Estera Grika 1
1
1. I ASOEROSY SY I VASTI
Fanasana nataon’i Asoerosy
1Tamin’ny andron’i Asoerosy#1,1 I Asoerosy: zanak’i Dariosy zanak’i Histaspa, dia mpanjaka lehibe sady nalaza nanjaka hatrany India ka hatrany Etiôpia. Tsy hafa amin’ilay ataon’ny mpitantara hoe Kserksesy, na Artakserksesa., ilay Asoerosy nanjaka hatrany India ka hatrany Etiôpia, tamin’ny faritany 127, 2raha ilay nipetraka teo amin’ny seza fiandrianan’ny fanjakany iny i Asoerosy mpanjaka, tao Sosa, renivohiny, 3dia nanao fanasana ho an’ny andriandahy ama-mpandraharahany rehetra, tamin’ny taona fahatelo nanjakany. Tafavory teo anatrehany avokoa ny lehiben’ny foloalindahin’ny Persa sy ny Meda, ny lehibe sy governora isam-paritany: 4ary tamin’izay no nanamparany teo anatrehany ny voninahitry ny fanjakany tapitra ohatra sy ny famirapiratry ny fahalehibeazany kanto loatra, nandritra ny andro maro be, dia 180 andro#1,4 Mba ho fankalazana ny fananganana azy ho mpanjaka, dia nomen’i Asoerosy alalana ny manamboninahitra rehetra ao amin’ny fanjakany midadasika, mba hahazo manatona azy, tao anatin’ny 180 andro, izany hoe mandritra ny enim-bolana: ka izay rehetra tonga dia nampanaovany fandraisana sy fanasana mahatalanjona..
5Nony tapitra ireo andro ireo, nanao fanasana naharitra hafitoana ny mpanjaka, tao an-kianjan’ny zaridainan’ny tranon’ny mpanjaka, ho an’ny vahoaka rehetra, izay tao Sosa renivohiny, hatramin’ny kely indrindra ka hatramin’ny lehibe indrindra#1,5 Tsy lazaina eo fa hoe indray tonga teo ny mponina rehetra tao Sosa. Noho izany, mba hisy filaminana, dia azo heverina ho nozaraina antokony fito izy ireo, ka dia ny iray tarika no mbola notsinjaraina indray aza nofahanana isan’andro.. 6Nisy lamba temitra fotsy sy maitso ary manga teo, nifehy teo amin’ny masom-bolafotsy amin’ny kofehy rongony fotsy sy jaky tamin’ny andry marbra; nisy farafara volamena sy volafotsy nalahatra teo amin’ny lampivato pôrfira, marbra fotsy, hara, ary marbra mainty. 7Kapoaka volamena samihafa endrika, no nampisotroana ny olona, ary be ny divai-mpanjaka naroso, fa nalala-tanana ny mpanjaka. 8Araka ny didy dia samy nisotro tsy nisy nanery ny olona, satria raha ny nandidian’ny mpanjaka ny mpitandrina ny tranony, dia izay sitrapon’ny olona nasaina tsirairay avy no hafahina#1,8 Araka ny fomba tany Persa, raha misy fanasana, dia izay atolotry ny lehiben’ny fanasana sotroina no tsy maintsy sotroin’ny mpihinana. Fa tamin’ity indray mitoraka ity kosa dia nofoanan’i Asoerosy io fomba io, ka dia samy nahazo nisotro araka izay tiany ny olona..
Raharaha momba an’i Vastì
9I Vastì#1,9 Vastì: ny dikan’izany amin’ny teny persa dia hoe, kanto., mpanjakavavy koa, nanao fanasana ho an’ny vehivavy, tao amin’ny tranom-panjakàn’i Asoerosy mpanjaka. 10Tamin’ny andro fahafito, raha ilay faly azon’ny divay iny ny fon’ny mpanjaka, dia nomeny teny izy fito lahy oenòka#1,10 Eonòka: olona vitana Nahary tsy ho afaka hanambady noho ny toetry ny tenany; na olona sasany minia tsy manambady an-tsitrapo: mpanompon’ny mpanjaka (jereo Mt 11.2)., i Maomàna, i Bazatà, i Harbônà, i Bagatà, i Abgatà, i Zetara ary i Karkasa, izay nanompo teo anatrehan’i Asoerosy, 11hitondra an’i Vastì, mpanjaka vavy voasatroka diadema#1,11 Diadema: satroboninahitra sahala amin’ny fehiloha, ka mivona eo an-tampony. Voaravaka volom-borona sy vatosoa sarobidy, ka manjelanjelatra erỳ. Mbola fanaon’ny mpanjakan’i Persa sy India ihany izany ambarak’izao., ho eo anatrehany mba haneho ny hatsarany amin’ny vahoaka sy ny lehibe, fa tsara tarehy izy. 12Nolavin’i Vastì mpanjakavavy anefa#1,12 Nolavin’i Vastì mpanjakavavy anefa: Satria araka ny fomban-tanin’i Persa, ny vehivavy manan-kaja dia tsy mahazo mankeo amin’ny fanasana. ny manaiky ny tenin’ny mpanjaka nentin’ny eonòka, ka tezitra mafy sy nirehi-pahatezerana ny mpanjaka.
13Dia niteny tamin’ireo olon-kendry izay manam-pahaizana ny andro ny mpanjaka, fa toy izany no fanaovana ny raharahan’ny mpanjaka teo anatrehan’izay rehetra mahalala ny lalàna sy ny rariny. 14Ary ny nanakaiky azy indrindra, dia izy fito lahy andriandahin’i Persa sy i Media, i Kasena, i Setara, i Admatà, i Tarsisa, i Maresa, i Marsanà ary i Mamokàna, izay nahita ny tavan’ny mpanjaka#1,14 nahita ny tavan’ny mpanjaka: Nanatona azy tsy amin’alàlana; fa ny tenany no nanatona azy sy niresaka taminy ary nifankahazo taminy., sy nitana ny laharana voalohany teo amin’ny fanjakana. 15«Lalàna inona, hoy izy, no hahatra amin’i Vastì mpanjakavavy, noho ny tsy nanekeny ny didin’i Asoerosy mpanjaka izay nomeny azy tamin’ny alalan’ny eonòka?» 16Dia izao no navalin’i Mamokàna teo anatrehan’ny mpanjaka sy ny andriandahy: «Tsy tamin’ny mpanjaka ihany no nanao ratsy i Vastì mpanjakavavy, fa tamin’ny andriandahy rehetra, mbamin’ny vahoaka rehetra, izay eny amin’ny faritanin’Asoerosy mpanjaka rehetra koa. 17Fa ho fantatry ny vehivavy rehetra izao nataon’ny mpanjakavavy izao, ka hahatonga azy haniratsira ny vadiny isany, hanao hoe: ‹I Asoerosy mpanjaka nandidy ny hitondra an’i Vastì mpanjakavavy ho eo anatrehany, nefa tsy nankeo izy.› 18Ka hatramin’izao anio izao ihany, ny andriambavin’i Persa sy i Media handre izao nataon’ny mpanjakavavy izao, dia hilaza azy amin’ny andriandahin’ny mpanjaka rehetra, ka ho faniratsirana aman-katezerana be no hitranga. 19Koa raha sitraky ny mpanjaka, aoka hisy didim-panjakana, haely hatraiza hatraiza amin’ny anarany, sady hosoratana ao amin’ny lalàn’ny Persa sy ny Meda, tsy ho azo dikaina, milaza fa tsy hiseho eo anatrehan’i Asoerosy mpanjaka intsony i Vastì mpanjakavavy, ary ny voninahitra hoe mpanjakavavy dia homen’ny mpanjaka ny vehivavy hafa tsaratsara kokoa noho izy.
20Fa rehefa tafaely eran’ny fanjakany ny didin’ny mpanjaka, dia samy hanaja ny vadiny avy ny vehivavy rehetra, hatramin’ny lehibe indrindra ka hatramin’ny kely indrindra.»
21Sitraky ny mpanjaka sy ny andriandahy izany hevitra izany, ka dia nanao araka ny tenin’i Mamokàna ny mpanjaka. 22Nandefa taratasy ho any amin’ny faritaniny rehetra amin’ny fanjakany, nataony araka ny soratry ny isam-paritany avy, sy araka ny fitenin’ny isam-poko avy, nilaza fa ny lehilahy rehetra no tsy maintsy lohany ao an-tranony avy, ary izay fitenin’ny fireneny avy no hitenenany#1,22 Izay fitenin’ny fireneny avy no itenenany: ny hevitr’izany teny izany dia hoe: Raha toa ny fitenin-drazan’ilay vehivavy hafa noho ny an’ny vadiny, izany fitenin-drazan’ilay vehivavy izany dia tsy tokony hampiasaina ao amin’ny fianakaviana; fa ny fitenin-drazan’ny lahy no hatao..
Currently Selected:
Estera Grika 1: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.