Ezekiela 2
2
Fahitana ny boky
1Dia hoy Izy tamiko nanao hoe:
«Mitsangàna, ry zanak’olona#2,1 Zanak’olona: Angentsam-pitenenana nahazatra an’i Ezekiela izany, ka ny heviny dia hoe, olona na mety maty. Imbalopolo no nitenenan’i Ezekiela io teny io., fa hiteny aminao Aho». 2Ary raha niteny tamiko izy, dia niditra tato anatiko ny Fanahy#2,2 Fanahy: Izany hoe fanilovana izay ataon’Andriamanitra amin’ny mpaminaniny sy fankaherezan’Andriamanitra azy., sady nampitsangana ahy, ka nandre an’Ilay niteny tamiko aho. 3Hoy Izy tamiko: Ry zanak’olona, indro ianao irahiko, ho any amin’ny zanak’i Israely, ho any amin’ireo vahoaka mpiodina izay niodina tamiko; fa efa nanota tamiko, mandrak’androany aza, ireo sy ny razany. 4Ireo zanaka manao tarehy tsy mahalala menatra sy mafy fo ireo no anirahiko anao. Izao no holazainao aminy: Izao no tenin’i Iaveh, Tompo. 5Ka na hihaino izy ireo, na tsy hihaino#2,5 Na hihaino izy ireo na tsy hihaino: Na hibebaka na tsia, dia ho fantany fa nanirahako mpaminany marina izy ireo; ka avy amin’ny di-dohany ratsy raha hiharan-doza izy., - fa taranaka mpiodina izy - dia hahalala fa efa nisy mpaminany teo aminy. 6Ary ianao, aza matahotra azy, ry zanak’olona, na matahotra izay teniny; fa miaraka amin’ny hery aman-tsilo ianao, sy miara-mitoetra amin’ny maingoka. Aza matahotra izay teniny na mivadi-po noho ny tarehiny, fa taranaka mpiodina izy. 7Lazao aminy ihany ny teniko, na hihaino izy na tsy hihaino; fa mpiodina izy ireo.
8Ary ianao, ry zanak’olona, henoy izao lazaiko aminao izao: Aza miodina tahaka izany taranaka miodina izany. Sokafy ny vavanao, ka hano izay omeko anao#2,8 Hano izay omeko anao: Izany hoe, hevero izay hitanao sy renao, ka diniho fatratra tsara..
9Dia nojereko, ka indro nisy tanana natsotra nankatỳ amiko, ary indro fa nitana horonan-taratasy#2,9 Horonan-taratasy: Taratasy lava be mihorona amin’ny hazo.. 10Novelariny teo anoloako io, ka voasoratra ny tao anatiny sy ny teo ivelany#2,10 Voasoratra anatiny sy ivelany. Ny anatiny ihany no voasoratra mandrakariva amin’ny horonan-taratasy. Ny nanoratana tamin’ny ivelany amin’ity kosa dia entina mampiseho fa betsaka loatra ny loza voalaza ao.; ary hira fisaonana amam-pitomaniana sy fitarainana no voasoratra teo.
Currently Selected:
Ezekiela 2: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.