Silaki ví 44
44
HAN JI DÓ NÁ SUSU GBƐTƆ́ JIXÓMƐ TƆN LƐ́Ɛ
(44.1—50.29)
1Mi nú mǐ ná mlá mɛxó mǐtɔn lɛ́ɛ dó han mɛ;
gbɛtɔ́ nukúnɖéjí énɛ́ lɛ́ɛ, xwedó lě e yě jɔ wá gbɛmɛ gbɔn é;
2Aklúnɔ ɖe lě do e é d'agba sɔ é xlɛ́,
gbɔn wi e é ɖó yě jí sín do hwenu é mɛ.
3Axɔ́sú ɖé lɛ́ɛ ɖe bó nɔ axɔ́súɖuto yětɔn lɛ́ɛ nu;
gbɛtɔ́ ɖé lɛ́ɛ wɛ, bɔ è tunwun yě ɖó nǔwúkpíkpé yětɔn wú;
nǔkplɔ́nmɛtɔ́ ɖé lɛ́ɛ ɖe bɔ yě kpo sácí gbeɖé ǎ ɖó nǔnywɛ́ yětɔn lɛ́ɛ wú;
nǔmɔtɔ́ nukúnɖéjí ɖé lɛ́ɛ kpo sácí gbeɖé ǎ, ɖó ɖɔɖayǐxó yě ɖɔ lɛ́ɛ é wú.
4Togán ɖé lɛ́ɛ ɖe, bó tunwun lě e yě ná kplɔ́n nǔ togun yětɔn gbɔn é;
axɔ́ví ɖé lɛ́ɛ ɖe, bɔ nǔnywɛ́ kpé yě ganjí;
yě nɔ́ kplɔ́n nǔ togun ɔ́ kpódó Sɛ́núnywɛ́ xógbe ɖé lɛ́ɛ kpó.
5Hankpatɔ́ kpódó mɛmládóhanmɛtɔ́ ɖé lɛ́ɛ kpán tíin.
6Mɛ ɖé lɛ́ɛ ɖe, bɔ dɔkun yětɔn dɔn yě yi hǎga jí,
bɔ yě nɔ́ ɖo vivo mɛ fɛɛ ɖo xwé yětɔn gbe.
7Mɛ e jɔ ɖo hwe yětɔn nu lɛ́ɛ é bǐ wɛ nɔ́ sɔ́ yě su,
lobɔ è kpa yě hwenu e yě ɖo gbɛ é.
8Nyǐkɔ mɛ énɛ́ lɛ́ɛ ɖě tɔn kpo ɖo te káká wá tɔ́n din;
è lɛ̌ kpo ɖo yě mlá wɛ dó han mɛ;
9lo ɔ́, mɛɖé lɛ́ɛ ká tíin bó jó flǐn ɖěbǔ nyi ayǐ ǎ;
mɛɖé sɔ́ nɔ́ ɖɔ xó ɖé dó yě wú ǎ,
ɖi nǔ ɖɔ yě kún tíin gbeɖé kpɔ́n ó ɖɔhun;
é cí ɖɔ è ji yě kpɔ́n ǎ ɖɔhun,
lobɔ nǔ ɖokpó ɔ́ wɛ lɛ́ xá vǐ yětɔn lɛ́ɛ ɖo gǔdo mɛ yětɔn.
10Daágbó mǐtɔn lɛ́ɛ ɖíe, mɛ énɛ́ lɛ́ɛ e wa nǔ ɖó nǔ ganjí é;
nǔ ɖagbe e yě wa lɛ́ɛ é ɔ́, è wɔn ɖěbǔ ǎ.
11Ɖagbe yětɔn lɛ́ɛ yi vǐ yětɔn lɛ́ɛ gɔ́n,
vǐvú yětɔn lɛ́ɛ ɖu gǔ yětɔn lɛ́ɛ.
12Yě wú wɛ é sín bɔ vǐ énɛ́ lɛ́ɛ nɔ gbejí nú akɔ e Mawu jɛ xá yě lɛ́ɛ é.
13Vǐ yětɔn lɛ́ɛ kpódó vǐvú yětɔn lɛ́ɛ kpán ná ɖe tɛgbɛ;
nyǐkɔ yětɔn ná kpo sácí gbeɖé ǎ.
14Agbaza yětɔn ɖó fífá mɛ,
bó ɖo gbigbɔjɛ́ wɛ ɖo yɔdo mɛ;
lo ɔ́, nyǐkɔ yětɔn ká ɖo gbɛ tɛgbɛ.
15Togun lɛ́ɛ ná ɖɔ xó dó Sɛ́núnywɛ́ yětɔn wú;
agun ɔ́ ná ji han dó xomlá yě.
Henɔ́ci
16 Henɔ́ci sín nǔ nyɔ́ Aklúnɔ nukún mɛ,
bɔ Aklúnɔ kplá ɛ yi ɖó akpá;
gbɛ mɛtɔn bǐ sɔ́ ɖó Mawu jí sín xlɛ́ wɛ é ná kúnkan e ná wá jɔ lɛ́ɛ é bǐ.
Nɔwée
17 Aklúnɔ mɔ Nɔwée dó mɔ gbɛtɔ́ hwɛjijɔnɔ nǔvɔɖéwú;
hwenu e é sú nǔ bǐ sín kún dó vɔ é ɔ́,
Nɔwée wɛ nyí mɛ e jí é gbɔn bó lɛ́ vɔ́ gbɛtɔ́ sín kún dó é;
é wɛ nyí tɔn bɔ gbɛtɔ́ lɛ́ wá tíin ɖo azǎn kanɖé (40) jí ɔ́ gúdo.
18Aklúnɔ jɛ akɔ xá ɛ nú tɛgbɛ gbe;
gbɔn mɔ̌ ɔ́, azǎn kanɖé (40) jí ɖě sɔ́ ná ja
bó ná vívá nǔgbɛɖowǔnánɔ lɛ́ɛ ɖě gbeɖé ǎ.
Ablaxámu
19 Ablaxámu ɔ́, daágbó nukúnɖéjí akɔta wɔ̌buwɔ́bú ɖé lɛ́ɛ tɔn wɛ é nyí;
mɛ ɖěbǔ ɖe, bɔ è sɔ́ mɛ ɔ́ su sɔ ɛ ǎ.
20É se tónú nú Mawu Ajalɔ̌nlɔn ɖěe jɛ akɔ xá ɛ é;
é ɖó wuntun akɔjijɛ énɛ́ ɔ́ tɔ́n agbaza éɖée tɔn wú, é wɛ nyí adagbigbo;
hwenu e Aklúnɔ jló ná tunwun nǔ e wa nú é nyí é ɔ́, é mɔ ɛ ɖo gbejí.
21Nǔ e wú wɛ é xwlé nǔ bó dó akpá n'i ɖɔ
émí ná xo ɖɛ nú togun lɛ́ɛ bǐ gbɔn hɛ̌nnumɔ tɔn lɛ́ɛ jí é nɛ́;
ɖo akpádídó énɛ́ kanta ɔ́,
yě ná sukpɔ́ kɔ́kwín ɖɔhun ɖo ayǐkúngban ɔ́ jí;
mɛjɔmɛ nyínyí yětɔn ná yi aga sunví e ɖo jǐxwé lɛ́ɛ é ɖɔhun;
to e bɛ́ sín xu kúkú ɔ́ tó káká yi xu ɖěvo tó,
sín Efláti tɔ tó káká yi fí e to ɔ́ vɔ ɖó é,
ɖó ná nyí yětɔn.
Izáki kpódó Jakɔ́bu kpó
22-23 Aklúnɔ dó akpá ɖokpó ɔ́ nú Izáki ɖó tɔ́ tɔn Ablaxámu ɔ́ wú;
énɛ́ gúdo ɔ́, é ɖe alɔ bó sɔ́ Jakɔ́bu, nú é ná mɔ akɔjijɛ tɔn
kpó ɖɛxixo tɔn kpán yí ɖó gbɛtɔ́ lɛ́ɛ bǐ tamɛ;
Aklúnɔ ná ɛ gǎnjɛwú ɖɔ émí ná xo ɖɛ dó jǐ tɔn;
é ná ɛ to e ná nyí étɔn é; é má ɖó donu wěwe,
lobo má nú akɔta wěwe lɛ́ɛ
Mɔyízi
23bAklúnɔ wá kpɔ́n Jakɔ́bu hɛ́nnu mɛ,
bó sɔ́ nya xomɛnyɔ́tɔ́ ɖokpó;
bɔ nǔ tɔn ká nyɔ́ mɛ bǐ nukún mɛ.
Currently Selected:
Silaki ví 44: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Silaki ví 44
44
HAN JI DÓ NÁ SUSU GBƐTƆ́ JIXÓMƐ TƆN LƐ́Ɛ
(44.1—50.29)
1Mi nú mǐ ná mlá mɛxó mǐtɔn lɛ́ɛ dó han mɛ;
gbɛtɔ́ nukúnɖéjí énɛ́ lɛ́ɛ, xwedó lě e yě jɔ wá gbɛmɛ gbɔn é;
2Aklúnɔ ɖe lě do e é d'agba sɔ é xlɛ́,
gbɔn wi e é ɖó yě jí sín do hwenu é mɛ.
3Axɔ́sú ɖé lɛ́ɛ ɖe bó nɔ axɔ́súɖuto yětɔn lɛ́ɛ nu;
gbɛtɔ́ ɖé lɛ́ɛ wɛ, bɔ è tunwun yě ɖó nǔwúkpíkpé yětɔn wú;
nǔkplɔ́nmɛtɔ́ ɖé lɛ́ɛ ɖe bɔ yě kpo sácí gbeɖé ǎ ɖó nǔnywɛ́ yětɔn lɛ́ɛ wú;
nǔmɔtɔ́ nukúnɖéjí ɖé lɛ́ɛ kpo sácí gbeɖé ǎ, ɖó ɖɔɖayǐxó yě ɖɔ lɛ́ɛ é wú.
4Togán ɖé lɛ́ɛ ɖe, bó tunwun lě e yě ná kplɔ́n nǔ togun yětɔn gbɔn é;
axɔ́ví ɖé lɛ́ɛ ɖe, bɔ nǔnywɛ́ kpé yě ganjí;
yě nɔ́ kplɔ́n nǔ togun ɔ́ kpódó Sɛ́núnywɛ́ xógbe ɖé lɛ́ɛ kpó.
5Hankpatɔ́ kpódó mɛmládóhanmɛtɔ́ ɖé lɛ́ɛ kpán tíin.
6Mɛ ɖé lɛ́ɛ ɖe, bɔ dɔkun yětɔn dɔn yě yi hǎga jí,
bɔ yě nɔ́ ɖo vivo mɛ fɛɛ ɖo xwé yětɔn gbe.
7Mɛ e jɔ ɖo hwe yětɔn nu lɛ́ɛ é bǐ wɛ nɔ́ sɔ́ yě su,
lobɔ è kpa yě hwenu e yě ɖo gbɛ é.
8Nyǐkɔ mɛ énɛ́ lɛ́ɛ ɖě tɔn kpo ɖo te káká wá tɔ́n din;
è lɛ̌ kpo ɖo yě mlá wɛ dó han mɛ;
9lo ɔ́, mɛɖé lɛ́ɛ ká tíin bó jó flǐn ɖěbǔ nyi ayǐ ǎ;
mɛɖé sɔ́ nɔ́ ɖɔ xó ɖé dó yě wú ǎ,
ɖi nǔ ɖɔ yě kún tíin gbeɖé kpɔ́n ó ɖɔhun;
é cí ɖɔ è ji yě kpɔ́n ǎ ɖɔhun,
lobɔ nǔ ɖokpó ɔ́ wɛ lɛ́ xá vǐ yětɔn lɛ́ɛ ɖo gǔdo mɛ yětɔn.
10Daágbó mǐtɔn lɛ́ɛ ɖíe, mɛ énɛ́ lɛ́ɛ e wa nǔ ɖó nǔ ganjí é;
nǔ ɖagbe e yě wa lɛ́ɛ é ɔ́, è wɔn ɖěbǔ ǎ.
11Ɖagbe yětɔn lɛ́ɛ yi vǐ yětɔn lɛ́ɛ gɔ́n,
vǐvú yětɔn lɛ́ɛ ɖu gǔ yětɔn lɛ́ɛ.
12Yě wú wɛ é sín bɔ vǐ énɛ́ lɛ́ɛ nɔ gbejí nú akɔ e Mawu jɛ xá yě lɛ́ɛ é.
13Vǐ yětɔn lɛ́ɛ kpódó vǐvú yětɔn lɛ́ɛ kpán ná ɖe tɛgbɛ;
nyǐkɔ yětɔn ná kpo sácí gbeɖé ǎ.
14Agbaza yětɔn ɖó fífá mɛ,
bó ɖo gbigbɔjɛ́ wɛ ɖo yɔdo mɛ;
lo ɔ́, nyǐkɔ yětɔn ká ɖo gbɛ tɛgbɛ.
15Togun lɛ́ɛ ná ɖɔ xó dó Sɛ́núnywɛ́ yětɔn wú;
agun ɔ́ ná ji han dó xomlá yě.
Henɔ́ci
16 Henɔ́ci sín nǔ nyɔ́ Aklúnɔ nukún mɛ,
bɔ Aklúnɔ kplá ɛ yi ɖó akpá;
gbɛ mɛtɔn bǐ sɔ́ ɖó Mawu jí sín xlɛ́ wɛ é ná kúnkan e ná wá jɔ lɛ́ɛ é bǐ.
Nɔwée
17 Aklúnɔ mɔ Nɔwée dó mɔ gbɛtɔ́ hwɛjijɔnɔ nǔvɔɖéwú;
hwenu e é sú nǔ bǐ sín kún dó vɔ é ɔ́,
Nɔwée wɛ nyí mɛ e jí é gbɔn bó lɛ́ vɔ́ gbɛtɔ́ sín kún dó é;
é wɛ nyí tɔn bɔ gbɛtɔ́ lɛ́ wá tíin ɖo azǎn kanɖé (40) jí ɔ́ gúdo.
18Aklúnɔ jɛ akɔ xá ɛ nú tɛgbɛ gbe;
gbɔn mɔ̌ ɔ́, azǎn kanɖé (40) jí ɖě sɔ́ ná ja
bó ná vívá nǔgbɛɖowǔnánɔ lɛ́ɛ ɖě gbeɖé ǎ.
Ablaxámu
19 Ablaxámu ɔ́, daágbó nukúnɖéjí akɔta wɔ̌buwɔ́bú ɖé lɛ́ɛ tɔn wɛ é nyí;
mɛ ɖěbǔ ɖe, bɔ è sɔ́ mɛ ɔ́ su sɔ ɛ ǎ.
20É se tónú nú Mawu Ajalɔ̌nlɔn ɖěe jɛ akɔ xá ɛ é;
é ɖó wuntun akɔjijɛ énɛ́ ɔ́ tɔ́n agbaza éɖée tɔn wú, é wɛ nyí adagbigbo;
hwenu e Aklúnɔ jló ná tunwun nǔ e wa nú é nyí é ɔ́, é mɔ ɛ ɖo gbejí.
21Nǔ e wú wɛ é xwlé nǔ bó dó akpá n'i ɖɔ
émí ná xo ɖɛ nú togun lɛ́ɛ bǐ gbɔn hɛ̌nnumɔ tɔn lɛ́ɛ jí é nɛ́;
ɖo akpádídó énɛ́ kanta ɔ́,
yě ná sukpɔ́ kɔ́kwín ɖɔhun ɖo ayǐkúngban ɔ́ jí;
mɛjɔmɛ nyínyí yětɔn ná yi aga sunví e ɖo jǐxwé lɛ́ɛ é ɖɔhun;
to e bɛ́ sín xu kúkú ɔ́ tó káká yi xu ɖěvo tó,
sín Efláti tɔ tó káká yi fí e to ɔ́ vɔ ɖó é,
ɖó ná nyí yětɔn.
Izáki kpódó Jakɔ́bu kpó
22-23 Aklúnɔ dó akpá ɖokpó ɔ́ nú Izáki ɖó tɔ́ tɔn Ablaxámu ɔ́ wú;
énɛ́ gúdo ɔ́, é ɖe alɔ bó sɔ́ Jakɔ́bu, nú é ná mɔ akɔjijɛ tɔn
kpó ɖɛxixo tɔn kpán yí ɖó gbɛtɔ́ lɛ́ɛ bǐ tamɛ;
Aklúnɔ ná ɛ gǎnjɛwú ɖɔ émí ná xo ɖɛ dó jǐ tɔn;
é ná ɛ to e ná nyí étɔn é; é má ɖó donu wěwe,
lobo má nú akɔta wěwe lɛ́ɛ
Mɔyízi
23bAklúnɔ wá kpɔ́n Jakɔ́bu hɛ́nnu mɛ,
bó sɔ́ nya xomɛnyɔ́tɔ́ ɖokpó;
bɔ nǔ tɔn ká nyɔ́ mɛ bǐ nukún mɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.