Ɖɛhan 87
87
1Kolée ví súnnu lɛ́ɛ sín han.
Mawu ɖó Jeluzalɛ́mu toxo ɔ́ ayǐ ɖó só mímɛ́ lɛ́ɛ jí.
2Mawu Mavɔmavɔ yí wǎn nú Sinyɔ́ɔ toxo hú Jakɔ́bu ví lɛ́ɛ sín toxo ɖě lɛ́ɛ bǐ.
3Toxo Mawu tɔn,
è nɔ ɖɔ xó e nɔ́ sɔ́ mɛ su lɛ́ɛ dó wǔ towe; é nɔ́ ɖɔ: Agbɔ̌n
4“Ejípunu ɖo mɛ e tunwun mì lɛ́ɛ mɛ,
Babilɔ́nunu kpó Filisitɛ́ɛn kpó ɖo yě mɛ,
Tíinu kpó Etiopíinu kpó lɔ ɖo yě mɛ;
è ji yě ɖó to yětɔn yětɔn mɛ.
5È ka jɛ Sinyɔ́ɔ ɔ́, è nɔ ɖɔ:
Fí élɔ́ wɛ nyí mɛ énɛ́ lɛ́ɛ bǐ sín toxo.
Mawu Ajalɔ̌nlɔn ɔ́ wɛ ɖó toxo élɔ́ ayǐ.”
6Mawu Mavɔmavɔ ɖo togun lɛ́ɛ sín nyǐkɔ wlán
dó wěgbó togun lɛ́ɛ tɔn mɛ wɛ;
é nɔ́ wlán ɖɔ: “Sinyɔ́ɔ fí wɛ togun lě jɔ ɖe.” Agbɔ̌n
7Mɛ e ɖo han ji wɛ lɛ́ɛ,
kpó mɛ e ɖo we ɖú wɛ lɛ́ɛ kpó nɔ́ sú xó ɖɔ:
“Gɔ̌n towe wɛ donu ce bǐ ɖe!”
Un ɖo kúdonu
Currently Selected:
Ɖɛhan 87: Fon13
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
