Malacíi Xónusɔ́ɖóte
Xónusɔ́ɖóte
Hwenu e togun Mawu tɔn ɔ́ lɛ́ kɔ wá Jeluzalɛ́mu ɔ́ gúdo wɛ Malacíi ɖɔ Mawuxó. Mɛ lɛ́ɛ ko se Ajée kpódó Zakalíi kpó sín xó bó kó vɔ́ Mawu Mavɔmavɔ xwé ɔ́ gbá; Ɛsidlási kpó Nɛɛmíi kpó kó lɛ́ kɔ wá sín kannumɔgbénu hwenɛ́nu ǎ. È ko gbá Mawu Mavɔmavɔ xwé ɔ́, amɔ̌, mɛ lɛ́ɛ ko ɖo Mawu sɛn wɛ lě e é jɛ xá gbɔn ɔ́ ǎ. Yě ɖo vɔ̌ ná sá wɛ ɔ́, kanlin e yě fin lɛ́ɛ, kanlin gǒlílɔ́ lɛ́ɛ abǐ kanlin azunzɔnnɔ wɛ yě nɔ́ wá xwlé Mawu Mavɔmavɔ. Vɔ̌sánú-xwlémawutɔ́ lɛ́ɛ ɔ́, ali ɖagbe ɔ́ wɛ yě ɖó ná xlɛ́ togun Mawu tɔn ɔ́, yě ká kplá yě yi bú. Súnnu lɛ́ɛ nɔ́ gbɛ́ asi yětɔn lɛ́ɛ bó nɔ́ da toɖévomɛnu. Malacíi ɖɔ nú mɛ lɛ́ɛ ɖɔ yě ní lɛ́ kɔ sín hwɛ yětɔn lɛ́ɛ gúdo, yě ní vɔ́ akɔ jɛ xá Mawu, yě ní ná ɛ nǔ e yě ɖó ná ná ɛ lɛ́ɛ. Mawu Mavɔmavɔ ná sɛ́ wɛnsagun tɔn dó bɔ é ná ɖɔ hwɛ xá togun tɔn bó ná slá wǔ n'i. Malacíi sín tínmɛ wɛ nyí “wɛnsagun ce”.
Mawu Mavɔmavɔ ɖɔ: “Un sɛ́ wɛnsagun ce dó, bɔ é ná bló ali ce ɖó. Mawu Mavɔmavɔ e ba wɛ mi ɖe ɔ́ ná wá sinsɛnxɔ tɔn mɛ ɖo ajijimɛ. Wɛnsagun e nɔ te kpɔ́n wɛ mi ɖe ɔ́ ná jlá akɔ ce e un ná jɛ xá mi ɔ́ sín xó. Éɖíe, é jǎwe.” (3.1)
Nǔ tají tají e ɖo wěma ɔ́ mɛ lɛ́ɛ
Togun ɔ́ gosín Mawu li jí (1.1—2.16)
Mawu ná ɖɔ hwɛ xá togun tɔn; é ná xo ɖɛ dó jǐ tɔn (2.17—3.21)
Currently Selected:
Malacíi Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.