Judíti 14
14
Akiyɔ́ɔ ɔ́ húzú togun Izlayɛ́li tɔn ví
1Énɛ́ gúdo ɔ́, Judíti ɖɔ nú yě ɖɔ: “Nɔví ce lɛ́ɛ mi, mi ɖótó xó ce. Mi sɔ́ ta élɔ́ ɖó dǒ mitɔn lɛ́ɛ ta aga. 2Sɔ zǎnzǎn tɛɛn ɔ́, hwenu e hwe ná tɔ́n ɔ́, mɛ ɖokpó ɖokpó ná sɔ́ ahwanfunnú tɔn. Mi sɔ́ gǎn ɖokpó ɖo miɖée tɛ́ntin. Mi bló ɖi mi ná jɛ te yi ayǐkúngban wɛnjɛ jí fí e Asilíi sín ahwanfuntɔ́ sín gɔnu e sɛkpɔ́ fí e é ɖe ɖɔhun; amɔ̌, mi ma jɛ te ó. 3Sɔ́ja yětɔn lɛ́ɛ ná sɔ́ ahwanfunnú yětɔn lɛ́ɛ. Yě ná dó wezun yi ahwankpá yětɔn mɛ, bó ná fɔ́n ahwangán yětɔn lɛ́ɛ. Yě lɔ ná dó wezun yi Holofɛ́ni gɔ́n; yě ká ná mɔ ɛ ɖo gbɛ ǎ; énɛ́ ɔ́, xɛsi ná ɖi yě bɔ yě ná hɔn ɖo nukɔn mitɔn. 4Mi kpó Izlayɛ́li ví lɛ́ɛ bǐ kpó mi ná nya yě bó hu yě ɖo alixo. 5Amɔ̌, có nǔ ná nyí mɔ̌ ɔ́, mi ylɔ́ Akiyɔ́ɔ Amumɔ́ɔnu ɔ́. É ɖó ná ba mɛ e ma sɔ́ Izlayɛ́li ylɔ́ nǔɖé ǎ lɛ́ɛ, bó sɛ́ dó mǐ bɔ yě ná kú.”
6È yi kplá Akiyɔ́ɔ e ɖo Oziyási sín xwé gbe ɔ́ wá. Ɖě e é wá, bó mɔ Holofɛ́ni sín ta ɖo alɔ mɛ ɖo kplé ɔ́ tɛnmɛ ɔ́, é xɛ́ nǔ jɛ ayǐ.
7È fɔ́n ɛ sí te, bɔ é dó wezun yi j'ayǐ ɖo Judíti nukɔn. É fɛ yi do ɖo nukɔn tɔn, bó ɖɔ n'i ɖɔ: “Mawu ní kɔn acɛ tɔn kɔn nyi jǐ towe ɖo Judáa sín xwédo lɛ́ɛ bǐ mɛ. Togun e ná se nyǐkɔ towe lɛ́ɛ bǐ ná nɔ́ sísɔ́ kpó xɛsi kpó. 8Din ɔ́, ɖɔ nǔ e a wa ɖo azǎn élɔ́ lɛ́ɛ mɛ é nú mì.”
Ɖo togun ɔ́ bǐ nukɔn ɔ́, Judíti ɖɔ nǔ e é bló sín hwenu e é gosín toxo ɔ́ mɛ káká yi jɛ hwenu e é ɖo xó ɖɔ nú yě wɛ din ɔ́ jí. 9Ée é ɖɔ xó fó ɔ́, togun ɔ́ sú ɖuɖéjí sín xó bó ɖe awǎjijɛ tɔn xlɛ́ kpó zǐngídi kpó bɔ è se ɖo toxo ɔ́ bǐ mɛ. 10Akiyɔ́ɔ mɔ nǔ e Aklúnɔ wa nú Izlayɛ́li ɔ́ bǐ sésé. Énɛ́ ɔ́, é ɖi nǔ bɔ è gbo ada n'i. Bɔ é byɔ́ Izlayɛ́li togun ɔ́ mɛ.
11Ayǐhɔ́ngbe tɔn ɔ́, hwenu e hwe tɔ́n ɔ́, yě zé Holofɛ́ni sín ta dó kan ɖó toxo ɔ́ sín dǒ wú. Súnnu lɛ́ɛ fɔ ahwanfunnú yětɔn lɛ́ɛ, bɔ yě bǐ jɛ te ɖidó só ɔ́ kɔn. 12Ée Asilíinu lɛ́ɛ mɔ yě ɔ́, yě sɛ́ sɔ́ja lɛ́ɛ dó ɖɔ yě ní ɖɔ nú ahwangán lɛ́ɛ. Yě lɔ yi mɔ ahwangán ɖaxó lɛ́ɛ kpó mɛ e nɔ kpa acɛ ɖo ahwan mɛ lɛ́ɛ kpó. 13Yě sɛ yá Holofɛ́ni sín goxɔ ɔ́, bó ɖɔ nú Bagowasi e kpa acɛ dó ahwangán ɖaxó yětɔn bǐ ɔ́ sín nǔ lɛ́ɛ jí é ɖɔ: “Fɔ́n ahwangán mǐtɔn! Kannumɔ énɛ́ lɛ́ɛ jɛ te bó ná fun ahwan xá mǐ. Yě bǐ wɛ ná kú káká jɛ gǔdo gúdo tɔn ɔ́ jí.”
14Bagowasi byɔ́ goxɔ ɔ́ mɛ, bó xúxú hɔn. É vɛ́ dó ɖɔ Holofɛ́ni ɖo ayǐmlɔ́mlɔ́ xá Judíti wɛ sín. 15Ée mɛɖé má ɖo gbe yí wɛ ǎ ɔ́, é hun hɔn ɔ́, bó byɔ́ xɔnɔnɔ ɔ́ mɛ. É mɔ Holofɛ́ni sín cyɔ ta ma ɖo kɔ nu ɔ́, bɔ yě kpíkpé nyi azinkpo ɖokpó jí. 16É bɛ́ avǐ, bó dó axwá, bó vún awu dó kɔ nú éɖée. 17Énɛ́ ɔ́ gúdo ɔ́, é byɔ́ Judíti sín goxɔ mɛ, bɔ mɛɖé ka ɖo fínɛ́ ǎ. Ée é mɔ mɔ̌ ɔ́, é bɛ́ wezun yi ahwangán lɛ́ɛ nukɔn, bó sú xó bó ɖɔ: 18“Kannumɔ lɛ́ɛ fɔ́n gǔ, nyɔ̌nutósi ɖokpó ɖo Eblée lɛ́ɛ mɛ bó dó winnyá Nabukodonɔzɔ́ɔ kpó xwédo tɔn bǐ kpó. Holofɛ́ni ɖo kɔ́ mɛ fínɛ́, bɔ è gbo ta ɛ.” 19Ée ahwangán Asilíi tɔn lɛ́ɛ se xó e Bagowasi ɖɔ ɔ́, ayi yětɔn bǐ gbadó, bɔ yě vún awu dó kɔ nú yěɖée. Yě sú xó, bó dó axwá, bɔ è se axwá yětɔn ɖo ahwankpá ɔ́ bǐ mɛ.
Currently Selected:
Judíti 14: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Judíti 14
14
Akiyɔ́ɔ ɔ́ húzú togun Izlayɛ́li tɔn ví
1Énɛ́ gúdo ɔ́, Judíti ɖɔ nú yě ɖɔ: “Nɔví ce lɛ́ɛ mi, mi ɖótó xó ce. Mi sɔ́ ta élɔ́ ɖó dǒ mitɔn lɛ́ɛ ta aga. 2Sɔ zǎnzǎn tɛɛn ɔ́, hwenu e hwe ná tɔ́n ɔ́, mɛ ɖokpó ɖokpó ná sɔ́ ahwanfunnú tɔn. Mi sɔ́ gǎn ɖokpó ɖo miɖée tɛ́ntin. Mi bló ɖi mi ná jɛ te yi ayǐkúngban wɛnjɛ jí fí e Asilíi sín ahwanfuntɔ́ sín gɔnu e sɛkpɔ́ fí e é ɖe ɖɔhun; amɔ̌, mi ma jɛ te ó. 3Sɔ́ja yětɔn lɛ́ɛ ná sɔ́ ahwanfunnú yětɔn lɛ́ɛ. Yě ná dó wezun yi ahwankpá yětɔn mɛ, bó ná fɔ́n ahwangán yětɔn lɛ́ɛ. Yě lɔ ná dó wezun yi Holofɛ́ni gɔ́n; yě ká ná mɔ ɛ ɖo gbɛ ǎ; énɛ́ ɔ́, xɛsi ná ɖi yě bɔ yě ná hɔn ɖo nukɔn mitɔn. 4Mi kpó Izlayɛ́li ví lɛ́ɛ bǐ kpó mi ná nya yě bó hu yě ɖo alixo. 5Amɔ̌, có nǔ ná nyí mɔ̌ ɔ́, mi ylɔ́ Akiyɔ́ɔ Amumɔ́ɔnu ɔ́. É ɖó ná ba mɛ e ma sɔ́ Izlayɛ́li ylɔ́ nǔɖé ǎ lɛ́ɛ, bó sɛ́ dó mǐ bɔ yě ná kú.”
6È yi kplá Akiyɔ́ɔ e ɖo Oziyási sín xwé gbe ɔ́ wá. Ɖě e é wá, bó mɔ Holofɛ́ni sín ta ɖo alɔ mɛ ɖo kplé ɔ́ tɛnmɛ ɔ́, é xɛ́ nǔ jɛ ayǐ.
7È fɔ́n ɛ sí te, bɔ é dó wezun yi j'ayǐ ɖo Judíti nukɔn. É fɛ yi do ɖo nukɔn tɔn, bó ɖɔ n'i ɖɔ: “Mawu ní kɔn acɛ tɔn kɔn nyi jǐ towe ɖo Judáa sín xwédo lɛ́ɛ bǐ mɛ. Togun e ná se nyǐkɔ towe lɛ́ɛ bǐ ná nɔ́ sísɔ́ kpó xɛsi kpó. 8Din ɔ́, ɖɔ nǔ e a wa ɖo azǎn élɔ́ lɛ́ɛ mɛ é nú mì.”
Ɖo togun ɔ́ bǐ nukɔn ɔ́, Judíti ɖɔ nǔ e é bló sín hwenu e é gosín toxo ɔ́ mɛ káká yi jɛ hwenu e é ɖo xó ɖɔ nú yě wɛ din ɔ́ jí. 9Ée é ɖɔ xó fó ɔ́, togun ɔ́ sú ɖuɖéjí sín xó bó ɖe awǎjijɛ tɔn xlɛ́ kpó zǐngídi kpó bɔ è se ɖo toxo ɔ́ bǐ mɛ. 10Akiyɔ́ɔ mɔ nǔ e Aklúnɔ wa nú Izlayɛ́li ɔ́ bǐ sésé. Énɛ́ ɔ́, é ɖi nǔ bɔ è gbo ada n'i. Bɔ é byɔ́ Izlayɛ́li togun ɔ́ mɛ.
11Ayǐhɔ́ngbe tɔn ɔ́, hwenu e hwe tɔ́n ɔ́, yě zé Holofɛ́ni sín ta dó kan ɖó toxo ɔ́ sín dǒ wú. Súnnu lɛ́ɛ fɔ ahwanfunnú yětɔn lɛ́ɛ, bɔ yě bǐ jɛ te ɖidó só ɔ́ kɔn. 12Ée Asilíinu lɛ́ɛ mɔ yě ɔ́, yě sɛ́ sɔ́ja lɛ́ɛ dó ɖɔ yě ní ɖɔ nú ahwangán lɛ́ɛ. Yě lɔ yi mɔ ahwangán ɖaxó lɛ́ɛ kpó mɛ e nɔ kpa acɛ ɖo ahwan mɛ lɛ́ɛ kpó. 13Yě sɛ yá Holofɛ́ni sín goxɔ ɔ́, bó ɖɔ nú Bagowasi e kpa acɛ dó ahwangán ɖaxó yětɔn bǐ ɔ́ sín nǔ lɛ́ɛ jí é ɖɔ: “Fɔ́n ahwangán mǐtɔn! Kannumɔ énɛ́ lɛ́ɛ jɛ te bó ná fun ahwan xá mǐ. Yě bǐ wɛ ná kú káká jɛ gǔdo gúdo tɔn ɔ́ jí.”
14Bagowasi byɔ́ goxɔ ɔ́ mɛ, bó xúxú hɔn. É vɛ́ dó ɖɔ Holofɛ́ni ɖo ayǐmlɔ́mlɔ́ xá Judíti wɛ sín. 15Ée mɛɖé má ɖo gbe yí wɛ ǎ ɔ́, é hun hɔn ɔ́, bó byɔ́ xɔnɔnɔ ɔ́ mɛ. É mɔ Holofɛ́ni sín cyɔ ta ma ɖo kɔ nu ɔ́, bɔ yě kpíkpé nyi azinkpo ɖokpó jí. 16É bɛ́ avǐ, bó dó axwá, bó vún awu dó kɔ nú éɖée. 17Énɛ́ ɔ́ gúdo ɔ́, é byɔ́ Judíti sín goxɔ mɛ, bɔ mɛɖé ka ɖo fínɛ́ ǎ. Ée é mɔ mɔ̌ ɔ́, é bɛ́ wezun yi ahwangán lɛ́ɛ nukɔn, bó sú xó bó ɖɔ: 18“Kannumɔ lɛ́ɛ fɔ́n gǔ, nyɔ̌nutósi ɖokpó ɖo Eblée lɛ́ɛ mɛ bó dó winnyá Nabukodonɔzɔ́ɔ kpó xwédo tɔn bǐ kpó. Holofɛ́ni ɖo kɔ́ mɛ fínɛ́, bɔ è gbo ta ɛ.” 19Ée ahwangán Asilíi tɔn lɛ́ɛ se xó e Bagowasi ɖɔ ɔ́, ayi yětɔn bǐ gbadó, bɔ yě vún awu dó kɔ nú yěɖée. Yě sú xó, bó dó axwá, bɔ è se axwá yětɔn ɖo ahwankpá ɔ́ bǐ mɛ.
La Bible en langue fon © Alliance Biblique du Bénin, 2012.