Nǔɖexlɛ́mɛ Xónusɔ́ɖóte
Xónusɔ́ɖóte
Nǔ e Jezu Klísu ɖe xlɛ́ Jǎan ɖo nǔmimɔ mɛ, ɖo tɔtɛ́ntin yíkúngban Patimɔ́si jí lɛ́ɛ sín xó wɛ wěma élɔ́ ɖɔ. Akpajlɛ́ ɖé lɛ́ɛ kpó xógbe ɖé lɛ́ɛ kpó wɛ è sɔ́ dó dó wǔsyɛ́n lanmɛ nú klísusɛntɔ́ e dó ya ná wɛ è ɖe, bó ɖo yě táfú wɛ lɛ́ɛ. Wěma ɔ́ ná jiɖiɖe klísusɛntɔ́ lɛ́ɛ, ɖɔ nǔ e nɔ́ jɛ lɛ́ɛ bǐ ɔ́, Mawu sín alɔ mɛ wɛ bǐ ɖe.
Gǔdo gúdo bǐ ɔ́, Mawu ná ɖu ɖo kɛntɔ́ lɛ́ɛ bǐ jí gbɔn Aklúnɔ Jezu Klísu jí, bó ná sú kú yětɔn dó káká jɛ Satáan lɔ jí. Togun Mawu tɔn ɔ́, yě mɛ e nɔ gbejí n'i lɛ́ɛ ɔ́, Mawu ná ná jǐnukúnsin yɔ̌yɔ́ ɔ́ kpó ayǐkúngban yɔ̌yɔ́ ɔ́ kpó yě; yě ná ɖu alɔwlíwlí Lɛ̌ngbɔ́ví ɔ́ tɔn sín nǔɖuɖu, lobo ná nɔ Jeluzalɛ́mu yɔ̌yɔ́ ɔ́ mɛ káká sɔ́yi.
Nǔ tají tají e ɖo wěma ɔ́ mɛ lɛ́ɛ
Gbedómɛ kpódó nǔmimɔ nukɔntɔn ɔ́ kpó (1)
Wěma ɖěɖě è wlǎn sɛ́ dó agun Klísu tɔn tɛ́nwe lɛ́ɛ é (2—3)
Wěma mlámlá e è ɖǒ wuntun tɛ́nwe jí dó sú é (4.1—8.1)
Ahwankpɛn ɖaxó tɛ́nwe lɛ́ɛ (8.2—11.19)
Dlagɔ́ɔn kpó kanlin we lɛ́ɛ kpó (12—13)
Lɛ̌ngbɔ́ví ɔ́ ɖo te ɖo Sinyɔ́ɔ só ɔ́ jí (14.1-5)
Hwɛɖiɖɔ (14.6-20)
Awě gǔdo gúdo tɔn lɛ́ɛ (15)
Sinnugannú tɛ́nwe e mɛ xomɛsin Mawu tɔn ɖe lɛ́ɛ (16)
Babilɔ́nu j'ayǐ (17.1—19.4)
Alɔwlíwlí Lɛ̌ngbɔ́ví ɔ́ tɔn (19.5-10)
È ɖu ɖo kanlin we lɛ́ɛ jí (19.11-21)
È sɔ́ Satáan nyi dó myɔ togotogo ɔ́ mɛ (20)
Jǐnukúnsin yɔ̌yɔ́ ɔ́, ayǐkúngban yɔ̌yɔ́ ɔ́ kpódó Jeluzalɛ́mu yɔ̌yɔ́ kpó (21.1—22.5)
Jezu ná wá (22.6-21)
Currently Selected:
Nǔɖexlɛ́mɛ Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.