Éksodo 11
11
Anunsio di e di dies plaga
1Di antemano SEÑOR a bisa Moises: ‘Mi ta manda un plaga mas riba fárao i e egipsionan. Despues e ta laga boso bai. Asta e mes ta kore na malu ku boso. 2P'esei bisa e israelitanan hòmber i muhé pidi nan bisiñanan ophetonan di plata i di oro.’ 3SEÑOR a sòru pa e egipsionan tabata generoso ku su pueblo. Tantu e funshonarionan di fárao komo e pueblo tabatin hopi rèspèt pa Moises.
4Moises a bisa fárao: ‘Esaki ta palabra di SEÑOR: “Meimei di anochi Mi ta pasa den Egipto. 5E ora ei tur e promé yu hòmbernan den e pais lo muri. For di e promé yu hòmber di fárao, ku mester siguié riba trono, te e yu hòmber mayó di e kriá ku ta mula trigo. E promé yu di kada bestia tambe ta muri. 6Lo tin lamento den henter e pais, manera nunka ántes tabatin, ni lo no bin tin hamas. 7Pero e israelitanan i nan bestianan lo no kore ningun peliger. Ni kachó lo no grita nan. Esei ta pa bo sa ku SEÑOR ta hasi distinshon entre egipsio i israelita.” ’ 8Moises a sigui bisa fárao: ‘Tur bo funshonarionan lo bini serka mi i na rudia nan lo roga mi pa mi i e pueblo ku ta sigui mi bai. E ora ei lo mi bai.’ Bon rabiá el a sali bai laga fárao.
9Delantá SEÑOR a bisa Moises: ‘Fárao lo no skucha bo, pa asina Mi por hasi mas milager na Egipto.’ 10Moises i Aaron a hasi tur e milagernan akí pa fárao por a mira, pero SEÑOR a hasié tèrko, p'esei e no a laga e israelitanan sali for di su pais.
Currently Selected:
Éksodo 11: PBDC13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
