Éksodo 25
25
Donashon pa e tènt sagrado
(Éksodo 35:4-9)
1SEÑOR a bisa Moises: 2‘Bisa e israelitanan pa nan hasi un donashon na Mi. Tuma loke kada un ke duna di kurason. 3Tuma e kosnan akí: oro, plata, koper; 4tela blou, tela kòrá püs i kòrá bibu, lenen fini, lana di kabritu; 5kueru di chubatu di karné tinzjí kòrá, kueru fini i palu di akasia; 6zeta pa lampi, speserei pa traha zeta di konsagrashon i sensia di holó dushi; 7óniks i otro piedra presioso pa e frèskòt saserdotal i pechero.
8Laga nan traha un santuario pa Mi bin biba meimei di nan. 9Traha e tènt i tur loke mester bini aden presis manera e modelo ku Mi ta laga bo mira.
E arka di aliansa
10Laga nan traha un kaha di palu di akasia. E mester ta un meter bintisinku largu, setentisinku sèntimeter hanchu i setentisinku sèntimeter altu. 11Fur'é paden i pafó ku oro puru i traha un leshi di oro rònt di dje. 12Traha tambe kuater renchi di oro i pega nan na e kuater pianan, dos na kada banda di e kaha. 13Traha bara di palu di akasia i fura nan ku oro. 14Pasa e baranan den e renchinan na kada banda di e arka, pa por karga e arka. 15E baranan mester keda den e renchinan, no saka nan. 16Pone e dokumento#25:16 dokumento: esta e dies mandamentunan grabá den dos tabla di piedra. di aliansa ku lo Mi duna bo, den e kaha.
17Traha un tapa di oro puru, un meter bintisinku largu i setentisinku sèntimeter hanchu. 18Traha na rant di kada banda kòrtiku un kerubin di oro batí. 19E tapa i e kerubinnan mester ta tur na un. 20E kerubinnan mester ta ku kara pa otro den direkshon di e tapa i nan mester protegé e tapa ku nan alanan habrí. 21Pone e dokumento di aliansa ku Mi duna bo den e kaha i pone e tapa ariba. 22Ei lo Mi topa ku bo; riba e tapa di e arka di aliansa, meimei di e dos kerubinnan lo Mi laga bo sa loke Mi ta deseá di e israelitanan.
E mesa pa pan konsagrá
23Traha un mesa di palu di akasia di un meter largu, sinkuenta sèntimeter hanchu i setentisinku sèntimeter altu. 24Fur'é ku oro puru i traha un leshi di oro rònt di dje. 25Traha un rant, hanchura di un man, na e mesa, trah'é ku un leshi di oro. 26Traha kuater renchi di oro i pega nan na e skinanan na e kuater pianan. 27E renchinan mester ta serka di e rant pa por pasa e baranan di karga e mesa. 28Traha e baranan di palu di akasia i fura nan ku oro. 29E skòternan i e skalchinan mester ta trahá di oro puru, tambe e kanikanan i e kòmchinan pa e sakrifisio di biña. 30Sòru pa Mi dilanti tin semper pan konsagrá#Levítiko 24:5-8 riba e mesa.
E kandelar
31Traha un kandelar di oro puru. Su pia, bara i adornonan, esta e kèlki, kònòpi i blachinan, mester ta tur na un. 32For di e bara mester sali seis brasa. Tres na kada banda. 33Na kada un di e seis brasanan mester tin tres kèlki den forma di flor di mangel ku tantu nan kònòpinan komo nan blachinan 34i na e bara di e kandelar kuater kèlki, tambe den forma di flor di mangel ku kònòpi i blachi. 35Bou di kada par di brasa ku ta sali for di e bara mester tin un kònòpi di flor. 36Tur kònòpi i brasa mester ta trahá na un ku e kandelar: ún pida di oro batí. 37Traha shete lampi di zeta i pone nan riba e kandelar, asina ku e lus ta tira pa parti dilanti. 38E bakinan di lampi i e snùiternan tambe mester ta di oro puru. 39Traha e kandelar kompleto i tur loke ta pertenesé n'e di trinta kilo di oro puru. 40Sòru di traha tur kos meskos ku e modelo ku Mi a mustra bo riba seru.#Echonan 7:44; Hebreonan 8:5
Currently Selected:
Éksodo 25: PBDC13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
Éksodo 25
25
Donashon pa e tènt sagrado
(Éksodo 35:4-9)
1SEÑOR a bisa Moises: 2‘Bisa e israelitanan pa nan hasi un donashon na Mi. Tuma loke kada un ke duna di kurason. 3Tuma e kosnan akí: oro, plata, koper; 4tela blou, tela kòrá püs i kòrá bibu, lenen fini, lana di kabritu; 5kueru di chubatu di karné tinzjí kòrá, kueru fini i palu di akasia; 6zeta pa lampi, speserei pa traha zeta di konsagrashon i sensia di holó dushi; 7óniks i otro piedra presioso pa e frèskòt saserdotal i pechero.
8Laga nan traha un santuario pa Mi bin biba meimei di nan. 9Traha e tènt i tur loke mester bini aden presis manera e modelo ku Mi ta laga bo mira.
E arka di aliansa
10Laga nan traha un kaha di palu di akasia. E mester ta un meter bintisinku largu, setentisinku sèntimeter hanchu i setentisinku sèntimeter altu. 11Fur'é paden i pafó ku oro puru i traha un leshi di oro rònt di dje. 12Traha tambe kuater renchi di oro i pega nan na e kuater pianan, dos na kada banda di e kaha. 13Traha bara di palu di akasia i fura nan ku oro. 14Pasa e baranan den e renchinan na kada banda di e arka, pa por karga e arka. 15E baranan mester keda den e renchinan, no saka nan. 16Pone e dokumento#25:16 dokumento: esta e dies mandamentunan grabá den dos tabla di piedra. di aliansa ku lo Mi duna bo, den e kaha.
17Traha un tapa di oro puru, un meter bintisinku largu i setentisinku sèntimeter hanchu. 18Traha na rant di kada banda kòrtiku un kerubin di oro batí. 19E tapa i e kerubinnan mester ta tur na un. 20E kerubinnan mester ta ku kara pa otro den direkshon di e tapa i nan mester protegé e tapa ku nan alanan habrí. 21Pone e dokumento di aliansa ku Mi duna bo den e kaha i pone e tapa ariba. 22Ei lo Mi topa ku bo; riba e tapa di e arka di aliansa, meimei di e dos kerubinnan lo Mi laga bo sa loke Mi ta deseá di e israelitanan.
E mesa pa pan konsagrá
23Traha un mesa di palu di akasia di un meter largu, sinkuenta sèntimeter hanchu i setentisinku sèntimeter altu. 24Fur'é ku oro puru i traha un leshi di oro rònt di dje. 25Traha un rant, hanchura di un man, na e mesa, trah'é ku un leshi di oro. 26Traha kuater renchi di oro i pega nan na e skinanan na e kuater pianan. 27E renchinan mester ta serka di e rant pa por pasa e baranan di karga e mesa. 28Traha e baranan di palu di akasia i fura nan ku oro. 29E skòternan i e skalchinan mester ta trahá di oro puru, tambe e kanikanan i e kòmchinan pa e sakrifisio di biña. 30Sòru pa Mi dilanti tin semper pan konsagrá#Levítiko 24:5-8 riba e mesa.
E kandelar
31Traha un kandelar di oro puru. Su pia, bara i adornonan, esta e kèlki, kònòpi i blachinan, mester ta tur na un. 32For di e bara mester sali seis brasa. Tres na kada banda. 33Na kada un di e seis brasanan mester tin tres kèlki den forma di flor di mangel ku tantu nan kònòpinan komo nan blachinan 34i na e bara di e kandelar kuater kèlki, tambe den forma di flor di mangel ku kònòpi i blachi. 35Bou di kada par di brasa ku ta sali for di e bara mester tin un kònòpi di flor. 36Tur kònòpi i brasa mester ta trahá na un ku e kandelar: ún pida di oro batí. 37Traha shete lampi di zeta i pone nan riba e kandelar, asina ku e lus ta tira pa parti dilanti. 38E bakinan di lampi i e snùiternan tambe mester ta di oro puru. 39Traha e kandelar kompleto i tur loke ta pertenesé n'e di trinta kilo di oro puru. 40Sòru di traha tur kos meskos ku e modelo ku Mi a mustra bo riba seru.#Echonan 7:44; Hebreonan 8:5
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013