2Mpanjaka 25
25
(Jereo Jer 39,1-7; 52,3-11; 2Tan 36,13)
1Tamin’ny taona fahasivy#25,1-2 Tamin’ny taona fahasivy, sns. Ampitahao amin’ny Jer 31,1-10. nanjakan’i Sedesiasa, tamin’ny volana fahafolo, andro fahafolon’ny volana, dia tonga hamely an’i Jerosalema i Nabokodonozora mpanjakan’i Babilôna sy ny tafiny rehetra; dia niorin-dasy teo anoloany izy, ary nanao manda fanantomorana manodidina azy. 2Natao fahirano#25,2 Fahirano. Izany dia niantomboka tamin’ny volana Janoary 587, talohan’i Jesoa Kristy. hatramin’ny taona faha-11 nanjakan’i Sedesiasa ny tanàna.
3Tamin’ny andro fahasivin’ny volana#25,3 Fahasivin’ny volana. Eto dia tsy voalaza na volana fahafiry na fahafiry. Raha araka ny hita ao amin’ny Jer 39,2 sy 52,6, dia ny volana fahefatra no izy, izany hoe, eo amin’ny faramparan’ny volana Jona na voalohandohan’ny volana Jolay eo ho eo, tamin’ny taona 586 talohan’i Jesoa Kristy. Ary mba hahitana ny hamafin’izany fahirano izany sy ny fahoriana lozan-tany nanjò ny olona tamin’izay dia jereo Fit 1,11; 2,12; 4, 4,8,10., nony efa mafy ny mosary tao an-tanàna, fa tsy nisy mofo intsony ho an’ny vahoakan’ny tany, 4dia nobangaina ny tanàna, dia lasa nandositra avokoa ny lehilahy mpiady, nihazo ny lalan’ny vavahady anelanelan’ny manda roa, akaikin’ny zaridainan’ny mpanjaka; ny Kaldeanina amin’izany manodidina ny tanàna eo. Ny lalana mankamin’ny Arabah no nalehan’ny mpanjaka. 5Nenjehin’ny tafiky ny Kaldeanina#25,5 Nenjehin’ny tafiky ny Kaldeanina, sns. Ampitahao amin’ny Jer 38,23 sy Ezek 12,13. ny mpanjaka, ka tratrany teo an-tany lemak’i Jerikô; dia niparitaka lavitra azy ny tafiny rehetra. 6Nony voasambotr’izy ireo ny mpanjaka dia nentiny niakatra ho any Reblà, amin’ny mpanjakan’i Babilôna, ka namoaka teny fitsarana momba azy izy ireo. 7Ny zanaka lahin’i Sedesiasa novonoina teo anatrehan’izy rainy. Raha efa izany dia nopotsirin’i Nabokodonozora ny mason’i Sedesiasa ary nafatony tamin’ny gadra varahina roa izy, dia nentiny nankany Babilôna#25,7 Nopotsirina ny masony. Nentina nankany Babilôna. Tanteraka tokoa ireto faminaniana roa ireto; dia ilay voalazan’i Jeremia fa i Sedesiasa dia ho entina any Babilôna (jereo Jer 32,5 sy toko 34,3) sy ilay nambaran’i Ezekiela fa i Sedesiasa tsy hahita an’i Babilôna, satria potsi-maso (jereo Ezek 12,3)..
Fandrobana an’i Jerosalema. Sesitany faharoa
(Jereo Jer 39,8-10; 52,12-27)
8Tamin’ny volana fahadimy, andro fahafiton’ny volana, taona faha-19 nanjakan’i Nabokodonozora mpanjakan’i Babilôna, dia tonga tao Jerosalema i Nabozardàna, kapitenin’ny mpiambina mpanompon’ny mpanjakan’i Babilôna. 9Nodorany ny tranon’i Iaveh sy ny tranon’ny mpanjaka mbamin’ny trano rehetra tao Jerosalema; nodorany tamin’ny afo avokoa ny trano lehibe. 10Ary noravan’ny tafiky ny Kaldeanina rehetra izay niaraka tamin’ny kapitenin’ny mpiambina, ny manda mamaritra manodidina an’i Jerosalema.
11Nentin’i Nabozardàna kapitenin’ny mpiambina avokoa ny vahoaka sisa tafajanona tao an-tanàna, sy ny mpilefa nitolo-tena tamin’ny mpanjakan’i Babilôna, ary ny vahoaka be sisa rehetra, 12fa olo-mahantra tompon-tany vitsivitsy sisa navelan’ny kapitenin’ny mpiambina ho mpamboly voaloboka sy ho mpiasa tany.
13Nopotehin’ny Kaldeanina ny andry varahina izay tao an-tranon’i Iaveh, mbamin’ny fanambanim-pitoeran-drano ary ny ranomasina varahina izay tao an-tranon’i Iaveh, ka nentiny ho any Babilôna ny varahina. 14Nentiny koa ny vilany, ny sotron’afo, ny antsy, ny kapoaka, mbamin’ny fanaka varahina rehetra, nenti-nanao ny fanompoana. 15Nentin’ny kapitenin’ny mpiambina koa ny fanembohana sy ny tasy, ny zavatra volamena sy ny zavatra volafotsy. 16Ny amin’ny andry roa sy ny ranomasina, ary ny fanambanim-pitoeran-drano nataon’i Salômôna tao amin’ny tranon’i Iaveh, dia tsy nisy fotony intsony ny handanjana ny varahina amin’ireo fanaka rehetra ireo. 17Ny andry iray dia 18 hakiho ny haavony, ary teo amboniny dia nisy koronosy varahina, ary telo hakiho ny haavon’ny koronosy, ary nisy harato sy voan’ampongabendanitra nanodidina ny koronosy, ka varahina avokoa izany rehetra izany; torak’izany koa ny andry faharoa mbamin’ny harato aminy.
18Nentin’ny kapitenin’ny mpiambina i Saraiasa mpisorona lehibe, sy i Sôfônia mpisorona ambaratonga faharoa, ary mpiandry varavarana telo lahy. 19Azony tao an-tanàna ny manamboninahitra anankiray mpifehy ny lehilahy mpiady, ny olona dimy lahy isan’ny mpanolo-tsaina manoloana ny mpanjaka, izay hita tao an-tanàna, ny mpanoratry ny filohan’ny tafika, miadidy ny fandatsahana ny olona amin’ny tany ho miaramila, ary 60 lahy amin’ny vahoakan’ny tany, izay hita tao an-tanàna. 20Nony azon’i Nabozardàna kapitenin’ny mpiambina ireo, dia nentiny ho any amin’ny mpanjakan’i Babilôna tany Reblà. 21Ka novonoin’ny mpanjakan’i Babilôna nataony maty tany Reblà any amin’ny tany Emata.
Toy izany no nitondrana an’i Jodà#25,21 Toy izany no nitondrana an’i Jodà: izany teny izany dia famaranana ny bokin’ny mpanjaka. - Nanampy filazana roa fohifohy koa ny mpitantara, ny iray manambara ny toetr’ireo Jody sisa tafajanona; ny iray kosa mitantara ny niafaran’i Joasina. ho babo lavitry ny taniny.
I Godoliasa, mpifehy an’i Jodà
(Jereo Jer 40,7–43,7)
22Ny amin’ny vahoaka tafajanona tany amin’ny tanin’i Jodà, navelan’i Nabokodonozora mpanjakan’i Babilôna kosa, dia i Godoliasa zanak’i Ahikama zanak’i Safàna no notendreny ho mpanapaka azy. 23Ren’ny lehiben’ny isan-toko-miaramila, dia izy sy ny olom-peheziny avy, fa hoe i Godoliasa no voatendrin’ny mpanjakan’i Babilôna ho mpanjaka, dia tonga nanatona an’i Godoliasa tany Masfà izy ireo: i Ismaela zanak’i Nataniasa; i Johanàna, zanak’i Karea; i Saraiasa zanak’i Tanehometa avy ao Netôfa, ary i Jezoniasa zanak’ilay Maakatianina, dia ireo sy ny olom-peheziny avy. 24Ka tamim-pianianana no nilazan’i Godoliasa tamin’izy ireo sy tamin’ireo olom-peheziny hoe: «Aza misy atahoranareo akory raha ny amin’ny mpanompon’ny Kaldeanina, fa monena amin’ny tany, manompoa ny mpanjakan’i Babilôna, fa izany no hanasoa anareo.» 25Kanjo nony tamin’ny volana fahafito, tonga i Nataniasa zanak’i Elisamà, isam-pianakavian’ny mpanjaka, nomban’olona folo lahy, ka namono nahafaty an’i Godoliasa mbamin’ireo Jody sy Kaldeanina teo aminy tany Masfà. 26Ka ny vahoaka rehetra, hatramin’ny kely indrindra ka hatramin’ny lehibe indrindra, mbamin’ireo lehiben’ny isan-toko-miaramila, dia niainga ka lasa nitsoaka nankany Ejipta fa natahotra ny Kaldeanina.
Tafarina i Joasina mpanjaka
27Tamin’ny taona faha-31 nahalasan-ko babo an’i Joasina, mpanjakan’i Jodà, tamin’ny volana faha-12, andro faha-27n’ny volana, dia nasandratr’i Evil-Merôdàka, mpanjakan’i Babilôna, ny lohan’i Joasina, mpanjakan’i Jodà, ka nesoriny tao an-tranomaizina tamin’ny taona nahatongavany ho mpanjaka. 28Nanaovany teny soa izy, nataony ambonin’ny seza fiandrianan’ireo mpanjaka teo aminy tany Babilôna ny seza fiandrianany, 29nasainy nosoloina ny fitafiany#25,29 Nanome fitafiana. Amin-dry zareo mponina any Atsinanana, ny hevitra voalohany tonga ao an-tsaina dia ny manome ny olona fitafiana mifanaraka amin’ny toetrany sy fiamboniany (jereo Jen 40,42; Est 8,15; Dan 5,29 ary Lk 15,22). tany an-tranomaizina, ary nihinan-kanina mandrakariva teo anatrehany izy#25,29 Nihinana teo anatrehany izy. Mba hampisehoan’ny Mpanjaka any Atsinanana ny halehibeazany, dia miantoka ny sakafon’ny olona maro be izy isan’andro (1Mpa 4,22). Ary ny sasany amin’ireo dia nomena voninahitra ambony ka niara-nihinana tamin’ny mpanjaka, niray latabatra taminy (Zahao: Mpits 1,7; 1Sam 9,13 ary 1Mpa 7)., tamin’ny andro niainany rehetra. 30Ny amin’ny fivelomany, dia ny fivelomany lalandava, dia ny mpanjaka no niantoka izany isan’andro tamin’ny andro rehetra niainany.
Currently Selected:
2Mpanjaka 25: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.