Mateo 16

Fariseonan ta pidi Hesus señal milagroso

(Marko 8:11-13; Lukas 12:54-56)

1Sierto fariseo i saduseo a aserká Hesus pa purba lag'É kai den trampa i p'esei nan a pidiÉ un señal pa mustra nan ku Dios tabata kunÉ.#Mateo 12:38; Lukas 11:16 2Hesus a kontestá nan: ‘Atardi boso ta bisa: “Ta bai tin bon wer, pasobra shelu ta kòrá!” 3Anto mainta trempan boso ta bisa: “Ta bai tin mal tempu, pasobra shelu ta kòrá i skur.” Boso por wak shelu i bisa ki sorto di wer ta na kaminda, ma e señalnan ku ta tuma lugá den e tempu akí boso no por interpretá. 4Un generashon malbado i perverso ta pidi señal,#Mateo 12:39; Lukas 11:29 ma nan lo no haña ningun señal ku no ta e señal di Yonas.’ El a kita bai, laga nan.

Zürdeg di e fariseonan i zürdeg di Heródes

(Marko 8:14-21)

5Ora nan a bai na otro banda di lago, e disipelnan a lubidá di bini ku pan. 6Hesus a bisa nan: ‘Paga tinu! Libra boso di zürdeg di e fariseo#Lukas 12:1 i saduseonan.’ 7Nan tabata papia ku otro tokante e situashon i bisa: ‘E ta bisa asina, pasobra nos no a bini ku pan.’ 8Hesus ku a ripará esei a bisa nan: ‘Pakiko boso ta diskutí si boso tin pan òf no? Te ainda boso no ta komprondé? 9Boso no ta kòrda dia Mi a kibra e sinku pannan pa e sinku mil hendenan#Mateo 14:17-21 ta kuantu makutu boso a yena ku e pidanan ku a sobra? 10I ora Mi a kibra e shete pannan pa parti pa e kuater mil hendenan,#Mateo 15:34-38 kuantu makutu grandi boso a yena? 11Ta kon por ta antó ku boso no ta komprondé ku no ta tokante pan Mi tabata papia ku boso? Ma tene kuidou ku zürdeg di e fariseo i saduseonan.’ 12E ora ei nan a bin komprondé ku no ta ku zürdeg den pan El a bisa nan tene kuidou, sino ku siñansa di e fariseo i saduseonan.

Pedro ta deklará ku Hesus ta Mesias

(Marko 8:27-30; Lukas 9:18-21)

13Ora Hesus a yega region di Sesarea Filipi, El a puntra su disipelnan: ‘Ken e hendenan ta bisa e Yu di hende ta?’ 14Nan a kontestá: ‘Tin ta bisa ku Bo ta Huan Boutista, otro ta bisa Bo ta Elías i tin algun otro ta pensa ku Bo ta Yeremías òf un di e profetanan.’#Mateo 14:1-2; Marko 6:14-15; Lukas 9:7-8 15E ora ei Hesus a puntra nan: ‘Anto boso mes, ken boso mes ta bisa Mi ta?’ 16Simon Pedro a kontestá: ‘Bo ta Mesias, e Yu di Dios Bibu!’#Huan 6:68-69 17Hesus a bis'é: ‘Felis bo ta, Simon, yu di Huan, pasobra no ta hende a revelá bo esaki, ma mi Tata ku ta den shelu. 18I Mi ta bisa bo: abo ta Pedro, esta baranka, i riba e baranka akí lo Mi traha mi iglesia; forsa di morto lo no triunfá riba dje. 19Lo Mi duna bo e yabinan di reino di shelu, i loke bo prohibí na tera, lo ta prohibí den shelu tambe. Loke bo pèrmití na tera, lo ta pèrmití den shelu tambe.’#Mateo 18:18; Huan 20:23 20Na e okashon ei, Hesus a prohibí nan di bisa kualke hende ku t'É ta Mesias.

Hesus ta konta di su morto i su resurekshon

(Marko 8:31—9:1; Lukas 9:22-27)

21For di e momento ei, Hesus a kuminsá mustra su disipelnan klaramente ku E mester bai Herusalèm i mester sufri hopi kos na man di e ansiano, saserdote importante i dòktornan di lei i ku hende lo mat'É. Ma riba e di tres dia lo E lanta for di morto. 22Pedro a hal'É un banda, kuminsá skual E i bis'É: ‘Dios mester libra, Señor! Hamas e kosnan ei lo no pasa ku Bo!’ 23Hesus a bira bisa Pedro: ‘Bai for di Mi, satanas! Bo ta un estorbo pa Mi; bo no ta pensa manera Dios, ma manera hende!’

24Despues El a bisa su disipelnan: ‘Si un hende ke sigui Mi, e mester lubidá su mes, hisa su krus#16:24 hisa su krus; ke men: sea prepará pa pasa hopi sufrimentu, asta un morto violento pasobra bo ta Hesus su disipel. E romanonan den tempu di Hesus, na Palestina, tabata usa krus komo un instrumènt pa kastigá i finalmente mata kriminalnan ku no ta romano. i sigui Mi.#Mateo 10:38; Lukas 14:27; Huan 12:24 25Pasobra esun ku ke salba su bida, lo pèrd'é, ma esun ku entregá su bida pa Mi, lo hañ'é bèk.#Mateo 10:39; Lukas 17:33; Huan 12:25 26Ki benefisio un hende tin si e gana henter mundu a kosto di su bida? Pasobra kiko un hende lo por duna komo pago pa su bida? 27Yu di hende lo bini den gloria di su Tata huntu ku su angelnan#Mateo 25:31 i e ora ei lo E rekompensá tur hende di akuerdo ku nan aktonan.#Salmo 62:11-12; Proverbionan 24:12; Yeremías 17:10; Ezekiel 18:30; 33:20; Sirag 16:12,14; Romanonan 2:6 28Mi ta sigurá boso: tin di boso aki ku lo no muri promé nan mira e Yu di hende bini komo rei.’

Currently Selected:

Mateo 16: PBDC13

Highlight

Copy