Silaki ví 45
45
1 Mɔyízi ɔ́, Mawu kpó gbɛtɔ́ lɛ́ɛ bǐ kpó wɛ yí wǎn n'i;
hweɖěbǔnu nú mǐ flín i ɔ́, mǐ ná nɔ́ dó kú nú Mawu.
2Lě e Aklúnɔ ná susu wɛnsagun lɛ́ɛ sɔ é wɛ é ná ɛ gbɔn;
é sɔ́ alɔ tɔn d'aga, bɔ é kpé nǔ wú,
lobo nú kɛntɔ́ Izlayɛ́li tɔn lɛ́ɛ ná ɖi xɛsi,
bó ná sísɔ́ avuvɔ ɖo nukɔn tɔn.
3Nú Mɔyízi kɛ nu bó ɖɔ
émí ná dó nǔ ɖaxó ɖé sin lě kpowun ɔ́,
tlóló jɛ́n Aklúnɔ nɔ́ bló ɖ'é jí;
bó nɔ́ ná ɛ acɛ ɖo axɔ́sú lɛ́ɛ nukɔn.
Aklúnɔ sɔ́ nǔzɔ́nmɛ tɔn lɛ́ɛ dó así n'i nú togun tɔn,
lobo ka hun nǔɖé xlɛ́ ɛ ɖo susu tɔn mɛ.
4Mɔyízi ɔ́, gbɛtɔ́ gbejínɔtɔ́, ayifífánɔ wɛ é nyí;
nǔ e wú wɛ Aklúnɔ ɖe e ɖó vo,
bó sɔ́ kɛ́n tɔn ɖo gbɛtɔ́ lɛ́ɛ tɛ́ntin é nɛ́.
5É ɖɔ xó bɔ é se gbe tɔn;
é kplá ɛ yi dó akpɔ́kpɔ́ zǐnflúnɔ ɖé mɛ;
é kpódó é kpó kpan nukɔn yěɖée ɖo fínɛ́,
bɔ é zé nǔzɔ́nmɛ tɔn lɛ́ɛ dó así n'i;
sɛ́n e nɔ́ hɛn mɛ ɖó gbɛ,
bó ká nɔ́ zɔ́n bɔ é nɔ́ nyɔ́ nǔ i é;
lě e Aklúnɔ kplɔ́n akɔjijɛ tɔn sín tito mɛ lɛ́ɛ
Jakɔ́bu hɛ́nnumɔnɔ lɛ́ɛ gbɔn é nɛ́,
bó ká ɖe gbetakɛ́n tɔn lɛ́ɛ tɔ́n nú togun Izlayɛ́li tɔn ɔ́.
Aalɔ́ɔn
6 Tɛn jɔ tɛn wɛ Aklúnɔ ná Aalɔ́ɔn;
mɛɖeɖóvo wɛ é nyí;
nɔví tɔn Mɔyízi ɖěe tɔ́n sín Levíi hɛ́nnu mɛ é ɖɔhun.
7 Akɔ e ná ɖo te tɛgbɛ é wɛ é jɛ xá ɛ;
é sɔ́ ɛ vɔ̌sánú-xwlémawutɔ́ ɖó togun ɔ́ nu;
Aklúnɔ dó vɔ̌sánú-xwlémawutɔ́ sín awu ɖagbe ɖagbe lɛ́ɛ n'i,
bó dó zé e yi nǔnyɔ́nánɔ lɛ́ɛ há jí;
é cyɔ́n avɔ ɖé n'i bɔ é nyɔ́ ɖɛkpɛ ɖésú.
8É sɔ́ avɔ kíkó ganjí ɖé dó n'i,
lobo fɔ acɛkpikpa tɔn sín wuntun lɛ́ɛ kplá n'i;
awuglɔ́wu e è sɔ́ lɛ̌ngbɔ́fún dó lɔn é, awu gaga gblɛlɛ ɖé.
9É ná ɛ acɔ́ɖónú ɖé lɛ́ɛ,
bɔ yě cí atínsínsɛ́n e è nɔ ylɔ́ ɖɔ glenádi é ɖɔhun;
kpódó siká sín gan kpɛví kpɛví gěgé ɖé lɛ́ɛ kpán;
nǔ énɛ́ lɛ́ɛ wɛ è dǒ ɖó acɔ́ nú awu ɔ́ tó lɛ́ dó;
Aalɔ́ɔn ɖe afɔ ɖokpó lě ɔ́, yě nɔ́ ɖɔ nǔ;
mɔ̌ wɛ è nɔ se gbe yětɔn gbɔn ɖo Sinsɛnxɔ ɔ́ mɛ,
bɔ yě nɔ́ flín togun ɔ́ ɖɔ Mawu ɖo tɛ́ntin yětɔn.
10Sinsɛnnúwavɔ mímɛ́ e è sɔ́ sikávɔkan, avɔkan sohwɛkan
kpódó avɔkan vɔvɔ kpó dó kó é wɛ Aalɔ́ɔn nɔ dó;
akpo e è tɔ ɖ'é jí é mɛ wɛ é ná bɛ́ nǔ e nɔ́ zɔ́n
bɔ è nɔ tunwun jlǒ Mawu tɔn kpó hwɛgbigbo tɔn kpó é dó.
11Akpo énɛ́ ɔ́, avɔkan vɔvɔ wɛ è dó tɔ ná,
lobo ka sɔ́ awǐnnya nukúnɖéjí ɖé lɛ́ɛ dó ɖó acɔ́ ná;
nyǐkɔ akɔta wěwe Izlayɛ́li tɔn lɛ́ɛ tɔn wɛ
è wlǎn zǒgbe dó nǔ jí wuntun ɖɔhun dó awǐnnya énɛ́ lɛ́ɛ jí,
bónú Mawu ná nɔ́ dó flín yě;
siká wɛ è sɔ́ dó mɛ kpe e jí
awǐnnya nukúnɖéjí ɖokpó ɖokpó jínjɔ́n é.
12Sikánú ɖagbe ɖagbe ɖé wɛ
ɖo avɔ gaga e Aalɔ́ɔn nɔ lɛ́ dó ta é mɛ;
è wlǎn dó wǔ tɔn ɖɔ:
“Mɛɖeɖóvo Aklúnɔ tɔn”; nǔ ɔ́ jɛ acɔ́ ɖésú;
azɔ̌ mímɛ́ tawun wɛ, bó nyɔ́ kpɔ́n; acɔ́vɔ ɖé wɛ.
Vǐ tɔn lɛ́ɛ kpó vǐvú tɔn lɛ́ɛ kpó jɛ́n nɔ́ dó nú tɛgbɛ gbe.
13Mɛ ɖé mɔ acɔ́vɔ ɖagbe ɖagbe mɔ̌hunkɔtɔn ɖé kpɔ́n gbeɖé
cóbó wá mɔ ɖo Aalɔ́ɔn wú ǎ.
14Vɔ̌ e Aalɔ́ɔn nɔ sá azɔn we gbe ɖokpó nú tɛgbɛ gbe é ɔ́,
è ɖǒ ná fyɔ́ ɛ bǐ gbídí gbídí wɛ.
15 Mɔyízi wɛ ka sɔ́ ɛ ɖó Aklúnɔ kanta,
gbɔn mɛɖeɖóvo sín ami e é sá n'i é gbla mɛ;
akɔjijɛ e ná ɖo te tɛgbɛ é wɛ
é nyí nú Aalɔ́ɔn kpódó hɛ̌nnumɔ tɔn bǐ kpán;
ji e jǐnukúnsin dɔ́ é wɛ é ná dɔ́;
vɔ̌sánú-xwlémawutɔ́ ɖɔhun wɛ é ɖó ná sɛn Aklúnɔ,
lobo ná nɔ́ xo ɖɛ nú togun ɔ́ dó nyǐkɔ tɔn mɛ.
16Aklúnɔ kpɔ́n mɛ e ɖo gbɛ lɛ́ɛ é bǐ mɛ,
bó sɔ́ Aalɔ́ɔn;
é ɖó ná nɔ́ xwlé vɔ̌sísá Aklúnɔ,
zǎlínkpɔ́n kpó nǔsáwǔ wǎnɖagbenɔ kpán nú é ná flín,
bó ná bló wuntun hwɛsɔ́kɛmɛ tɔn dó togun ɔ́ jí.
17Mawu ná acɛ Aalɔ́ɔn bɔ é nɔ́ tín sɛ́n lɛ́ɛ mɛ,
bó ná dó kplɔ́n jlǒ Mawu tɔn Izlayɛ́li,
lobɔ sɛ́n tɔn ká ná nyí wěziza nú togun ɔ́.
18 Ɖo gbětótló mɛ ɔ́,
mɛ e ma nyí hɛ̌nnumɔ tɔn ǎ lɛ́ɛ é nɔ́ hwan wǔ dó e;
yě nɔ́ sin xomɛ dó e ɖésú lobo ka fɔ́n gǔ dó jǐ tɔn;
Datáni ɔ́, Abilámu kpó mɛ yětɔn lɛ́ɛ kpán wɛ;
ahwangbɛ́ Kolée tɔn lɛ́ɛ gɔ́ nú yě.
19Aklúnɔ mɔ nǔ énɛ́ lɛ́ɛ bɔ é vɛ́ wǔ tɔn ɖésú;
é sin xomɛ káká bó jɛ nǔ baɖabaɖa dó sin dó yě wú jí;
zo mímɛ́ ɖé ja kɔn nyi yě jí,
bɔ yě bǐ ji bó kɔn afín, bɔ kún yětɔn sú dó.
20Aklúnɔ lɛ́ ná susu ɖěvo Aalɔ́ɔn;
é sɔ́ jinukún tɔn e yě ya ɖo ayǐkúngban e
é ná é kpó vǐ tɔn lɛ́ɛ kpó,
lobɔ yě wá xwléxwlé gbé lɛ́ɛ é sɔ́ kɛ;
hǔn, é ná ɛ nǔɖuɖu bɔ é túnflá.
21Nǔgbó ɔ́, nǔ e è xwlé Aklúnɔ é wɛ
vɔ̌sánú-xwlémawutɔ́ lɛ́ɛ nɔ́ ɖu;
é ɖésú wɛ ná nǔ énɛ́ Aalɔ́ɔn kpódó hɛ̌nnumɔ tɔn lɛ́ɛ kpán.
22 Lo ɔ́, vɔ̌sánú-xwlémawutɔ́ lɛ́ɛ
ɖó ayǐkúngban ɖě ɖo Izlayɛ́li to ɔ́ mɛ ǎ;
nǔɖé nyí yětɔn toví ɖɔhun ǎ,
ɖó Aklúnɔ kó ɖɔ nú Aalɔ́ɔn ɖ'ayǐ ɖɔ:
“Nyɛ wɛ nyí kanta towe,
lobo nyí nyɔ̌ná towe”.
Pɛnhási
23 Pɛnhási Eleazáa ví ɔ́ wɛ nyí daágbó nukúnɖéjí atɔngɔ́ ɔ́;
nǔgbó ɔ́, é nɔ́ ván kan dó jɛ ahwan dó susu Aklúnɔ tɔn jí.
É kpan akɔ́n; é sí te dó togun gǔfɔ́ntɔ́ jí;
mɔ̌ wɛ é mɔ sísɔ́kɛ Aklúnɔ tɔn yí nú Izlayɛ́li gbɔn.
24Nǔ e wú wɛ Aklúnɔ jɛ fífá sín akɔ xá ɛ é nɛ́;
é ná wá nyí gǎn nú tɛn mímɛ́ ɔ́,
lobo ka ná nyí togun tɔn sín afɔsɔ́ɖótetɔ́;
mɔ̌ wɛ Aklúnɔ ɖíɖá vɔ̌sánú-xwlémawutɔ́ ɖaxó sín agban Pɛnhási
kpódó hɛ̌nnumɔ tɔn lɛ́ɛ kpán gbɔn nú tɛgbɛ gbe é nɛ́.
25Mɔ̌ wɛ é lɛ́ jɛ akɔ xá Davídi
Jɛsée ví ɖěe tɔ́n sín Judáa kúnkan mɛ é nɛ́;
é dó akpá n'i ɖɔ acɛkpikpa tɔn ná nyí tɔ́kúnúvǐsɔ́;
lo ɔ́, vǐ ɖokpó géé wɛ é ká ná nyí;
é nyɔ́ wa ɔ́, xu Aalɔ́ɔn tɔn ɔ́ ka ná gbɔn
mɛ e ko nyí hɛ̌nnumɔ tɔn lɛ́ɛ é bǐ jí.
26Mi mɛ e tɔ́n sín Aalɔ́ɔn hɛ́nnu mɛ lɛ́ɛ e mi,
un ɖo vo sa nú Aklúnɔ wɛ
nú é kɔn Sɛ́núnywɛ́ dó ayi mitɔn lɛ́ɛ mɛ;
énɛ́ ɔ́, mi ná xwedó hwɛjijɔ dó ɖɔ hwɛ xá togun tɔn,
bɔ acɛ e nyí mitɔn lɛ́ɛ é
kpódó susu e mi ko ɖó lɛ́ɛ é kpán ɖě ná bú nyǐ gbeɖé ɖo nukɔn mɛ ǎ.
Currently Selected:
Silaki ví 45: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Silaki ví 45
45
1 Mɔyízi ɔ́, Mawu kpó gbɛtɔ́ lɛ́ɛ bǐ kpó wɛ yí wǎn n'i;
hweɖěbǔnu nú mǐ flín i ɔ́, mǐ ná nɔ́ dó kú nú Mawu.
2Lě e Aklúnɔ ná susu wɛnsagun lɛ́ɛ sɔ é wɛ é ná ɛ gbɔn;
é sɔ́ alɔ tɔn d'aga, bɔ é kpé nǔ wú,
lobo nú kɛntɔ́ Izlayɛ́li tɔn lɛ́ɛ ná ɖi xɛsi,
bó ná sísɔ́ avuvɔ ɖo nukɔn tɔn.
3Nú Mɔyízi kɛ nu bó ɖɔ
émí ná dó nǔ ɖaxó ɖé sin lě kpowun ɔ́,
tlóló jɛ́n Aklúnɔ nɔ́ bló ɖ'é jí;
bó nɔ́ ná ɛ acɛ ɖo axɔ́sú lɛ́ɛ nukɔn.
Aklúnɔ sɔ́ nǔzɔ́nmɛ tɔn lɛ́ɛ dó así n'i nú togun tɔn,
lobo ka hun nǔɖé xlɛ́ ɛ ɖo susu tɔn mɛ.
4Mɔyízi ɔ́, gbɛtɔ́ gbejínɔtɔ́, ayifífánɔ wɛ é nyí;
nǔ e wú wɛ Aklúnɔ ɖe e ɖó vo,
bó sɔ́ kɛ́n tɔn ɖo gbɛtɔ́ lɛ́ɛ tɛ́ntin é nɛ́.
5É ɖɔ xó bɔ é se gbe tɔn;
é kplá ɛ yi dó akpɔ́kpɔ́ zǐnflúnɔ ɖé mɛ;
é kpódó é kpó kpan nukɔn yěɖée ɖo fínɛ́,
bɔ é zé nǔzɔ́nmɛ tɔn lɛ́ɛ dó así n'i;
sɛ́n e nɔ́ hɛn mɛ ɖó gbɛ,
bó ká nɔ́ zɔ́n bɔ é nɔ́ nyɔ́ nǔ i é;
lě e Aklúnɔ kplɔ́n akɔjijɛ tɔn sín tito mɛ lɛ́ɛ
Jakɔ́bu hɛ́nnumɔnɔ lɛ́ɛ gbɔn é nɛ́,
bó ká ɖe gbetakɛ́n tɔn lɛ́ɛ tɔ́n nú togun Izlayɛ́li tɔn ɔ́.
Aalɔ́ɔn
6 Tɛn jɔ tɛn wɛ Aklúnɔ ná Aalɔ́ɔn;
mɛɖeɖóvo wɛ é nyí;
nɔví tɔn Mɔyízi ɖěe tɔ́n sín Levíi hɛ́nnu mɛ é ɖɔhun.
7 Akɔ e ná ɖo te tɛgbɛ é wɛ é jɛ xá ɛ;
é sɔ́ ɛ vɔ̌sánú-xwlémawutɔ́ ɖó togun ɔ́ nu;
Aklúnɔ dó vɔ̌sánú-xwlémawutɔ́ sín awu ɖagbe ɖagbe lɛ́ɛ n'i,
bó dó zé e yi nǔnyɔ́nánɔ lɛ́ɛ há jí;
é cyɔ́n avɔ ɖé n'i bɔ é nyɔ́ ɖɛkpɛ ɖésú.
8É sɔ́ avɔ kíkó ganjí ɖé dó n'i,
lobo fɔ acɛkpikpa tɔn sín wuntun lɛ́ɛ kplá n'i;
awuglɔ́wu e è sɔ́ lɛ̌ngbɔ́fún dó lɔn é, awu gaga gblɛlɛ ɖé.
9É ná ɛ acɔ́ɖónú ɖé lɛ́ɛ,
bɔ yě cí atínsínsɛ́n e è nɔ ylɔ́ ɖɔ glenádi é ɖɔhun;
kpódó siká sín gan kpɛví kpɛví gěgé ɖé lɛ́ɛ kpán;
nǔ énɛ́ lɛ́ɛ wɛ è dǒ ɖó acɔ́ nú awu ɔ́ tó lɛ́ dó;
Aalɔ́ɔn ɖe afɔ ɖokpó lě ɔ́, yě nɔ́ ɖɔ nǔ;
mɔ̌ wɛ è nɔ se gbe yětɔn gbɔn ɖo Sinsɛnxɔ ɔ́ mɛ,
bɔ yě nɔ́ flín togun ɔ́ ɖɔ Mawu ɖo tɛ́ntin yětɔn.
10Sinsɛnnúwavɔ mímɛ́ e è sɔ́ sikávɔkan, avɔkan sohwɛkan
kpódó avɔkan vɔvɔ kpó dó kó é wɛ Aalɔ́ɔn nɔ dó;
akpo e è tɔ ɖ'é jí é mɛ wɛ é ná bɛ́ nǔ e nɔ́ zɔ́n
bɔ è nɔ tunwun jlǒ Mawu tɔn kpó hwɛgbigbo tɔn kpó é dó.
11Akpo énɛ́ ɔ́, avɔkan vɔvɔ wɛ è dó tɔ ná,
lobo ka sɔ́ awǐnnya nukúnɖéjí ɖé lɛ́ɛ dó ɖó acɔ́ ná;
nyǐkɔ akɔta wěwe Izlayɛ́li tɔn lɛ́ɛ tɔn wɛ
è wlǎn zǒgbe dó nǔ jí wuntun ɖɔhun dó awǐnnya énɛ́ lɛ́ɛ jí,
bónú Mawu ná nɔ́ dó flín yě;
siká wɛ è sɔ́ dó mɛ kpe e jí
awǐnnya nukúnɖéjí ɖokpó ɖokpó jínjɔ́n é.
12Sikánú ɖagbe ɖagbe ɖé wɛ
ɖo avɔ gaga e Aalɔ́ɔn nɔ lɛ́ dó ta é mɛ;
è wlǎn dó wǔ tɔn ɖɔ:
“Mɛɖeɖóvo Aklúnɔ tɔn”; nǔ ɔ́ jɛ acɔ́ ɖésú;
azɔ̌ mímɛ́ tawun wɛ, bó nyɔ́ kpɔ́n; acɔ́vɔ ɖé wɛ.
Vǐ tɔn lɛ́ɛ kpó vǐvú tɔn lɛ́ɛ kpó jɛ́n nɔ́ dó nú tɛgbɛ gbe.
13Mɛ ɖé mɔ acɔ́vɔ ɖagbe ɖagbe mɔ̌hunkɔtɔn ɖé kpɔ́n gbeɖé
cóbó wá mɔ ɖo Aalɔ́ɔn wú ǎ.
14Vɔ̌ e Aalɔ́ɔn nɔ sá azɔn we gbe ɖokpó nú tɛgbɛ gbe é ɔ́,
è ɖǒ ná fyɔ́ ɛ bǐ gbídí gbídí wɛ.
15 Mɔyízi wɛ ka sɔ́ ɛ ɖó Aklúnɔ kanta,
gbɔn mɛɖeɖóvo sín ami e é sá n'i é gbla mɛ;
akɔjijɛ e ná ɖo te tɛgbɛ é wɛ
é nyí nú Aalɔ́ɔn kpódó hɛ̌nnumɔ tɔn bǐ kpán;
ji e jǐnukúnsin dɔ́ é wɛ é ná dɔ́;
vɔ̌sánú-xwlémawutɔ́ ɖɔhun wɛ é ɖó ná sɛn Aklúnɔ,
lobo ná nɔ́ xo ɖɛ nú togun ɔ́ dó nyǐkɔ tɔn mɛ.
16Aklúnɔ kpɔ́n mɛ e ɖo gbɛ lɛ́ɛ é bǐ mɛ,
bó sɔ́ Aalɔ́ɔn;
é ɖó ná nɔ́ xwlé vɔ̌sísá Aklúnɔ,
zǎlínkpɔ́n kpó nǔsáwǔ wǎnɖagbenɔ kpán nú é ná flín,
bó ná bló wuntun hwɛsɔ́kɛmɛ tɔn dó togun ɔ́ jí.
17Mawu ná acɛ Aalɔ́ɔn bɔ é nɔ́ tín sɛ́n lɛ́ɛ mɛ,
bó ná dó kplɔ́n jlǒ Mawu tɔn Izlayɛ́li,
lobɔ sɛ́n tɔn ká ná nyí wěziza nú togun ɔ́.
18 Ɖo gbětótló mɛ ɔ́,
mɛ e ma nyí hɛ̌nnumɔ tɔn ǎ lɛ́ɛ é nɔ́ hwan wǔ dó e;
yě nɔ́ sin xomɛ dó e ɖésú lobo ka fɔ́n gǔ dó jǐ tɔn;
Datáni ɔ́, Abilámu kpó mɛ yětɔn lɛ́ɛ kpán wɛ;
ahwangbɛ́ Kolée tɔn lɛ́ɛ gɔ́ nú yě.
19Aklúnɔ mɔ nǔ énɛ́ lɛ́ɛ bɔ é vɛ́ wǔ tɔn ɖésú;
é sin xomɛ káká bó jɛ nǔ baɖabaɖa dó sin dó yě wú jí;
zo mímɛ́ ɖé ja kɔn nyi yě jí,
bɔ yě bǐ ji bó kɔn afín, bɔ kún yětɔn sú dó.
20Aklúnɔ lɛ́ ná susu ɖěvo Aalɔ́ɔn;
é sɔ́ jinukún tɔn e yě ya ɖo ayǐkúngban e
é ná é kpó vǐ tɔn lɛ́ɛ kpó,
lobɔ yě wá xwléxwlé gbé lɛ́ɛ é sɔ́ kɛ;
hǔn, é ná ɛ nǔɖuɖu bɔ é túnflá.
21Nǔgbó ɔ́, nǔ e è xwlé Aklúnɔ é wɛ
vɔ̌sánú-xwlémawutɔ́ lɛ́ɛ nɔ́ ɖu;
é ɖésú wɛ ná nǔ énɛ́ Aalɔ́ɔn kpódó hɛ̌nnumɔ tɔn lɛ́ɛ kpán.
22 Lo ɔ́, vɔ̌sánú-xwlémawutɔ́ lɛ́ɛ
ɖó ayǐkúngban ɖě ɖo Izlayɛ́li to ɔ́ mɛ ǎ;
nǔɖé nyí yětɔn toví ɖɔhun ǎ,
ɖó Aklúnɔ kó ɖɔ nú Aalɔ́ɔn ɖ'ayǐ ɖɔ:
“Nyɛ wɛ nyí kanta towe,
lobo nyí nyɔ̌ná towe”.
Pɛnhási
23 Pɛnhási Eleazáa ví ɔ́ wɛ nyí daágbó nukúnɖéjí atɔngɔ́ ɔ́;
nǔgbó ɔ́, é nɔ́ ván kan dó jɛ ahwan dó susu Aklúnɔ tɔn jí.
É kpan akɔ́n; é sí te dó togun gǔfɔ́ntɔ́ jí;
mɔ̌ wɛ é mɔ sísɔ́kɛ Aklúnɔ tɔn yí nú Izlayɛ́li gbɔn.
24Nǔ e wú wɛ Aklúnɔ jɛ fífá sín akɔ xá ɛ é nɛ́;
é ná wá nyí gǎn nú tɛn mímɛ́ ɔ́,
lobo ka ná nyí togun tɔn sín afɔsɔ́ɖótetɔ́;
mɔ̌ wɛ Aklúnɔ ɖíɖá vɔ̌sánú-xwlémawutɔ́ ɖaxó sín agban Pɛnhási
kpódó hɛ̌nnumɔ tɔn lɛ́ɛ kpán gbɔn nú tɛgbɛ gbe é nɛ́.
25Mɔ̌ wɛ é lɛ́ jɛ akɔ xá Davídi
Jɛsée ví ɖěe tɔ́n sín Judáa kúnkan mɛ é nɛ́;
é dó akpá n'i ɖɔ acɛkpikpa tɔn ná nyí tɔ́kúnúvǐsɔ́;
lo ɔ́, vǐ ɖokpó géé wɛ é ká ná nyí;
é nyɔ́ wa ɔ́, xu Aalɔ́ɔn tɔn ɔ́ ka ná gbɔn
mɛ e ko nyí hɛ̌nnumɔ tɔn lɛ́ɛ é bǐ jí.
26Mi mɛ e tɔ́n sín Aalɔ́ɔn hɛ́nnu mɛ lɛ́ɛ e mi,
un ɖo vo sa nú Aklúnɔ wɛ
nú é kɔn Sɛ́núnywɛ́ dó ayi mitɔn lɛ́ɛ mɛ;
énɛ́ ɔ́, mi ná xwedó hwɛjijɔ dó ɖɔ hwɛ xá togun tɔn,
bɔ acɛ e nyí mitɔn lɛ́ɛ é
kpódó susu e mi ko ɖó lɛ́ɛ é kpán ɖě ná bú nyǐ gbeɖé ɖo nukɔn mɛ ǎ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.