Salmo 101
101
SALMO 101
Un gobernante ideal
Di David. Un Salmo.
1Mi ke kanta di bondat i hustisia,
kanta pa Bo, SEÑOR.
2Mi ke tene mi andá ireprochabel
— ki ora Bo ta bini serka mi?
Mi ke biba ku konsenshi limpi
den mi kas tambe.
3Mi n' ke tene dilanti di mi bista
nada ku n' ta pas;
mi ta odia e proseder di infielnan,
mi n' ke tin ke ber ku nan;
4Leu fo'i mi un konsenshi trosé,
mi n' tin lei ku maldat.
5Es ku, skondí, ta papia malu di su próhimo,
mi ta tapa su boka.
Un bista arogante, idea,
esei mi n' por wanta.
6Nan ku ta fiel den pais mi ta buska
pa nan biba ku mi.
Esun ku su kondukta ta perfekto,
e so por sirbi mi.
7Den mi kas no por biba ningun hende
ku ta gusta gaña otro.
Un papiadó di mentira no por biba
kaminda ami por mir'é.
8Dia aden dia afó,
tur mainta,
mi ta kaba ku pekadónan den pais,
pa eksterminá for di siudat di SEÑOR
tur hasidó di maldat.
Currently Selected:
Salmo 101: PBDC13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
