Salmo 39
39
SALMO 39
Kiko hende ta? Djis un rosea
Pa maestro di kanto. Pa Yedutun. Salmo di David.
1Mi di: Laga mi warda mi kurpa
pa mi no hasi piká ku mi lenga;
mi ke bisti mi boka un bosal,
tanten ku tin malbado mi dilanti.
2Mi a keda ketu, resigná,
mi a wanta mas ku ta'ta bon,
ma mi doló a bira mas pisá.
3Mi kurason tabata kima den mi pechu,
ku m'a pensa un kos — kandela;
te ku mi lenga a lòs i m'a bisa:
4‘SEÑOR, laga mi sa mi fin,
kuantu dia mas mi tin di bida;
laga mi sa kon pasahero mi ta.
5Esta kòrtiku Bo a hasi mi dianan,
mi bida no ta nada den bo bista,
hende bibu no ta mas ku un rosea;
6hende ta pasa manera un sombra,
tur su anshamentu ta pòrnada;
e ta montoná semper mas tantu,
pero e no sa ta pa ken.#Job 7:16; 8:9; 14:1-2; Salmonan 90:9-10; 102:11; 109:23; Predikador 6:2; Sirag 40:1-10; Sabiduria 2:1-4
7Señor, kiko mi spera awor?
Ta den Bo mi a pone mi speransa.
8Libra mi di tur mi pikánan,
no laga un loko tuma mi hasi kèns.
9Mi ta ketu, mi n' ta habri mi boka,
n' ta bo man a hasi tur esei?
10Kita bo kastigu fo'i mi,
mi ta rendí pa gòlpi di bo man.
11Kastigando kulpa di hende
Bo ta dun'é skremènt;
manera mòt Bo ta kome su ilushon;
hende no ta mas ku un rosea.
12SEÑOR, skucha mi orashon,
hasi kaso di mi gritu di ousilio;
no keda surdu pa mi kehonan.
Mi no ta un wéspet serka Bo?
Ta serka Bo mi ta biba,
manera ántes ayá tur mi grandinan.#Levítiko 25:23; Salmo 119:19; 1 Pedro 2:11
13Kita bo bista severo fo'i mi,
laga mi bolbe hala rosea#Job 7:19; 10:20-21; 14:6
promé ku mi bai i lo n' t'ei mas.’
Currently Selected:
Salmo 39: PBDC13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
