Salamo 3
3
SALAMO 3
Antso vao maraina ataon’ny olo-marina enjehina
1 Tononkiran’i Davida; fony izy nandositra teo anatrehan’i Absalôma zanany # 3,1 Jereo 2Sam 15 sy ny manaraka. .
2Ry Iaveh ô, akory izato hamaroan’ny fahavaloko!
Endrey ity habetsahan’ireo mitsangan-kamely ahy!
3Maro ny milaza ny amiko manao hoe:
«Tsy misy famonjena ho azy intsony eo
amin’Andriamanitra!»
- Selà
4Kanefa, ry Iaveh, Ianao no ampingako;
Ianao no voninahitro sy manandratra ny lohako.
5Miantso an’i Iaveh amin’ny feoko aho,
dia mamaly ahy any an-tendrombohiny#3,5 Ny tendrombohiny masina: I Siôna na i Jerosalema no lazaina amin’izany. masina Izy.
- Selà
6Nandry aho dia natory;
nifoha indray aho, fa i Iaveh no tohako.
7Tsy matahotra aho, eo anoloan’ny vahoaka tsy tambo isaina,
izay mivangongo manodidina ahy hatraiza hatraiza.
8Mitsangàna, ry Iaveh ô! Vonjeo aho, ry Andriamanitro!
Fa Ianao no mamely ny takolaky ny fahavaloko rehetra;
Ianao no manorotoro ny nifin’ny ratsy fanahy.
9An’i Iaveh ny famonjena!
Ho amin’ny vahoakanao anie ny fanambinanao!
- Selà
Currently Selected:
Salamo 3: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.