Salamo 17
17
SALAMO 17 (Volgata 16)
Antson’ny tsy manan-tsiny
1 Fivavak’i Davida.
Ry Iaveh ô, mandrenesa ny rariny#17,1 Henoy ny rariny: izany hoe, ny rariny ananako, mba homenao ahy izany.,
henoy ny fitarainako;
atongilano ny sofinao amin’ny fivavahako,
izay tsy aloaky ny molotra misy fitaka.
2Hivoaka avy amin’ny Tavanao anie ny fitsarana ahy#17,2 Ny fitsarana ahy. Ny fitsaranao manamarina ahy.;
hijery ny marina anie ny masonao!
3Ianao efa nizaha toetra ny foko: namangy azy nony alina,
nitsapa ahy tamin’ny memy#17,3 Ny alina...ny memy: dia fahoriana fitsapana toetra ny olo-marina., fa tsy mahita na inona na inona Ianao.
Tsy mifanohitra amin’ny fisainako ny vavako.
4Ny amin’ny asa fanaon’ny olona dia narahiko ny tenin’ny molotrao,
ka nitandrin-tena tamin’ny lalan’ny mpanao an-keriny aho.
5Nifikitra tao amin’ny lalanao ny diako;
ary tsy mba nangozohozo ny tongotro.
6Miantso Anao aho, fa mamaly ahy Ianao, ry Andriamanitra;
atongilano amiko ny sofinao, ka henoy ny fangatahako.
7Asehoy ny hatsaram-ponao, Ianao izay mamonjy ny mifefy
ao amin’ny tananao ankavanana, tsy ho azon’ny fahavalony.
8Tandremo tahaka ny anakandriamaso aho;
afeno eo ambanin’ny aloky ny elatrao aho,
9tsy ho azo enjehin’ny tsy mpivavaka,
sy ny fahavalo tsy tia velona manodidina ahy.
10Tandremany tsy hidiran’ny indrafo ny fony,
sady miloa-bava manao teny miavonavona izy ireo.
11Tanahiny hodidininy hatrany izahay,
tsikiloiny hatsingidiny amin’ny tany.
12Mova tsy ny liona lian-te-handrapaka izy,
na ny liona tanora mamitsaka ao amin’ny kirihitr’alany.
13Mitsangàna, ry Iaveh, mirosoa hitsena azy, ka aripaho izy,
ny sabatrao no aoka hanafaka ny fanahiko amin’ny ratsy fanahy,
14ny tananao hanafaka amin’ny olombelona,
dia amin’ny olon’izao tontolo izao
izay mahazo ny anjarany amin’ny fiainana ankehitriny,
izay fenoinao harena ny kibony;
sy vokisanao anaka,
ary mamela ho an’ny zafiny ny ambim-bavany.
15Fa izaho kosa dia hibanjina ny Tavanao amin’ny tsy fananako tsiny;
sy hiala liana mijery ny sarinao amin’ny fifohazako.
Currently Selected:
Salamo 17: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.