Salamo 137
137
SALAMO 137#137 Ity Salamo ity dia nataon’i Jeremia. (Volgata 136)
Alahelon’olona voasesitany
1Teo amoron’ny onin’i Babilôna,
dia nipetraka sy nitomany izahay,
nahatsiaro an’i Siôna.
2Teo amin’ny hazo malahelo eo an-dohasahany,
no nahantonay ny harpanay.
3Fa teo izahay dia nangatahin’ireo nitana anay am-pahababoana,
hanao hiram-pivavahana sy hira fiderana;
nangatahan’ireo mpampahory anay hira fifaliana izahay:
Manaova hiran’i Siôna ho anay ianareo.
4Hataonay ahoana no fihira ny hiran’i Iaveh
any an-tanin’ny olona hafa firenena?
5Na oviana na oviana raha manadino anao aho, ry Jerosalema,
aoka hanadino tsy hahetsika ny tanako ankavanana!...
6Aoka hiraikitra amin’ny lanilaniko ny lelako,
raha mitsahatra ny mihevitra anao aho,
raha tsy i Jerosalema no ataoko
loha laharana amin’ny fifaliako!
7Tsarovy, ry Iaveh, ireo taranak’i Edôma#137,7 taranak’i Edôma: na hoe Idomeanina, vahoaka taranak’i Esao niandany tamin’i Nabokodonozora hamely ny Jody sy handrava an’i Jerosalema hatramin’ny fotony. Zahao Jer 12,6; 25,14; 49; Fit 4,12; Ezek 25,12; Abd 1,11-14.,
fony tamin’ny andron’i Jerosalema,
dia hoy ireny: «Ravao! ravao! izy,
hatramin’ny fotony!»
8Ry zanaka vavin’i Babilôna#137,8 Zanaka vavin’i Babilôna: mponin’i Babilôna. voatolotra ho amin’ny fandringanana,
sambatra izay hamaly anao,
araka ny ratsy nataonao taminay.
9Sambatra izay hisambotra sy hanorotoro,
ny zanakao madinika amin’ny vato!#137,9 Jereo Iz 13,16.
Currently Selected:
Salamo 137: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
