Salamo 16
16
SALAMO 16 (Volgata 15)
I Iaveh no anjara lovako
1 Hiran’i Davida.
Ambeno aho, ry Andriamanitra ô, fa mifefy aminao aho.
2Hoy aho amin’i Iaveh: «Tompoko Ianao, Ianao irery no fananako.
3Ny olo-masina izay ety amin’ny tany,
ireo malaza, dia tiako amin’ny foko rehetra».
4Ampitomboin’ny olona ny sampy; ny andriamani-kafa no hihazakazahany harahina,
fa izaho kosa tsy mba handraraka ny fanati-dra araraka ataony,
na hanao ny anaran’ireny eo amin’ny molotro akory.
5I Iaveh no anjara lovako aman-kapoakako#16,5 Anjara lovako aman-kapoakako. Ny lova dia milaza fananana, zavatra ananana ivelomana sy ifaliana. Ny kapoaka dia ny zavatra mahazo, ny anjara soa na ratsy, hasambarana na fahoriana, avy amin’Andriamanitra.;
Ianao no miantoka ny anjarako.
6Norefesin’ny famolaina izay anjarako soa#16,6 Norefesin’ny famolaina izay anjarako soa: izany hoe, azo antoka tsara ny hahalasanany izany anjara izany, dia i Iaveh ihany.,
eny lova soa indrindra no lasako ho ahy.
7Isaorako i Iaveh izay nanolo-tsaina ahy;
na dia alina aza ny andro mbola anarin’ny foko ihany aho.
8Ataoko eo imasoko mandrakariva i Iaveh#16,8 Ataoko eo imasoko mandrakariva i Iaveh: Jereo Asa 2,25 sns. I Jesoa Kristy, hoy i Masindahy Piera, no nilazan’i Davida izany teny izany. Ny Ray ao amin’ny Fiangonana sy ny teôlôjianina rehetra koa indray, milaza fa mandritra ny androny rehetra na dia tamin’ny fijaliany aza i Jesoa Kristy tsy tapaka ny mibanjina an-karihary an’Andriamanitra Rainy.,
fa eo ankavanako Izy; tsy hangozohozo aho.
9Ka dia faly ny foko, ravo ny fanahiko;
mandry tsy amin’ahiahy mbamin’ny vatako aza.
10Fa tsy ho foinao ho any amin’ny Seoly ny fanahiko;
tsy havelanao hahita ny fahalòvana ilay tia Anao#16,10 Tsy havelanao hahita ny fahalòvana ilay tia Anao. Teny mihatra amin’i Jesoa Kristy izany (jereo Asa 13,25)..
11Hampahafantarinao ahy ny lalan’ny fiainana:
hafaliana feno no eo anatrehan’ny Tavanao;
fahafinaretana mandrakizay no eo an-tananao ankavanana.
Currently Selected:
Salamo 16: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.