Silaki ví 18
18
Aklúnɔ d'agba
1Aklúnɔ e ɖo gbɛ tɛgbɛ ɔ́ wɛ ɖó nǔ bǐ sésé, nǔ ɖěbǔ hwe ɖ'é mɛ ǎ.
2Éyɛ́ ɖokpó géé wɛ è sixú ylɔ́ hwɛjijɔnɔ.
4É ná acɛ mɛ ɖěbǔ ɖɔ mɛ ɔ́ ní jlá nǔwiwa tɔn lɛ́ɛ ǎ.
Nǔgbó ɔ́, mɛ̌ ka sixú mɔ nǔ jɛ nǔ ɖaxó ɖaxó e é nɔ bló lɛ́ɛ wú?
5Mɛ̌ ká sixú jlɛ́ lě e nǔ wǔ kpíkpé tɔn d'agba sɔ é?
Ɖagbewiwa tɔn lɛ́ɛ ɔ́, mɛ̌ ká sixú kpi tan tɔn?
6È sixú ɖe yě kpo ǎ.
È ka sixú sɔ́ nǔ ɖěbǔ dó yě jí ǎ.
È ka sixú lɛ́ mɔ nǔ jɛ nǔjíwǔ e Aklúnɔ nɔ bló lɛ́ɛ wú ǎ.
7Hwenu e mɛ ɖě ɖo fífó wɛ ɔ́,
lo nɛ́ é ɖo bǐbɛ́ wɛ nɛ́.
Nú é nɔ te ɔ́, é sɔ́ nɔ tunwun lě e é ná vlɔ́n kan d'é nu gbɔn é ǎ.
Étɛ́ wɛ gbɛtɔ́ ká nyí?
8Étɛ́ wɛ gbɛtɔ́ ká nyí?
Étɛ́ wa nú é ká nyí?
Étɛ́ wɛ ɖagbe alǒ nyanya e é nɔ wa ɔ́ sín tínmɛ ɖó?
9É nɔ gbɛ nú xwe kanwe ko (100) hǔn é kó dɔ́ ji dín.
10Nú è nǎ sɔ́ yě jlɛ́ dó hwenu mavɔ mavɔ ɔ́ wú ɔ́, xwe énɛ́ lɛ́ɛ ɔ́,
sin téwún ɖé kun dó agbetɔ awoyó mɛ,
nyɛ̌kɛ́n kwín ɖokpó wɛ yě nyí.
11Énɛ́ wú wɛ Aklúnɔ ɔ́ nɔ́ xwesɔ dó gbɛtɔ́ wú;
é nɔ́ gba xomɛnyínyɔ́ tɔn kɔn nyi yě jí.
12É mɔ bó ká tunwun ɖɔ fífó nú yětɔn ná blá wǔ;
énɛ́ wú wɛ é nɔ́ kú nǔbláwǔ nú yě.
13Gbɛtɔ́ nɔ́ kú nǔbláwǔ nú nɔzo tɔn;
lo ɔ́, Aklúnɔ ɔ́ nɔ́ kú nǔbláwǔ nú nǔɖíɖó tɔn lɛ́ɛ bǐ.
É nɔ́ flín sɛ́n yě;
é nɔ́ dɔn tó nú yě;
é nɔ́ kplɔ́n nǔ yě;
é nɔ́ kplá mɛ e ɖo ali bú wɛ lɛ́ɛ wá gɔ̌n tɔn,
ɖi lě e lɛ̌ngbɔ́nyitɔ́ nɔ́ kplá lɛ̌ngbɔ́ tɔn lɛ́ɛ gbɔn é ɖɔhun.
14É nɔ́ kú nǔbláwǔ nú mɛ e nɔ se kplɔ́n,
bó nɔ́ ɖo gǎn dó wɛ ná xwedó Mawusɛ́n lɛ́ɛ.
Nɛ̌ è ka nɔ ná nǔ mɛ gbɔn?
15Vǐ ce, wa ɖagbe, ma ka lɛ́ jɛ nǔmɔɖɔ d'é wú jí ó;
a nǎ nǔ mɛ ɖé hǔn,
ma lɛ́ ɖɔ xó e ná sin xomɛ n'i é d'é jí azɔn ɖokpó ó.
16Ahǔn ja ɔ́, é má nɔ hɛn fífá wá ǎ cé?
Mɔ̌ ɖokpó ɔ́, xó e nɔ́ gosín gbɛtɔ́ nu mɛ é nɔ́ wa nǔ hú nǔnámɛ bǐ.
17Xógbe ɖagbe ɖɔ nú mɛ ma nyɔ́ hú nǔxɔ-akwɛ́ ná mɛ ǎ cé?
Lo ɔ́, mɛ e nyí ɖagbewatɔ́ é nɔ́ ná nǔ we lɛ́ɛ bǐ.
18Gbɛtɔ́ e ayi hwedó é ɔ́,
nǔ jɛ́n é nɔ́ mɔ bó nɔ́ ɖɔ dó nǔ wú nú mɛ kpó gbe vɛ́sin kpán.
Gbɛtɔ́ wǔhwantɔ́ sín nǔnámɛ nɔ́ dó avǐ nú mɛ.
19Cóbónú a nǎ ɖɔ xó hǔn, to ba do nú nǔ hwɛ̌.
Kpé nukún dó hwiɖée wú hwɛ̌ cóbónú azɔn wá.
20Cóbónú è nǎ ɖɔ hwɛ xá we hǔn,
to gbéjé hwiɖée kpɔ́n hwɛ̌;
Hwɛgbigbo hwenu wá su ɔ́, è nǎ sɔ́ hwɛ towe lɛ́ɛ kɛ we.
21Ma to nɔ te bó bɛ̌ azɔn hwɛ̌ cóbó wá mɔ nǔ e a wa nyi do lɛ́ɛ ó.
A jɛ agɔ tlóló hǔn ɖe xlɛ́ ɖɔ é vɛ́ nú émí.
22A dó akpá nǔɖé tɔn hǔn,
ɖe dó hwenu e a ɖɔ dó é,
ma nɔ te káká yi jɛ kú hwenu cóbó wá ɖe ó.
23Cóbónú a nǎ dó akpá ɖé hǔn,
lin tamɛ kpɔ́n ganjí;
ma cí mɛ e nɔ dó Aklúnɔ tɔ kpɔ́n é ɖɔhun ó.
24Lin tamɛ dó hwenu towe gǔdo tɔn lɛ́ɛ wú.
Aklúnɔ hɛn ɔ́, é ná sin xomɛ dó we,
é ná ɖe kɔ sín wǔ we, dó dɔn tó nú we.
25Ényí nǔɖuɖu gěgé ɖo así we hǔn, flín adɔ hwenu.
Ényí a jɛ dɔkun hǔn, flín ɖɔ émí hɛn ɔ́, émí ná wá ji ya, bó lɛ́ nyí gbɛ̌dónɔ.
26Sín zǎnzǎn jɛ gbadanu ɔ́, nǔ bǐ hɛn ɔ́, é ná húzú;
nǔ bǐ wɛ nɔ́ yá wǔ dín gbɔn Aklúnɔ nukɔn.
27Nǔnywɛ́tɔ́ nɔ́ cɔ́ éɖée ɖo nǔ bǐ mɛ.
Ényí hwɛ dɔn ɛ ɔ́, é nɔ́ lɔn bó nɔ́ j'ayǐ ǎ.
28Gbɛtɔ́ nǔnywɛ́tɔ́ bǐ nɔ tunwun Sɛ́núnywɛ́.
É nɔ́ kpa gbe nú mɛ e mɔ yí é.
29Mɛ e nɔ ɖɔ xó kpódó ayi sísɛ́ kpó lɛ́ɛ lɔmɔ̌ ɖó Sɛ́núnywɛ́.
Lǒ e è dǒ ɖó ganjí lɛ́ɛ nɔ ja sín nu yětɔn mɛ jǐ ɖɔhun.
Mɛɖée jí ɖu ɖe
30Ma jó hwiɖée nú jlǒ nyanya lɛ́ɛ ó, ɖu ɖo yě jí.
31Ényí a nɔ gbɔ jlǒ towe nyanya lɛ́ɛ ɔ́,
a nǎ húzú ɖɔkwe nú kɛntɔ́ towe lɛ́ɛ.
32Gbɛɖuɖu ma nɔ víví nú we dín ó,
é má nyí mɔ̌ ǎ ɔ́, a nǎ wá bɛ́ le e ɖ'é mɛ ɔ́.
33Ma nya akwɛ́ dó ɖu agɔ̌ ná bó wá húzú wamamɔnɔ,
hwenu e akpo towe ná jɛ vɔ̌ é ó.
Currently Selected:
Silaki ví 18: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.