Kôlôsianina 2
2
Fiahian’i Paoly ny finoan’ny Kôlôsianina
1Fa tiako ho fantatrareo ny hamafin’ny ady iadiako ho anareo sy ho an’ny any Laodisea mbamin’izay rehetra mbola tsy nahita maso ahy, 2mba hahafaka alahelo ny fon’izy ireo, sy hiraisany fatratra amin’ny fitiavana ary hananany fieken-tsaina mazava tsara, ka hahalala ny hevi-miafin’Andriamanitra izy, dia i Kristy, 3Izay iafenan’ny rakitry ny fahendrena amam-pahalalana rehetra. 4Izaho no milaza izany aminareo, dia ny mba tsy hahavoafitaka anareo amin’ny fandrebireben’ny sasany: 5fa na dia tsy atỳ aminareo amin’ny vatana aza aho, dia atỳ aminareo amin’ny fanahy ihany, ka faly mijery izato filaminanareo sy hamafin’ny finoanareo an’i Kristy.
II FAMPITANDREMANA AMIN’NY HEVI-DISO
Miaina araka ny tena finoana an’i Kristy
fa tsy araka izay fampianaran-diso foana
6Araka ny nandraisanareo an’i Kristy Jesoa Tompo àry, no aoka handehananareo ao aminy koa. 7ka hamàka tsara sy hiorina ao aminy, ary hohamafisin’ny finoana sy handroso hatrany hatrany amim-pisaorana Azy. 8Mitandrema fandrao dia lasan-ko babon’ny sasany, amin’izany hoe fahaizan-dalina, izay famitahana foana, avy amin’ny hevitr’olombelona sy araka ny abidim-pianaran’izao tontolo izao#2,8 Ny abidim-pianarana, sns. Todiho Gal 4,3-9., fa tsy araka an’i Kristy.
I Kristy irery no Filoha tokan’ny olombelona sy ny Anjely
9Ao aminy anefa no itoeran’ny hafenoan’ny fomban’Andriamanitra an-davany sy an-tsakany; 10ao aminy no anananareo ny zavatra rehetra, fa Izy no lohan’izay rehetra mety ho fanapahana sy fahefana#2,10 Fanapahana sy fahefana, kilasin’ny Anjely (1,16).; 11tao aminy no namoràna anareo tamin’ny famorana tsy nataon-tanana#2,11 Tsy nataon-tanana, fa famorana ara-panahy, ialana akanjo ratsy, dia ny nofo itoeran’ny fahotana (Rm 6,6; 7,23-25; Gal 5,16, sns.), na ny olombelontsika antitra (3,9; Ef 4,22)., izay manala ny tena nofo, dia tamin’ny famoràn’i Kristy; 12fa niara-nilevina taminy ianareo tamin’ny Batemy, ary niara-nitsangana taminy tamin’ny Batemy ihany koa, noho ny finoanareo ny herin’Andriamanitra izay nanangana Azy ho velona. 13Koa ianareo izay matin’ny fahotanareo sy ny tsy fiforàn’ny vatanareo, dia novelomin’Andriamanitra niaraka taminy indray, nony efa navelany ny fahotantsika rehetra. 14Fa novonoiny#2,14-15 Novonoiny, sns. Izy Andriamanitra ihany no nanao ireo rehetra ireo; i Kristy no nentiny nanao. Ny Sora-tanan’ny didy. Ny Lalàna izany, izay enta-mavesatra ho an’ny Jody sady tsy nandraisana ny Jentily, ka nofoanan’Andriamanitra tamin’ny nahafatesan’ny Kristy indrindra. Dia naongana, nalana tamin’ny raharahany ireo anjely (Fanapahana sy Fahefana) mpikarakara ny Lalàna fahiny; dia hoatra ny resy ireo ka toa natao fizàhan’olona sy nentina manaraka ny Mpandresy (Jesoa Kristy) avy nandresy. ny sora-tanan’ny didy niampanga antsika sy namely antsika, sady nesoriny tsy hisy intsony aza izany, tamin’ny nanohomboany Azy tamin’ny Hazofijaliana; 15ary naongany ny fifehezana sy ny fahefana, sady nasehony miharihary ho fizàhan’ny olona ka nampombainy ny mpandresy tao amin’ny Hazofijaliana.
Halavirina ny famolahan-tena fitak’izao tontolo izao
16Koa aoka ianareo tsy hotsarain’olona ny amin’ny fihinana amam-pisotro, na ny amin’ny andro fety aman-tsinam-bolana, na ny amin’ny andro sabata, 17satria aloky ny zavatra ho avy fotsiny ireny, fa ao amin’i Kristy ny tena zavatra. 18Aoka ianareo tsy ho voasakan’olona tsy hahazo ny lokan’ady, amin’ny fitaomana anareo ho amin’ny fanetren-tena tsy izy, sy amin’ny fanompoana ny Anjely#2,18 Fanompoana ny Anjely. Tsy ny fanajana ny Anjely araka ny mety no tsinìna eo, fa fanompoana azy diso fampana nampianarin’ny sasany tany Kôlôsy, manao ny Anjely ho mpanalalana mitovy saranga amin’i Kristy na mihoatra aza. Hafahafa koa na fanetren-tena na fanivàna ny vatana nasehony sy nampianariny (and faha-23). Mpihambo ho mahita zavatra koa ireny, na hitany tokoa na tsy hitany (araka ny boky sasany)., dia olona mitompo amin’ny zavatra hitany, hono, sady feno fiavonavonana erỳ ao amin’ny fisainany manaraka ny nofo, 19nefa olona tsy mikambana amin’ny Loha#2,19 Tsy mikambana amin’ny Loha. Noho ny fiavonavonany dia tsy mikambana amin’i Kristy, izay Lohan’ny Eglizy ka manao aminy izay ataon’ny loha amin’ny tenantsika., Izay iveloman’ny tena manontolo, sy iraisany tsara amin’ny hozatra amam-pamavàny, ka ahazoany ny fitomboana tian’Andriamanitra homena azy.
20Raha niara-maty tamin’i Kristy ny amin’ireny abidim-pianaran’izao tontolo izao ireny àry ianareo, nahoana no hoatra ny mbola velona amin’izao tontolo izao ihany, ka mety hodidiana foana hoe: 21«Aza mandray! Aza manandrana! Aza manendry!» 22Nefa zavatra manjary levona foana avokoa amin’ny fomba fampiasana azy fotsiny izany zavatra rehetra izany! - Eisy! didy sy fampianaran’olombelona foana izany; 23sady toa misy fahendrena no fijery azy, raha araka izato fombam-panompoana noforoniny, sy izato fanetrena amam-panivàna ny tena asehony, kanjo tsy misy na inona na inona akory, fa fampanaranana ny nofo foana no tadiavina aminy.
Currently Selected:
Kôlôsianina 2: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.