Tobíi 13
13
Han e Tobíi ji nú Aklúnɔ é
1Bɔ Tobíi ɖɔ:
2“È nǐ xomlá Mawu e ɖó gbɛ,
bó ná ɖo axɔ́sú ɖu wɛ tɛgbɛ sɔ́yi mavɔ mavɔ é!
É wɛ nɔ́ dɔn tó nú mɛ, bó nɔ́ lɛ́ sɔ́ hwɛ kɛ mɛ.
É nɔ́ sɔ́ mɛ yi dó mɛkúkú lɛ́ɛ sín nɔtɛn,
ayǐkúngban sín gɔngɔn mɛ;
lo ɔ́, é nɔ́ lɛ́ hwlɛ́n mɛ gán sín do gɔngɔn énɛ́ e mɛ è nɔ yi vɔ ɖe é.
Nǔ ɖěbǔ tíin bó ná gló acɛkpikpa tɔn ǎ.
3Izlayɛ́linu lɛ́ɛ mi, mi nɔ sɔ́ ɛ su
ɖo akɔta e mɛ è fúnfún mi kpé gbɔn lɛ́ɛ é nukɔn.
4 Fí énɛ́ ɖésú ɔ́, é ɖe susu tɔn xlɛ́ mi.
Mi jlá nǔwúkpíkpé tɔn ɖo nǔ e ɖo gbɛ lɛ́ɛ bǐ nukɔn,
ɖó é wɛ nyí Aklúnɔ mǐtɔn, Mawu mǐtɔn bó lɛ́ nyí Tɔ́ mǐtɔn.
É nyí Mawu nú tɛgbɛgbe.
5É nɔ́ dɔn tó nú mi ɖó agɔjijɛ mitɔn lɛ́ɛ wú,
lo ɔ́, é ná kú nǔbláwǔ nú mi bǐ.
É ná kplá mi wá sín to e mɛ è fúnfún mi kpé gbɔn lɛ́ɛ bǐ mɛ.
6Mi lɛ́ kɔ wá gɔ̌n tɔn kpó ayi mitɔn bǐ kpán, ninɔmɛ mitɔn bǐ kpán;
mi nɔ gbejí n'i ɖo nǔwiwa mitɔn lɛ́ɛ bǐ mɛ.
Énɛ́ ɔ́, é ɖésú ná lɛ́ kɔ wá mi gɔ̌n, é sɔ́ ná sɔ́ nukún mɛ tɔn hwlá dó mi ǎ.
7Mi ní bó tunwun nǔ e é wa nú mi é n'i,
bó sɔ́ ɛ su kpó gbe e ɖo kɔ mitɔn nu é bǐ kpán.
Mi xomlá Aklúnɔ e nyí hwɛjijɔnɔ é,
mi sí axɔ́sú tɛgbɛ tɔn lɔ!
8Amɔ̌, nyɛ ɔ́, un ná sɔ́ ɛ su ɖo to élɔ́ e mɛ e è tún xwé nú mì wá é.
Un nɔ jlá hlɔ̌nhlɔ́n tɔn kpó susu tɔn kpó nú togun e jɛ agɔ é bó nɔ́ ɖɔ:
mi lɛ́ kɔ wá gɔ̌n tɔn; nǔ nyanya dó sin tɔ́ lɛ́ɛ mi,
mi wa nǔ e sɔgbe ɖo nukún tɔn mɛ é,
è nɔ nywɛ́ ǎ, é sixú kɛ alɔ bo yí mi,
bó ná sɔ́ xomɛnyínyɔ́ dó wa nǔ mitɔn ná.
9 Un ɖo Mawu ce sɔ́ su wɛ,
bó ɖo awǎ jɛ wɛ ɖó axɔ́sú e ɖo jǐxwé é wú.
10Mɛ bǐ ní ji han, bó jlá susu tɔn ɖo Jeluzalɛ́mu!
Jeluzalɛ́mu toxo mímɛ́, Mawu ná dɔn tó nú we ɖó zǐnzán mɛ towe lɛ́ɛ tɔn wú;
lo ɔ́, é ná lɛ́ ɖe xomɛnyínyɔ́ tɔn xlɛ́ mɛ e nɔ se tónú n'i lɛ́ɛ é.
11Bo nɔ sɔ́ Aklúnɔ su lě e é jɛ xá gbɔn é;
ji han dó kpa axɔ́sú tɛgbɛ tɔn, bónú è nǎ lɛ́ vɔ́ Sinsɛnxɔ tɔn gbá ɖo gɔ̌n towe kpó awǎjijɛ kpán.
12Aklúnɔ ní ná awǎjijɛ mɛ e è kplá sín to yětɔn mɛ gǎnnu lɛ́ɛ é bǐ!
É ní ɖe wǎn yíyí tɔn xlɛ́ mɛ e ɖo ya ji wɛ ɖo xwé towe gbe lɛ́ɛ bǐ káká yi jɛ hwenu e gbɛ ná vɔ é.
13Hwi mɛ wɛ wěziza nyɛnɛnɛ ɖé ná tɔ́n sín,
bó ná za wě káká yi fí e gbɛ ɔ́ kponu dó é.
Togun gěgé ná gosín fí línlín wá gɔ̌n towe;
mɛ gěgé ná gosín to línlín mɛ wá gɔ̌n towe Jeluzalɛ́mu,
bó ná hɛn nǔníná alɔ mɛ wá nú axɔ́sú sɛ́xwé tɔn ɔ́.
Kúnkan e ná wá jɔ ɖě jɛ ɖě gúdo lɛ́ɛ é ná wá ɖe awǎjijɛ yětɔn xlɛ́ we;
ɖó hwe lɛ́ɛ bǐ nu ɔ́, è nǎ nɔ́ ylɔ́ we ɖɔ ‘Toxo sɔ́ ɖó vo’.
14Heelú yě mɛ e ná nɔ́ sin adǎn nú we lɛ́ɛ bǐ!
Heelú yě mɛ e ná wá hɛn we kíjá lɛ́ɛ é;
yě mɛ e ná mu dǒ towe lɛ́ɛ é,
yě mɛ e ná zin agbǒcɔ́dó towe dɛ́,
bó ná dó xwé towe zo lɛ́ɛ é bǐ!
Lo ɔ́, nǔ nyɔ́ nú mɛ e ná sí we lɛ́ɛ nú tɛgbɛ gbe.
15Hǔn, Jeluzalɛ́mu, j'awǎ, ɖó mɛ e nɔ nɔ gbejí nú Mawu lɛ́ɛ é wútu.
Yě ná kplé bó ji han dó kpa Aklúnɔ tɛgbɛ tɔn ɔ́.
Nǔ nyɔ́ nú mɛ e yí wǎn nú we lɛ́ɛ é!
Nǔ nyɔ́ nú mɛ e xomɛ ná hun ɖó ayij'ayǐ towe wú lɛ́ɛ é!
16Nǔ nyɔ́ nú mɛ e awěxomɛ towe ná kú wǔ ná lɛ́ɛ é bǐ!
Nyɔ̌ná towe ná nyí nyɔ̌ná yětɔn;
yě ná mɔ awǎjijɛ towe sín kanta yí nú tɛgbɛ gbe.
Un jló ná xomlá Aklúnɔ, axɔ́sú ɖaxó ɔ́ dó han mɛ,
17ɖó é ná lɛ́ vɔ́ Jeluzalɛ́mu gbá,
bó ná sá xwé Aklúnɔ tɔn sɔ́ nyi mɛ nú tɛgbɛ gbe.
Jeluzalɛ́mu, hwenu e togun ce e kpo ɔ́ mɔ susu towe,
bó kpa axɔ́sú jǐxwé tɔn ɔ́, nɛ̌ sín nǔ ká ná nyɔ́ nú mì sɔ nɛ́!
Awǐnnya xɔ akwɛ́ wɛ è nǎ dó bló hɔn towe ná,
bó ná lɛ́ sɔ́ awǐnnya xɔ akwɛ́ ɖěvo ɖěvo dó mɛ dǒ towe lɛ́ɛ bǐ ná.
Siká wɛ è nǎ dó mɛ agbǒcɔ́dó towe lɛ́ɛ ná,
bó ná sɔ́ siká akú nǔɖé má va d'é mɛ dó mɛ sósyɛ́ndó lɛ́ɛ ná.
Awǐnnya xɔ akwɛ́ ɖěvo lɛ́ɛ wɛ è nǎ tɛ́ dó ali towe lɛ́ɛ jí.
18Awǎjijɛ han lɛ́ɛ ná nɔ́ ɖi gbe siii sín hɔntogbó towe lɛ́ɛ mɛ,
bɔ è nǎ nɔ́ ji han ɖo xwé towe lɛ́ɛ gbe ɖɔ:
‘Wásíwásí Mawu Izlayɛ́li tɔn wɛ kpikpa bǐ jɛ xá lóóo!’
Mɛ cyáncyán Aklúnɔ tɔn lɛ́ɛ bǐ ná xomlá nyǐkɔ mímɛ́ tɔn nú tɛgbɛ gbe.”
Currently Selected:
Tobíi 13: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Tobíi 13
13
Han e Tobíi ji nú Aklúnɔ é
1Bɔ Tobíi ɖɔ:
2“È nǐ xomlá Mawu e ɖó gbɛ,
bó ná ɖo axɔ́sú ɖu wɛ tɛgbɛ sɔ́yi mavɔ mavɔ é!
É wɛ nɔ́ dɔn tó nú mɛ, bó nɔ́ lɛ́ sɔ́ hwɛ kɛ mɛ.
É nɔ́ sɔ́ mɛ yi dó mɛkúkú lɛ́ɛ sín nɔtɛn,
ayǐkúngban sín gɔngɔn mɛ;
lo ɔ́, é nɔ́ lɛ́ hwlɛ́n mɛ gán sín do gɔngɔn énɛ́ e mɛ è nɔ yi vɔ ɖe é.
Nǔ ɖěbǔ tíin bó ná gló acɛkpikpa tɔn ǎ.
3Izlayɛ́linu lɛ́ɛ mi, mi nɔ sɔ́ ɛ su
ɖo akɔta e mɛ è fúnfún mi kpé gbɔn lɛ́ɛ é nukɔn.
4 Fí énɛ́ ɖésú ɔ́, é ɖe susu tɔn xlɛ́ mi.
Mi jlá nǔwúkpíkpé tɔn ɖo nǔ e ɖo gbɛ lɛ́ɛ bǐ nukɔn,
ɖó é wɛ nyí Aklúnɔ mǐtɔn, Mawu mǐtɔn bó lɛ́ nyí Tɔ́ mǐtɔn.
É nyí Mawu nú tɛgbɛgbe.
5É nɔ́ dɔn tó nú mi ɖó agɔjijɛ mitɔn lɛ́ɛ wú,
lo ɔ́, é ná kú nǔbláwǔ nú mi bǐ.
É ná kplá mi wá sín to e mɛ è fúnfún mi kpé gbɔn lɛ́ɛ bǐ mɛ.
6Mi lɛ́ kɔ wá gɔ̌n tɔn kpó ayi mitɔn bǐ kpán, ninɔmɛ mitɔn bǐ kpán;
mi nɔ gbejí n'i ɖo nǔwiwa mitɔn lɛ́ɛ bǐ mɛ.
Énɛ́ ɔ́, é ɖésú ná lɛ́ kɔ wá mi gɔ̌n, é sɔ́ ná sɔ́ nukún mɛ tɔn hwlá dó mi ǎ.
7Mi ní bó tunwun nǔ e é wa nú mi é n'i,
bó sɔ́ ɛ su kpó gbe e ɖo kɔ mitɔn nu é bǐ kpán.
Mi xomlá Aklúnɔ e nyí hwɛjijɔnɔ é,
mi sí axɔ́sú tɛgbɛ tɔn lɔ!
8Amɔ̌, nyɛ ɔ́, un ná sɔ́ ɛ su ɖo to élɔ́ e mɛ e è tún xwé nú mì wá é.
Un nɔ jlá hlɔ̌nhlɔ́n tɔn kpó susu tɔn kpó nú togun e jɛ agɔ é bó nɔ́ ɖɔ:
mi lɛ́ kɔ wá gɔ̌n tɔn; nǔ nyanya dó sin tɔ́ lɛ́ɛ mi,
mi wa nǔ e sɔgbe ɖo nukún tɔn mɛ é,
è nɔ nywɛ́ ǎ, é sixú kɛ alɔ bo yí mi,
bó ná sɔ́ xomɛnyínyɔ́ dó wa nǔ mitɔn ná.
9 Un ɖo Mawu ce sɔ́ su wɛ,
bó ɖo awǎ jɛ wɛ ɖó axɔ́sú e ɖo jǐxwé é wú.
10Mɛ bǐ ní ji han, bó jlá susu tɔn ɖo Jeluzalɛ́mu!
Jeluzalɛ́mu toxo mímɛ́, Mawu ná dɔn tó nú we ɖó zǐnzán mɛ towe lɛ́ɛ tɔn wú;
lo ɔ́, é ná lɛ́ ɖe xomɛnyínyɔ́ tɔn xlɛ́ mɛ e nɔ se tónú n'i lɛ́ɛ é.
11Bo nɔ sɔ́ Aklúnɔ su lě e é jɛ xá gbɔn é;
ji han dó kpa axɔ́sú tɛgbɛ tɔn, bónú è nǎ lɛ́ vɔ́ Sinsɛnxɔ tɔn gbá ɖo gɔ̌n towe kpó awǎjijɛ kpán.
12Aklúnɔ ní ná awǎjijɛ mɛ e è kplá sín to yětɔn mɛ gǎnnu lɛ́ɛ é bǐ!
É ní ɖe wǎn yíyí tɔn xlɛ́ mɛ e ɖo ya ji wɛ ɖo xwé towe gbe lɛ́ɛ bǐ káká yi jɛ hwenu e gbɛ ná vɔ é.
13Hwi mɛ wɛ wěziza nyɛnɛnɛ ɖé ná tɔ́n sín,
bó ná za wě káká yi fí e gbɛ ɔ́ kponu dó é.
Togun gěgé ná gosín fí línlín wá gɔ̌n towe;
mɛ gěgé ná gosín to línlín mɛ wá gɔ̌n towe Jeluzalɛ́mu,
bó ná hɛn nǔníná alɔ mɛ wá nú axɔ́sú sɛ́xwé tɔn ɔ́.
Kúnkan e ná wá jɔ ɖě jɛ ɖě gúdo lɛ́ɛ é ná wá ɖe awǎjijɛ yětɔn xlɛ́ we;
ɖó hwe lɛ́ɛ bǐ nu ɔ́, è nǎ nɔ́ ylɔ́ we ɖɔ ‘Toxo sɔ́ ɖó vo’.
14Heelú yě mɛ e ná nɔ́ sin adǎn nú we lɛ́ɛ bǐ!
Heelú yě mɛ e ná wá hɛn we kíjá lɛ́ɛ é;
yě mɛ e ná mu dǒ towe lɛ́ɛ é,
yě mɛ e ná zin agbǒcɔ́dó towe dɛ́,
bó ná dó xwé towe zo lɛ́ɛ é bǐ!
Lo ɔ́, nǔ nyɔ́ nú mɛ e ná sí we lɛ́ɛ nú tɛgbɛ gbe.
15Hǔn, Jeluzalɛ́mu, j'awǎ, ɖó mɛ e nɔ nɔ gbejí nú Mawu lɛ́ɛ é wútu.
Yě ná kplé bó ji han dó kpa Aklúnɔ tɛgbɛ tɔn ɔ́.
Nǔ nyɔ́ nú mɛ e yí wǎn nú we lɛ́ɛ é!
Nǔ nyɔ́ nú mɛ e xomɛ ná hun ɖó ayij'ayǐ towe wú lɛ́ɛ é!
16Nǔ nyɔ́ nú mɛ e awěxomɛ towe ná kú wǔ ná lɛ́ɛ é bǐ!
Nyɔ̌ná towe ná nyí nyɔ̌ná yětɔn;
yě ná mɔ awǎjijɛ towe sín kanta yí nú tɛgbɛ gbe.
Un jló ná xomlá Aklúnɔ, axɔ́sú ɖaxó ɔ́ dó han mɛ,
17ɖó é ná lɛ́ vɔ́ Jeluzalɛ́mu gbá,
bó ná sá xwé Aklúnɔ tɔn sɔ́ nyi mɛ nú tɛgbɛ gbe.
Jeluzalɛ́mu, hwenu e togun ce e kpo ɔ́ mɔ susu towe,
bó kpa axɔ́sú jǐxwé tɔn ɔ́, nɛ̌ sín nǔ ká ná nyɔ́ nú mì sɔ nɛ́!
Awǐnnya xɔ akwɛ́ wɛ è nǎ dó bló hɔn towe ná,
bó ná lɛ́ sɔ́ awǐnnya xɔ akwɛ́ ɖěvo ɖěvo dó mɛ dǒ towe lɛ́ɛ bǐ ná.
Siká wɛ è nǎ dó mɛ agbǒcɔ́dó towe lɛ́ɛ ná,
bó ná sɔ́ siká akú nǔɖé má va d'é mɛ dó mɛ sósyɛ́ndó lɛ́ɛ ná.
Awǐnnya xɔ akwɛ́ ɖěvo lɛ́ɛ wɛ è nǎ tɛ́ dó ali towe lɛ́ɛ jí.
18Awǎjijɛ han lɛ́ɛ ná nɔ́ ɖi gbe siii sín hɔntogbó towe lɛ́ɛ mɛ,
bɔ è nǎ nɔ́ ji han ɖo xwé towe lɛ́ɛ gbe ɖɔ:
‘Wásíwásí Mawu Izlayɛ́li tɔn wɛ kpikpa bǐ jɛ xá lóóo!’
Mɛ cyáncyán Aklúnɔ tɔn lɛ́ɛ bǐ ná xomlá nyǐkɔ mímɛ́ tɔn nú tɛgbɛ gbe.”
La Bible en langue fon © Alliance Biblique du Bénin, 2012.