Éksodo 24
24
E aliansa di SEÑOR ku su pueblo
1SEÑOR a bisa Moises: ‘Subi bin serka Mi, abo, Aaron, Nadab i Abihu huntu ku setenta di e ansianonan, lider di Israel, pero hinka rudia na un bon distansia sí. 2Bo so mag yega te serka, e otronan nò. E pueblo no mag subi huntu ku bo.’
3Moises a bai bèk, el a konta e pueblo tur loke SEÑOR a bisa i tur e reglanan ku El a duna. Henter e pueblo a kontestá unánimemente: ‘Nos lo hasi tur loke SEÑOR a bisa.’#Éksodo 19:8; Deuteronomio 5:27 4Moises a skibi tur loke SEÑOR a bisa. Su manisé trempan el a traha un altá na pia di e seru i a lanta diesdos piedra, un pa kada di e diesdos tribunan di Israel. 5Despues el a laga algun hóben israelita bini; nan a ofresé sakrifisio di kandela i a mata toro pa ofresé sakrifisio di pas na SEÑOR. 6Moises a pone mitar di e sanger den poko skalchi i e otro mitar el a sprengu riba e altá. 7El a kohe e buki di aliansa i a les'é pa e pueblo tende. Nan a bisa: ‘Nos lo obedesé SEÑOR i hasi tur loke El a bisa.’ 8E ora ei Moises a kohe e sanger i a sprengu e riba e pueblo. El a bisa: ‘Esaki ta sanger di e aliansa#Mateo 26:28; Marko 14:24; Lukas 22:20; 1 Korintionan 11:25; Hebreonan 10:29 ku SEÑOR ta sera ku boso a base di tur e mandamentunan akí.’#Hebreonan 9:19-20
9Moises a subi e seru huntu ku Aaron, Nadab, Abihu i setenta ansiano di Israel. 10Nan a mira e Dios di Israel. Bou di su pia tabatin manera un flur trahá di safiro, blou kla manera shelu mes. 11E lidernan akí di Israel por a mira Dios, sin ku Dios a laga algu malu pasa nan. Nan a kome i bebe.
12SEÑOR a bisa Moises: ‘Sigui subi seru bini serka Mi i keda para. Lo Mi duna bo e tablanan di piedra ku e lei, esta e mandamentunan, ku Mi a skibi pa siña e israelitanan.’ 13E ora ei Moises i su sirbidó Yozue a lanta para, anto Moises a subi e seru di Dios. 14El a bisa e ansianonan: ‘Keda warda aki riba nos, te ora nos bini bèk serka boso. Aaron i Hur ta keda serka boso. Ken ku por tin problema, akudí serka nan.’ 15Ora Moises a kaba di papia, el a subi e seru i un nubia a tapa e seru. 16E gran splendor di SEÑOR a keda sosegá riba Seru Sinai i e nubia a tapa e seru durante seis dia. For di den e nubia SEÑOR a yama Moises riba e di shete dia. 17E israelitanan por a mira e gran splendor di SEÑOR riba kabes di e seru manera un kandela ku ta kima tur kos.
18Moises a drenta den e nubia i a sigui subi e seru. El a keda kuarenta dia i kuarenta nochi riba e seru.#Deuteronomio 9:9
Currently Selected:
Éksodo 24: PBDC13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
Éksodo 24
24
E aliansa di SEÑOR ku su pueblo
1SEÑOR a bisa Moises: ‘Subi bin serka Mi, abo, Aaron, Nadab i Abihu huntu ku setenta di e ansianonan, lider di Israel, pero hinka rudia na un bon distansia sí. 2Bo so mag yega te serka, e otronan nò. E pueblo no mag subi huntu ku bo.’
3Moises a bai bèk, el a konta e pueblo tur loke SEÑOR a bisa i tur e reglanan ku El a duna. Henter e pueblo a kontestá unánimemente: ‘Nos lo hasi tur loke SEÑOR a bisa.’#Éksodo 19:8; Deuteronomio 5:27 4Moises a skibi tur loke SEÑOR a bisa. Su manisé trempan el a traha un altá na pia di e seru i a lanta diesdos piedra, un pa kada di e diesdos tribunan di Israel. 5Despues el a laga algun hóben israelita bini; nan a ofresé sakrifisio di kandela i a mata toro pa ofresé sakrifisio di pas na SEÑOR. 6Moises a pone mitar di e sanger den poko skalchi i e otro mitar el a sprengu riba e altá. 7El a kohe e buki di aliansa i a les'é pa e pueblo tende. Nan a bisa: ‘Nos lo obedesé SEÑOR i hasi tur loke El a bisa.’ 8E ora ei Moises a kohe e sanger i a sprengu e riba e pueblo. El a bisa: ‘Esaki ta sanger di e aliansa#Mateo 26:28; Marko 14:24; Lukas 22:20; 1 Korintionan 11:25; Hebreonan 10:29 ku SEÑOR ta sera ku boso a base di tur e mandamentunan akí.’#Hebreonan 9:19-20
9Moises a subi e seru huntu ku Aaron, Nadab, Abihu i setenta ansiano di Israel. 10Nan a mira e Dios di Israel. Bou di su pia tabatin manera un flur trahá di safiro, blou kla manera shelu mes. 11E lidernan akí di Israel por a mira Dios, sin ku Dios a laga algu malu pasa nan. Nan a kome i bebe.
12SEÑOR a bisa Moises: ‘Sigui subi seru bini serka Mi i keda para. Lo Mi duna bo e tablanan di piedra ku e lei, esta e mandamentunan, ku Mi a skibi pa siña e israelitanan.’ 13E ora ei Moises i su sirbidó Yozue a lanta para, anto Moises a subi e seru di Dios. 14El a bisa e ansianonan: ‘Keda warda aki riba nos, te ora nos bini bèk serka boso. Aaron i Hur ta keda serka boso. Ken ku por tin problema, akudí serka nan.’ 15Ora Moises a kaba di papia, el a subi e seru i un nubia a tapa e seru. 16E gran splendor di SEÑOR a keda sosegá riba Seru Sinai i e nubia a tapa e seru durante seis dia. For di den e nubia SEÑOR a yama Moises riba e di shete dia. 17E israelitanan por a mira e gran splendor di SEÑOR riba kabes di e seru manera un kandela ku ta kima tur kos.
18Moises a drenta den e nubia i a sigui subi e seru. El a keda kuarenta dia i kuarenta nochi riba e seru.#Deuteronomio 9:9
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013