Esdrasa 9
9
Fandravana ny fanambadiana amin’olona hafa firenena
1Nony vita izany rehetra izany, nanatona ahy ny lehibe, ka nanao hoe: «Tsy tafasaraka tamin’ny vahoakan’ireto tany ireto ny vahoaka Israely mbamin’ny mpisorona sy ny Levita fa manaraka ny fahavetavetany, ny an’ny Kananeanina, ny Heteanina, ny Ferzeanina, ny Jebôseanina, ny Amônita, ny Moabita, ny Ejiptianina, ary ny Amôreana; 2satria naka ny zanaka vavin’ireo#9,2 Naka ny zanaka vavin’ireo izy. Alohan’ny hanaovan’i Esdrasa ny fandaminana ankapobeny izay nanendrena azy, dia ampahafantarin’ny olona azy ny zavatra anankiray tsy maintsy hofoanana haingana: dia ny fanambadian’ny Jody ny olona avy amin’ny firenena hafa. Raha io no mitohy dia sarotra ny hilaminan’ny Jody ara-panahy, ary na dia ny maha-firenena azy aza dia ho rava. Koa novonjen’i Esdrasa namboarina faingana izany toetra ratsy izany. izy ho vady, sy ho an’ny zanany lahy, ka tafaharo amin’ny vahoakan’ireto tany ireto ny taranaka masina; sady ny lohany sy andriambaventy indrindra no loha lalana amin’izany ota izany.»
3Vao nandre izany aho dia norovitiko ny akanjoko sy ny kapaotiko, norombotako ny volondohako aman-tsomotro, dia tafatombina nivarahontsana teo aho. 4Nivory teo amiko avokoa izay nangovitra noho ny tenin’ny Andriamanitr’i Israely, noho ny otan’ny zanaky ny fahababoana; izaho izany mbola tafatombina nivarahontsana teo ihany mandra-pahatongan’ny fanatitra hariva.
5Efa mby amin’ny fotoan’ny fanatitra hariva aho, vao tafarina tamin’ny fahoriako, amin’ireto akanjoko sy kapaotiko rovitra, dia rafitra nandohalika sy nanandratra ny tanako nankany amin’i Iaveh Andriamanitro, nanao hoe: 6«Andriamanitra ô, safo-kenatra sy mangaihay loatra aho, tsy sahy miandrandra mankany aminao Andriamanitro, fa nitombo nihoatra ny lohanay ny helokay, ary niakatra nanakatra ny lanitra ny fahotanay. 7Hatramin’ny andron’ny razanay ka mandrak’androany, dia efa meloka loza erỳ izahay; ary noho ny helokay ihany no nanolorana anay mbamin’ny mpanjakanay sy ny mpisoronay, ho eo an-tanan’ny mpanjakan’ny tany hafa, ho matin-tsabatra, ho babo, horobaina, ary hangaihay tahaka ny amin’izao anio izao. 8Nisy andro anefa nanehoan’i Iaveh Andriamanitray ny famindram-pony taminay, dia navelany hisy sisa afaka#9,8 Navelany hisy sisa afaka ihany: Raha ampitahaina amin’ny maty sy ny tsy tafaverina ireo Jody niverina avy any Babilôna dia vitsy foana. Ka ireo andian’ondry vitsy ireo no nangatahin’i Esdrasa tamin’ny Tompo mba homeny sombim-pahasambarana sy toerana raikitra sy maharitra. izahay, ka nomeny fialofana#9,8 Nomeny fialofana: Nomeny tsimatra, hoy ny fiteny hebrio. Tsimatra no nihazonana ny lay rehefa voavelatra sy voahenjana; ka ny tsimatra dia entina milaza ny lay na trano hitoerana. eo amin’ny fitoerany masina, mba hanazavan’ny Andriamanitray ny masonay, sy hamelombelomany kely ny ainay eo anatin’ny fahandevozana. 9Fa andevo izahay, nefa tsy nahafoy anay tao anatin’ny fahandevozanay ny Andriamanitray. Nitarika ireo mpanjakan’i Persa hanisy soa anay Izy hamelombelona ny ainay#9,9 Hamelombelona ny ainay. Na dia afaka amin’ny fahababoana aza ireo Jody ireo dia mbola ambany fahefan’ny mpanjaka hafa firenena aminy., mba hanaovanay ny tranon’Andriamanitray sy hamboaranay ny rava eo, dia hanomezany anay fonenana voafefy amin’i Jodà sy i Jerosalema. 10Koa ankehitriny, ry Andriamanitra ô, ahoana no holazainay manaraka izany? Fa efa nahafoy ny didinao izahay; 11dia efa nolazainao taminay, tamin’ny vavan’ireo mpaminany mpanomponao, hoe: Ny tany hidiranareo hangalanareo azy ho fanananareo dia tanim-pahalotoana efa voaloton’ny fahalotoan’ireo vahoakan’ireo tany ireo#9,11 Ny vahoakan’ireo tany ireo. Ity fiteny ity fanaon’i Esdrasa matetika, ka anondroany ny olona mpanompo sampy tao Kanaana, na izay novantanin’ny Israelita nony izy niala tany Ejipta, na izay novantanin’ny Jody avy any Babilôna nony izy afaka tamin’ny fahababoana tany. sy azon’ny fahavetavetana nasafony azy hatrizay hatrizay noho ny fahalotoan’izy ireo. 12Koa ankehitriny aza manome ny zanakareo vavy ho an’ny zanany lahy, na maka ny zanany vavy ho an’ny zanakareo lahy, ary aza miahy ny fanambinany amam-piadanany na oviana na oviana, mba handroso ho mahery ianareo, ka hihinana ny vokatsoan’ity tany ity, sy hamela azy ho lovan’ny taranakareo mandrakizay. 13Atỳ aorian’izay rehetra nanjò anay, noho ny ratsy nataonay sy ny helokay - nefa mbola nitsitsianao anay, ry Andriamanitray ô, tsy namely anay araka ny helokay Ianao, sy namela anay hisy afaka ihany toy izao - 14moa dia mbola mety handika ny didinao izahay, ka hiharo amin’ireo vahoaka vetaveta loatra ireo? Moa tsy ho tezitra mafy aminay va Ianao ka handringana anay sy tsy hamela anay hisy sisa na ho afaka akory? 15Ry Iaveh Andriamanitr’i Israely ô, marina Ianao, izahay ankehitriny dia ireto sisan’izay afaka fotsiny ihany; indreto izahay mbamin’ny otanay eto anatrehanao, fa tsy mety ho velona eo anoloan’ny Tavanao izahay noho izany ota izany.»
Currently Selected:
Esdrasa 9: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.