Tobíi 14
14
1Lě e Tobíi sú ta nú kúdídó han tɔn gbɔn é nɛ́.
Tobíi kú
2Tobíi ɖó xwe kanwe gban-nukún-we (112) bo kú ɖo fífá mɛ bɔ è ɖi i ɖó Ninívu kpó zǐnzín kpó. Xwe kanɖé ko-nukún-we (62) wɛ é ɖó hwenu e é tɔ́n nukún é. Ée azɔn gbɔ n'i é ɔ́, é wá nɔ gbɛ bo ɖu nǔɖíɖó tɔn lɛ́ɛ gbɛ, bó nɔ́ ná nǔ wamamɔnɔ lɛ́ɛ kpó xomɛnyínyɔ́ kpó. É vlɔ́n kan dó han ji dó xomlá Mawu kpó susu tɔn jlájlá kpán wú.
3É kpo kpɛɖé bɔ é ná kú ɔ́, é ylɔ́ vǐ tɔn Tobiyási, bó kplɔ́n nǔ i ɖɔ: “Vǐ ce, kplá vǐ towe lɛ́ɛ hɛn yi. 4 Yǎ wǔ bó yi Mɛdi. Un ɖi nǔ nú Mawuxó e gbeyíɖɔ tɔn Nawúmu ɖɔ dó Ninívu wú é; é ná jɛ ɖó mɔ̌, bɔ awě ná xó Asilíi kpó Ninívu kpán bǐ. Nǔ e gbeyíɖɔ Izlayɛ́li tɔn ée Mawu sɛ́ dó lɛ́ɛ kó ɖɔ lɛ́ɛ é bǐ wɛ ná jɛ. Xó e gosín nu yětɔn mɛ lɛ́ɛ é ɖěbǔ ná xo akpó ǎ. Ɖokpó ɖokpó yětɔn ná jɛ ɖo hwe tɔn nu. Ɖo Mɛdi ɔ́, ayi ná jɛ ayǐ nú we hú Asilíi abǐ Babilɔ́nu. Ɖó un gán jɛ wú syɛ́nsyɛ́n ɖɔ nǔ e Mawu ɖɔ lɛ́ɛ bǐ ná jɛ káká yi fó; é ná ɖe adǎn e é sin lɛ́ɛ ɖokpó kpo ǎ. Nɔví mǐtɔn e kpo ɖo Izlayɛ́li yíkúngban jí lɛ́ɛ ɔ́, è nǎ gba yě bǐ dó gbɔn gbě jí gbě jí; è nǎ wlí yě bó kun yě sɔ́ yi zɔ nú to ɖagbe élɔ́. To ɔ́ sín awa énɛ́ lɛ́ɛ bǐ ná húzú axéko; Samalíi kpó Jeluzalɛ́mu kpó bǐ ná jɛ vɔ̌. È nǎ dó Sinsɛnxɔ Mawu tɔn zo, bɔ é ná gba kíjá káká nú hweɖénu. 5Lo ɔ́, nǔ yě tɔn ná lɛ́ blá wǔ nú Mawu; é ná lɛ́ kplá yě wá Izlayɛ́li tomɛ; yě ná vɔ́ Sinsɛnxɔ tɔn ɔ́ gbá, lo ɔ́, káká yi jɛ hwenu e è ɖǒ dó é ɔ́, é ná nyɔ́ ɖɛkpɛ bo jɛ acɔ́ nukɔntɔn ɔ́ ɖɔhun ǎ. Énɛ́ gúdo ɔ́, Izlayɛ́li ví lɛ́ɛ bǐ ná lɛ́ kɔ wá sín fí e yě tún to nú yě yi jɛ é; yě ná vɔ́ Jeluzalɛ́mu gbá bɔ é ná jɛ acɔ́ d'é jí; è nǎ vɔ́ Sinsɛnxɔ Mawu tɔn ɔ́ gbá ɖo fínɛ́, ɖi lě e gbeyíɖɔ Izlayɛ́li tɔn lɛ́ɛ kó ɖɔ gbɔn ɖ'ayǐ é. 6Togun e ɖo ayǐkúngban jí lɛ́ɛ bǐ ná lɛ́ kɔ wá Mawu gɔ́n, bó ná wá ná sísí i ɖo nǔgbó mɛ. Yě bǐ ná dó vɛ̌ nú nǔmɛsɛn yětɔn e nɔ́ blɛ́ yě, bɔ yě nɔ́ ɖo nǔmasɔgbe wa wɛ lɛ́ɛ é, bó ná kpa Mawu tɛgbɛ tɔn ɔ́, bó ná nɔ́ bló nǔ e sɔgbe nukún tɔn mɛ lɛ́ɛ é. 7Hwe énɛ́ nu ɔ́, Mawu ná ɖe Izlayɛ́li ví e ná nɔ gbejí n'i lɛ́ɛ é bǐ nyi kɔ vɔ́. É ná sɛ yě bǐ kplé, bó ná kplá yě wá Jeluzalɛ́mu. Yě ná wá nɔ ayǐkúngban Ablaxámu tɔn e é ná ná yě é jí, ɖo ayi jɛ ayǐ mɛ, nǔɖé má jɛ yě jí nú tɛgbɛ gbe. Mɛ e nɔ yí wǎn nú Mawu nǔgbó lɛ́ɛ é bǐ ná nɔ awǎjijɛ mɛ, bɔ hwɛhutɔ́ lɛ́ɛ, mɛ e ma nɔ nɔ gbejí n'i ǎ lɛ́ɛ é ná blíbú sín ayǐkúngban ɔ́ jí.
8-9“Bɔ din ɔ́, vǐ ce lɛ́ɛ mi, nǔ e zɔ́n mi wɛ un ɖe lɛ́ɛ é ɖíe: mi sɛn Mawu nǔgbó tɔn; mi nɔ́ bló nǔ e nyɔ́ nukún tɔn mɛ lɛ́ɛ é. Mi kplɔ́n vǐ mitɔn lɛ́ɛ ɖɔ yě ní nɔ́ wa nǔ e sɔgbe é, bó ká nɔ́ nyɔ́ xomɛ dó wamamɔnɔ lɛ́ɛ wú, nú yě ní nɔ gbejí nú Mawu, bó ká nɔ́ xomlá ɛ hwebǐnu nǔjɔnǔ tɔn kpó hlɔ̌nhlɔ́n yětɔn bǐ kpó.
“Amɔ̌, hwɛ vǐ ce Tobiyási ɔ́, a ɖǒ ná gosín Ninívu; ma nɔ fí ó. Hwenu e a nǎ ɖi nɔ towe ɖó akpá ce é ɔ́, ma sɔ́ dɔ́ gbě élɔ́ jí nú ayǐ hɔ́n ó. Un mɔ ɖɔ nǔ agɔ wiwa gba kpé ayǐ élɔ́ jí fí dín; mɛ lɛ́ɛ nɔ́ ɖo mɛ hízí wɛ ɖě ɖo ɖě jí, ma ɖó winnyá. 10Vǐ ce, flín lě e Nadábu wa Ayikáa e nyí tɔ́ mɛjíkpɔ́ntɔ́ n'i é sín nǔ gbɔn é: é ɖó e gbɛ bo ɖi i. Lo ɔ́, nǔ baɖabaɖa énɛ́ e é dó sin é ɔ́, Mawu sú axɔ́ tɔn ɛ ɖo mɛ e é bló ná é ɖésú nukún mɛ. Ayikáa lɛ́ wá tɔ́n ta ɖo wěziza nu, lobɔ Nadábu, mɛ e jló ná hu Ayikáa é ká byɔ́ zǐnflú mɛ nú tɛgbɛ gbe. Ayikáa énɛ́ e nɔ wa ɖagbe nú wamamɔnɔ lɛ́ɛ ɔ́ tɔ́n sín kú mɔ e Nadábu ɖó n'i é mɛ. Lo ɔ́, Nadábu éyɛ́ ká jɛ mɔ e é ɖésú ɖó é mɛ, bɔ é nyí kú n'i. 11Éɖíe vǐ ce lɛ́ɛ mi, mi ní tunwun nyɔ̌ná e ɖagbe wa nú wamamɔnɔ nɔ́ hɛn wá nú mɛ é, bó ká lɛ́ kpɔ́n lě e kú nɔ́ nɔ te kpɔ́n mɛ e ma nɔ wa nǔ ɖó hwɛjijɔ jí ǎ lɛ́ɛ gbɔn é.
“Din ɔ́, un mɔ ɖɔ gbɛ ɖo jǔjó mì dó wɛ.”
Vǐ tɔn lɛ́ɛ sɔ́ ɛ mlɔ́ zan ɖokpó jí bɔ é kú, bɔ è ɖi i kpó zǐnzín ɖaxó kpán.
Kú Tobiyási tɔn
12Ée Ana Tobiyási sín nɔ kú é ɔ́, é ɖi i ɖó tɔ́ tɔn Tobíi kpá. Énɛ́ gúdo ɔ́, é kpó asi tɔn kpó ɖidó Mɛdi, bó yi jɛ agban ɖó Ɛkibatáni, ɖo asi tɔn tɔ́ Hlagwɛ́li gɔ́n. 13Tobiyási kpé nukún Hlagwɛ́li kpó asi tɔn kpó wú, kpó sísí kpán ɖo kpikpoxɔ yětɔn mɛ. Ée yě kú é ɔ́, è ɖi yě ɖó Ɛkibatáni. É ɖu Hlagwɛ́li sín nǔ lɛ́ɛ gú, ɖi lě e é ɖu tɔ́ tɔn Tobíi gú ɖ'ayǐ é ɖɔhun.
14É ɖésúnɔ ɖó xwe kanwe gbantɔ́n-nukún-we (117) bo kú ɖo sísí mɛ lɛ́ɛ bǐ tɔn mɛ. 15Cóbɔ é ká ná kú ɔ́, é se ɖɔ Ninívu gba, bɔ è mɔ Siyaxálu axɔ́sú Mɛdi tɔn ɔ́ kplá gantɔ́ Ninívunu lɛ́ɛ tɔn gǎnnugǎnnu wá Mɛdi. É ji han dó kpa Mawu ɖó bǎ e é dó xo Ninívunu lɛ́ɛ kpó Asilíinu lɛ́ɛ kpó é wú. Ninívu e gba é dó xomɛhunhun n'i, bɔ gbɛ tɔn hwenu bǐ ɔ́, é nɔ́ ji han dó dó kú nú Aklúnɔ Mawu e kpikpa jɛ xá nú tɛgbɛ gbe é.
Currently Selected:
Tobíi 14: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Tobíi 14
14
1Lě e Tobíi sú ta nú kúdídó han tɔn gbɔn é nɛ́.
Tobíi kú
2Tobíi ɖó xwe kanwe gban-nukún-we (112) bo kú ɖo fífá mɛ bɔ è ɖi i ɖó Ninívu kpó zǐnzín kpó. Xwe kanɖé ko-nukún-we (62) wɛ é ɖó hwenu e é tɔ́n nukún é. Ée azɔn gbɔ n'i é ɔ́, é wá nɔ gbɛ bo ɖu nǔɖíɖó tɔn lɛ́ɛ gbɛ, bó nɔ́ ná nǔ wamamɔnɔ lɛ́ɛ kpó xomɛnyínyɔ́ kpó. É vlɔ́n kan dó han ji dó xomlá Mawu kpó susu tɔn jlájlá kpán wú.
3É kpo kpɛɖé bɔ é ná kú ɔ́, é ylɔ́ vǐ tɔn Tobiyási, bó kplɔ́n nǔ i ɖɔ: “Vǐ ce, kplá vǐ towe lɛ́ɛ hɛn yi. 4 Yǎ wǔ bó yi Mɛdi. Un ɖi nǔ nú Mawuxó e gbeyíɖɔ tɔn Nawúmu ɖɔ dó Ninívu wú é; é ná jɛ ɖó mɔ̌, bɔ awě ná xó Asilíi kpó Ninívu kpán bǐ. Nǔ e gbeyíɖɔ Izlayɛ́li tɔn ée Mawu sɛ́ dó lɛ́ɛ kó ɖɔ lɛ́ɛ é bǐ wɛ ná jɛ. Xó e gosín nu yětɔn mɛ lɛ́ɛ é ɖěbǔ ná xo akpó ǎ. Ɖokpó ɖokpó yětɔn ná jɛ ɖo hwe tɔn nu. Ɖo Mɛdi ɔ́, ayi ná jɛ ayǐ nú we hú Asilíi abǐ Babilɔ́nu. Ɖó un gán jɛ wú syɛ́nsyɛ́n ɖɔ nǔ e Mawu ɖɔ lɛ́ɛ bǐ ná jɛ káká yi fó; é ná ɖe adǎn e é sin lɛ́ɛ ɖokpó kpo ǎ. Nɔví mǐtɔn e kpo ɖo Izlayɛ́li yíkúngban jí lɛ́ɛ ɔ́, è nǎ gba yě bǐ dó gbɔn gbě jí gbě jí; è nǎ wlí yě bó kun yě sɔ́ yi zɔ nú to ɖagbe élɔ́. To ɔ́ sín awa énɛ́ lɛ́ɛ bǐ ná húzú axéko; Samalíi kpó Jeluzalɛ́mu kpó bǐ ná jɛ vɔ̌. È nǎ dó Sinsɛnxɔ Mawu tɔn zo, bɔ é ná gba kíjá káká nú hweɖénu. 5Lo ɔ́, nǔ yě tɔn ná lɛ́ blá wǔ nú Mawu; é ná lɛ́ kplá yě wá Izlayɛ́li tomɛ; yě ná vɔ́ Sinsɛnxɔ tɔn ɔ́ gbá, lo ɔ́, káká yi jɛ hwenu e è ɖǒ dó é ɔ́, é ná nyɔ́ ɖɛkpɛ bo jɛ acɔ́ nukɔntɔn ɔ́ ɖɔhun ǎ. Énɛ́ gúdo ɔ́, Izlayɛ́li ví lɛ́ɛ bǐ ná lɛ́ kɔ wá sín fí e yě tún to nú yě yi jɛ é; yě ná vɔ́ Jeluzalɛ́mu gbá bɔ é ná jɛ acɔ́ d'é jí; è nǎ vɔ́ Sinsɛnxɔ Mawu tɔn ɔ́ gbá ɖo fínɛ́, ɖi lě e gbeyíɖɔ Izlayɛ́li tɔn lɛ́ɛ kó ɖɔ gbɔn ɖ'ayǐ é. 6Togun e ɖo ayǐkúngban jí lɛ́ɛ bǐ ná lɛ́ kɔ wá Mawu gɔ́n, bó ná wá ná sísí i ɖo nǔgbó mɛ. Yě bǐ ná dó vɛ̌ nú nǔmɛsɛn yětɔn e nɔ́ blɛ́ yě, bɔ yě nɔ́ ɖo nǔmasɔgbe wa wɛ lɛ́ɛ é, bó ná kpa Mawu tɛgbɛ tɔn ɔ́, bó ná nɔ́ bló nǔ e sɔgbe nukún tɔn mɛ lɛ́ɛ é. 7Hwe énɛ́ nu ɔ́, Mawu ná ɖe Izlayɛ́li ví e ná nɔ gbejí n'i lɛ́ɛ é bǐ nyi kɔ vɔ́. É ná sɛ yě bǐ kplé, bó ná kplá yě wá Jeluzalɛ́mu. Yě ná wá nɔ ayǐkúngban Ablaxámu tɔn e é ná ná yě é jí, ɖo ayi jɛ ayǐ mɛ, nǔɖé má jɛ yě jí nú tɛgbɛ gbe. Mɛ e nɔ yí wǎn nú Mawu nǔgbó lɛ́ɛ é bǐ ná nɔ awǎjijɛ mɛ, bɔ hwɛhutɔ́ lɛ́ɛ, mɛ e ma nɔ nɔ gbejí n'i ǎ lɛ́ɛ é ná blíbú sín ayǐkúngban ɔ́ jí.
8-9“Bɔ din ɔ́, vǐ ce lɛ́ɛ mi, nǔ e zɔ́n mi wɛ un ɖe lɛ́ɛ é ɖíe: mi sɛn Mawu nǔgbó tɔn; mi nɔ́ bló nǔ e nyɔ́ nukún tɔn mɛ lɛ́ɛ é. Mi kplɔ́n vǐ mitɔn lɛ́ɛ ɖɔ yě ní nɔ́ wa nǔ e sɔgbe é, bó ká nɔ́ nyɔ́ xomɛ dó wamamɔnɔ lɛ́ɛ wú, nú yě ní nɔ gbejí nú Mawu, bó ká nɔ́ xomlá ɛ hwebǐnu nǔjɔnǔ tɔn kpó hlɔ̌nhlɔ́n yětɔn bǐ kpó.
“Amɔ̌, hwɛ vǐ ce Tobiyási ɔ́, a ɖǒ ná gosín Ninívu; ma nɔ fí ó. Hwenu e a nǎ ɖi nɔ towe ɖó akpá ce é ɔ́, ma sɔ́ dɔ́ gbě élɔ́ jí nú ayǐ hɔ́n ó. Un mɔ ɖɔ nǔ agɔ wiwa gba kpé ayǐ élɔ́ jí fí dín; mɛ lɛ́ɛ nɔ́ ɖo mɛ hízí wɛ ɖě ɖo ɖě jí, ma ɖó winnyá. 10Vǐ ce, flín lě e Nadábu wa Ayikáa e nyí tɔ́ mɛjíkpɔ́ntɔ́ n'i é sín nǔ gbɔn é: é ɖó e gbɛ bo ɖi i. Lo ɔ́, nǔ baɖabaɖa énɛ́ e é dó sin é ɔ́, Mawu sú axɔ́ tɔn ɛ ɖo mɛ e é bló ná é ɖésú nukún mɛ. Ayikáa lɛ́ wá tɔ́n ta ɖo wěziza nu, lobɔ Nadábu, mɛ e jló ná hu Ayikáa é ká byɔ́ zǐnflú mɛ nú tɛgbɛ gbe. Ayikáa énɛ́ e nɔ wa ɖagbe nú wamamɔnɔ lɛ́ɛ ɔ́ tɔ́n sín kú mɔ e Nadábu ɖó n'i é mɛ. Lo ɔ́, Nadábu éyɛ́ ká jɛ mɔ e é ɖésú ɖó é mɛ, bɔ é nyí kú n'i. 11Éɖíe vǐ ce lɛ́ɛ mi, mi ní tunwun nyɔ̌ná e ɖagbe wa nú wamamɔnɔ nɔ́ hɛn wá nú mɛ é, bó ká lɛ́ kpɔ́n lě e kú nɔ́ nɔ te kpɔ́n mɛ e ma nɔ wa nǔ ɖó hwɛjijɔ jí ǎ lɛ́ɛ gbɔn é.
“Din ɔ́, un mɔ ɖɔ gbɛ ɖo jǔjó mì dó wɛ.”
Vǐ tɔn lɛ́ɛ sɔ́ ɛ mlɔ́ zan ɖokpó jí bɔ é kú, bɔ è ɖi i kpó zǐnzín ɖaxó kpán.
Kú Tobiyási tɔn
12Ée Ana Tobiyási sín nɔ kú é ɔ́, é ɖi i ɖó tɔ́ tɔn Tobíi kpá. Énɛ́ gúdo ɔ́, é kpó asi tɔn kpó ɖidó Mɛdi, bó yi jɛ agban ɖó Ɛkibatáni, ɖo asi tɔn tɔ́ Hlagwɛ́li gɔ́n. 13Tobiyási kpé nukún Hlagwɛ́li kpó asi tɔn kpó wú, kpó sísí kpán ɖo kpikpoxɔ yětɔn mɛ. Ée yě kú é ɔ́, è ɖi yě ɖó Ɛkibatáni. É ɖu Hlagwɛ́li sín nǔ lɛ́ɛ gú, ɖi lě e é ɖu tɔ́ tɔn Tobíi gú ɖ'ayǐ é ɖɔhun.
14É ɖésúnɔ ɖó xwe kanwe gbantɔ́n-nukún-we (117) bo kú ɖo sísí mɛ lɛ́ɛ bǐ tɔn mɛ. 15Cóbɔ é ká ná kú ɔ́, é se ɖɔ Ninívu gba, bɔ è mɔ Siyaxálu axɔ́sú Mɛdi tɔn ɔ́ kplá gantɔ́ Ninívunu lɛ́ɛ tɔn gǎnnugǎnnu wá Mɛdi. É ji han dó kpa Mawu ɖó bǎ e é dó xo Ninívunu lɛ́ɛ kpó Asilíinu lɛ́ɛ kpó é wú. Ninívu e gba é dó xomɛhunhun n'i, bɔ gbɛ tɔn hwenu bǐ ɔ́, é nɔ́ ji han dó dó kú nú Aklúnɔ Mawu e kpikpa jɛ xá nú tɛgbɛ gbe é.
La Bible en langue fon © Alliance Biblique du Bénin, 2012.