Ɖɛhan 67
67
1Hanjigbɛ́gán ɔ́ sín hanjiwéma mɛ wɛ han élɔ́ ɖe. È nɔ ji bó nɔ́ xo kanhún d'é mɛ.
2Mawu ce, ɖe xomɛnyínyɔ́ towe xlɛ́ mǐ,
bó xo ɖɛ dó mǐ jí.
Nukún towe mɛ ní hɔ́n dó mǐ jí; Agbɔ̌n
3énɛ́ ɔ́, è nǎ tunwun lě e a nɔ wa nǔ gbɔn ɔ́ ɖo ayǐkúngban jí,
akɔta lɛ́ɛ bǐ ná tunwun ɖɔ hwi wɛ nɔ́ hwlɛ́n mɛ gán.
4Mawu ce, togun lɛ́ɛ ní kpa we,
togun lɛ́ɛ bǐ ní kpa we.
5Akɔta lɛ́ɛ ní j'awǎ;
yě ní ji han dó ɖe awǎjijɛ yětɔn xlɛ́,
ɖó a nɔ ɖɔ hwɛ xá togun lɛ́ɛ ɖó sɛ́nxwi jí,
bó nɔ́ xlɛ́ ali akɔta lɛ́ɛ ɖo ayǐkúngban ɔ́ jí. Agbɔ̌n
6Mawu ce, togun lɛ́ɛ ní kpa we,
togun lɛ́ɛ bǐ ní kpa we.
7Ayǐkúngban ná jinukún tɔn lɛ́ɛ,
Mawu dó nú mǐ,
Mawu mǐtɔn dó nú mǐ.
8Mawu ní dó nú mǐ,
bónú wɛ̌kɛ́zo ɛnɛ lɛ́ɛ bǐ ní ɖó sísí n'i.
Mawu ɖu ɖ'é jí, bɔ è ji han dó yi kpé e
Currently Selected:
Ɖɛhan 67: Fon13
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
