no a yega di traha algu asina. 21Tur e bekernan di rei Salomon tabata di oro, tur loke tabata usa na mesa den palasio ‘Boske di Libanon’ tabata di oro fini. No tabatin nada di plata. Tempu di Salomon plata no tabatin balor. 22Rei tabatin barkunan komersial#10:22 barkunan komersial; literalmente: barkunan di Tarsis na laman huntu ku e flota di Hiram, ku un be den tres aña tabata drenta, kargá ku oro, plata, ivor, makaku i pòwis. 23Den rikesa i sabiduria rei Salomon a surpasá tur rei di mundu. 24Henter mundu tabata deseá di mira Salomon pa tende e sabiduria ku Dios a dun'é. 25Aña aden aña afó kada bishitante tabata trese regalo, kosnan di oro i plata, paña, arma, perfume, kabai i mula.
26Tambe Salomon a duna su sòldánan di kabayeria garoshi di guera. E tabatin 1400 garoshi i un kabayeria di 12.000 hende.#1 Reinan 4:26 El a stashoná un parti na e siudatnan ku el a traha ku e meta ei i un otro parti a keda Herusalèm na su mes disposishon. 27Rei a hasi ku na Herusalèm tabatin plata manera tabatin piedra#Deuteronomio 17:17 i ku tabatin palu di seder manera figo shimaron ta krese den Sabana di Shefela. 28E kabainan destiná pa Salomon tabata bini for di Egipto i for di Silisia. E komersiantenan di rei tabata kumpra nan aya p'e.#Deuteronomio 17:16 29Nan tabata importá e garoshinan tambe for di Egipto. Un garoshi tabata kosta seis kilo di plata i un kabai un kilo i mei. Tambe e komersiantenan di rei tabata eksportá nan pa tur e reinan hetita i pa e reinan di Aram.
Currently Selected:
1 Reinan 10: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
