Zakalíi Xónusɔ́ɖóte
Xónusɔ́ɖóte
Gbeyíɖɔ Mawu tɔn Zakalíi ɔ́, gbeyíɖɔ Mawu tɔn Ajée hwenu wɛ é lɔmɔ̌ ɖɔ Mawuxó. Akpáxwé vovo we wɛ ɖo Zakalíi wěma ɔ́ mɛ; akpáxwé we énɛ́ lɛ́ɛ ɔ́, hwe vovo nu wɛ è wlǎn yě.
Nǔ e ɖo akpáxwé nukɔntɔn (1—8) ɔ́ mɛ lɛ́ɛ ɖíe: Mawu Mavɔmavɔ ɖe nǔ tántɔn xlɛ́ Zakalíi ɖo nǔmimɔ vovo tántɔn mɛ. Wɛnsagun Mawu tɔn ɖokpó tín nǔmimɔ énɛ́ lɛ́ɛ mɛ nú Zakalíi. Mawu ná wá gɔ́ alɔ nú togun tɔn. Mawu ná lɛ́ ɖe susu tɔn xlɛ́ ɖo Jeluzalɛ́mu. È nǎ vɔ́ Mawu Mavɔmavɔ xwé ɔ́ gbá; tokpɔngán Zolobabɛ́li kpó vɔ̌sánú-xwlémawutɔ́gán Jozuwée kpó wɛ ná nɔ azɔ̌ lɛ́ɛ nu.
Nǔ e ɖo akpáxwé wegɔ́ ɔ́ (9—14) mɛ lɛ́ɛ ɖíe: hwɛ e Mawu ná ɖɔ xá togun e ɖo Izlayɛ́li kpá lɛ́ɛ, axɔ́sú e ná wá ɔ́; axɔ́sú ɔ́ ná sɔ́ éɖée hwe; é ná ɖu ɖ'é jí. Izlayɛ́li sín kɛntɔ́ lɛ́ɛ ná bó sukpɔ́ gbɔn ɖěbǔ ɔ́, Mawu Mavɔmavɔ ná ɖu ɖo yě jí: Zakalíi wéma ɔ́ ɖɔ: “Hwenɛ́nu ɔ́, Mawu Mavɔmavɔ ná nyí ayǐkúngban ɔ́ bǐ sín axɔ́sú. Mawu Mavɔmavɔ ɖokpónɔ géé wɛ è nǎ nɔ sɛn, nyǐkɔ tɔn ɖokpónɔ géé wɛ gbɛtɔ́ lɛ́ɛ bǐ nǎ nɔ́ ylɔ́.” (14.9)
Nǔ tají tají e ɖo wěma ɔ́ mɛ lɛ́ɛ
Mawu Mavɔmavɔ ɖe nǔ xlɛ́ Zakalíi bó dó dó wɛn ɛ (1—8)
Mawu ɖɔ hwɛ xá togun e ɖo Izlayɛ́li kpá lɛ́ɛ (9.1-8)
Mawu ná nyɔ̌ná kpó fífá kpó togun tɔn (9.9-14)
Currently Selected:
Zakalíi Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.