Tobíi Xónusɔ́ɖóte
Xónusɔ́ɖóte
Tan e Tobíi wéma ɔ́ kpi ɔ́, hɛ̌nnu Jwifu lɛ́ɛ tɔn we ɖé lɛ́ɛ tɔn wɛ, bɔ ahwan wlí yě sín to yětɔn mɛ.
Ahwan wlí Tobíi yi Ninívu ɖo Asilíi. Nǔɖé sɔ́ ɖo así tɔn ǎ, bɔ é lɛ́ tɔ́n nukún. Nǔ ɖo mɔ̌ n'i có, é lɛ́ kpo ɖo gbejí nú sɛ́n Mawu tɔn lɛ́ɛ. Tobíi sín nɔvíví nyɔ̌nu Saláa ɔ́ ɖo to línlín ɖěvo mɛ ɖo Ɛkibatáni ɖo Asilíi sín zǎnzǎnhwe jí. Azɔn tɛ́nwe wɛ é ko da asú, bɔ yě bǐ kú, ɖě bɔ dó ɖě wú. Énɛ́ ɔ́, Tobíi kpódó Saláa kpó wá byɔ́ Mawu ɖɔ émí ná gbɔ bó kú. Hwenɛ́nu ɔ́, Mawu sɛ́ wɛnsagun Hlafayɛ́li dó, nú é ná wá ná ajɔ Tobíi kpódó Saláa kpó ɖó gbejí e yě nɔ́ n'i ɔ́ wú. Tobíi sɛ́ vǐ tɔn Tobiyási dó, nú é ná yi yí akwɛ́ e é zɔ́n hinhɛn ɖo Ɛkibatáni, bɔ é kó lín é wá n'i. Hlafayɛ́li zɔn ali ɔ́ bǐ xá Tobiyási, amɔ̌, Tobiyási tunwun mɛ alɔkpa e é nyí ɔ́ ǎ. Tomɛ énɛ́ ɔ́ e yě yi ɔ́ kpa yě bɔ nǔ vɔ ɖ'é wú. Saláa gosín yɛ nyanya e nɔ hu asú tɔn lɛ́ɛ ɔ́ kan nu. È sɔ́ ɛ da nú Tobiyási. Tobiyási ka mɔ akwɛ́ e gbé é tɔ́n é yí nú tɔ́ tɔn. Bɔ vivɔ tɔn ɔ́, Hlafayɛ́li gbɔ azɔn nú Tobíi, bɔ é lɛ́ jɛ nǔ mɔ jí céɖécéɖé.
Mɛ e wlán wěma ɔ́ jló ná dó wǔsyɛ́n lanmɛ nú Jwifu e ahwan wlí sín to yětɔn mɛ lɛ́ɛ, nú yě ná nɔ gbejí nú togun Izlayɛ́li tɔn sín sɛ́n lɛ́ɛ, lobo ka nɔ jó gbɛ yětɔn nú Mawu kɔmalɛ́málɛ́ ɖo wǔvɛ́ yětɔn lɛ́ɛ mɛ.
Nǔ ɖaxó ɖaxó e ɖo wěma ɔ́ mɛ lɛ́ɛ
Gbɛdán e gbo Tobíi kpódó Saláa kpó lɛ́ɛ (1—3)
Mawu wɛnsagun ɖé zɔn ali xá Tobiyási yi tomɛ (4—6)
Tobiyási nya yɛ nyanya e ɖo Saláa gúdo ɔ́, lobo sɔ́ ɛ da (7—9)
Tobiyási lɛ́ kɔ yi tɔ́ tɔn gɔ́n; Tobíi sín azɔn gbɔ (10—12)
Tobíi dó kú nú Mawu dó han mɛ, bó kplɔ́n nǔ vǐ tɔn (13—14)
Currently Selected:
Tobíi Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.