Judíti 13
13
Judíti gbo ta Holofɛ́ni
1Zǎn wá kú bǐ, bɔ Holofɛ́ni sín mɛsɛntɔ́ lɛ́ɛ jɛ yiyi jí. Bagowasi ɖe mɛ e kpo ɖo fínɛ́ lɛ́ɛ tɔ́n, é ɖésú tɔ́n bó nɔ kɔ́xo bó sú Holofɛ́ni sín hɔn. Yě mɛ bǐ mlɔ́ ayǐ, ɖó yě nu ahan dín bɔ nǔ cikɔ nú yě. 2É wá kpo Judíti ɖokpónɔ kpó Holofɛ́ni kpó ɖo goxɔ ɔ́ mɛ. Holofɛ́ni mlɔ́ ayǐ wɛn ɖo zan tɔn jí. Ahan mú i bǐ. 3Judíti ɖɔ nú mɛsɛntɔ́ tɔn ɖɔ: “Yi kɔ́xo. Nɔ te nú má tɔ́n sín ahwankpá ɔ́ mɛ, lě e un nɔ bló gbɔn zǎn mɛ tɛgbɛ ɔ́, ɖó un jló ná yi xo ɖɛ. É lɛ́ ɖɔ xó ɖokpó ɔ́ nú Bagowasi.”
4Mɛsɛntɔ́ lɛ́ɛ bǐ tɔ́n, yɔkpɔ́vú kpó mɛxó kpó. Yě bǐ gosín xɔnɔnɔ ɔ́ mɛ. Judíti sí te ɖo Holofɛ́ni sín zan ɔ́ kpá. É xo ɖɛ élɔ́ ɖo ayi tɔn mɛ ɖɔ: “Aklúnɔ Mawu Nǔbǐwúkpétɔ́, sɔ́ nukún ɖagbe dó kpɔ́n nǔ élɔ́ e un jló ná bló dó Jeluzalɛ́mu sín ta mɛ é. 5Hwenu e a nǎ hwlɛ́n togun towe ɔ́ ɖíe su e! Blǒ bónú linlin élɔ́ e un sɔ́ ɖó te bó ná dó zin kɛntɔ́ e sí te dó mǐ jí lɛ́ɛ ɔ́ un ni kpé wú.” 6Ée é ɖɔ mɔ̌ ɔ́, é sɛ yá zan ɔ́, ɖo Holofɛ́ni sín ta kɔn, bó sɔ́ hwǐ tɔn, bó ɖɔ: “Din ɔ́, Aklúnɔ, Mawu Izlayɛ́li tɔn, nǎ mì hlɔ̌nhlɔ́n.” 7É lɛ́ sɛkpɔ́ zan ɔ́ ganjí, bó hɛn Holofɛ́ni sín ɖa, bo xo ɖɛ ɖɔ: “Aklúnɔ, Mawu Izlayɛ́li tɔn, nǎ hlɔ̌nhlɔ́n mì.” 8É sɔ́ hwǐ ɔ́ bó xú kɔ tɔn azɔn we, bó gbo ta ɛ. 9É blí cyɔ ɔ́ nyi kɔ́ mɛ, bó ɖe amǔdɔ́ ɔ́ síin. Énɛ́ gúdo ɔ́, é tɔ́n, bó sɔ́ Holofɛ́ni sín ta nú mɛsɛntɔ́ tɔn. 10Mɛsɛntɔ́ sɔ́ ta ɔ́ sɛ xwe dó xasun e mɛ é nɔ́ bló nǔɖuɖu ɖó ɔ́, bɔ yě mɛ we lɛ́ɛ yi ɖɛ xo gbé, lě e yě nɔ́ bló gbɔn é. Yě zlɛ́ ahwankpá ɔ́ yi sókan Betúli tɔn mɛ. Yě xá só ɔ́ yi toxo ɔ́ sín hɔn nu.
Judíti lɛ́ kɔ yi Betúli
11Sín zɔga ɔ́, Judíti dó axwá sɛ́ dó sɔ́ja lɛ́ɛ ɖɔ: “Mi hun hɔn, mi yá wǔ hun hɔn ɔ́, Mawu mǐtɔn ɖo kpɔ́ xá mi. É lɛ́ ɖe nǔwúkpíkpé tɔn xlɛ́ Izlayɛ́li, bó ɖe hlɔ̌nhlɔ́n tɔn xlɛ́ kɛntɔ́ mitɔn lɛ́ɛ.” 12Ée Betúli sín mɛ lɛ́ɛ se Judíti sín gbe ɔ́, yě yá wǔ wá tohɔn ɔ́ nu, bó kplé tomɛxó lɛ́ɛ. 13Mɛ bǐ, bɛ́ sín yɔkpɔ́vú jí káká yi mɛxó jí wá hɔn ɔ́ nu, ɖó yě lin ɖěbǔ ɖɔ Judíti ná lɛ́ kɔ wá ǎ. Yě hun hɔn ɔ́, bó yí nyɔ̌nu we lɛ́ɛ. Yě flɔ́ myɔ ɖokpó, bó dó mɔ yě ná ganjí, bó lɛ́ dó yě. 14Judíti sú xó bó ɖɔ nú yě ɖɔ: “Mi ji han dó kpa Mawu! Mi ji han n'i! É ɖe xomɛ e é nyɔ́ dó Izlayɛ́li wú e síin ǎ, lo ɔ́, zǎn élɔ́ mɛ ɔ́, é zán mì dó gba kɛntɔ́ mǐtɔn lɛ́ɛ sín ahwan ná.” 15Énɛ́ gúdo ɔ́, é ɖe ta ɔ́ tɔ́n sín xasun ɔ́ mɛ, bó xlɛ́ mɛ lɛ́ɛ bó ɖɔ: “Holofɛ́ni ahwangán ɖaxó Asilíinu lɛ́ɛ tɔn sín ta ɖíe! Amǔdɔ́ ɖaxó e mɛ é nu ahan mú bó mlɔ́ ɔ́ ɖíe! Nyɔ̌nutósi sín alɔ wɛ Aklúnɔ sɔ́ dó hu i. 16Aluwásíwo nú Aklúnɔ. É cyɔ́n alɔ jǐ ce ɖo nǔ e jɛ lɛ́ɛ bǐ mɛ. Ɖɛkpɛ ce wɛ flú dǎwe élɔ́. É ɖó alɔ wǔ ce ǎ, énɛ́ ɔ́, un ɖu winnyá ǎ, bó nɔ alɔ jí.”
17Agbɔ̌ kpé togun ɔ́ bǐ sésé. Mɛ lɛ́ɛ ɖe kɔ́ nú Mawu, bó nɔ́ kpɔ́ bó ɖɔ: “Aklúnɔ Mawu mǐtɔn, mǐ kpa we. Hwi mɛ e vívá kɛntɔ́ togun towe tɔn sín kún éhɔ́nmɛ é.”
18 Oziyási ɖɔ nú Judíti ɖɔ: “Vǐ ce, Mawu Ajalɔ̌nlɔn xo ɖɛ dó jǐ towe hú nyɔ̌nu e ɖo gbɛ ɔ́ mɛ é bǐ. Susu nú Mawu Gbɛɖótɔ́ jǐxwé kpó ayǐkúngban kpán tɔn. É wɛ kplá we, bɔ a yi gbo ta kɛntɔ́ mǐtɔn lɛ́ɛ sín gǎn. 19Mɛ ɖěbǔ ná gɔn nukún ɖó Mawu sín afɔ e a ɖe ɔ́ ǎ. Yě ná nɔ́ flín nǔ ɖaxó énɛ́ e Mawu jlɛ́ é tɛgbɛ. 20Mawu ɖésú ní sɔ́ we su tɛgbɛ, bó kɔn nyɔ̌ná tɔn lɛ́ɛ dó jǐ towe, ɖó a zě gbɛ towe jó, ɖó togun towe e è dǒ winnyá ɔ́ tamɛ. Ali jlɔ́jlɔ́ e a zɔn ɖo Mawu nukɔn ɔ́ wɛ zɔ́n bɔ mǐ mɔ hwlɛngán.” Togun ɔ́ bǐ yí gbe ɖɔ: “Ɛɛn, axoaɖi.”
Currently Selected:
Judíti 13: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Judíti 13
13
Judíti gbo ta Holofɛ́ni
1Zǎn wá kú bǐ, bɔ Holofɛ́ni sín mɛsɛntɔ́ lɛ́ɛ jɛ yiyi jí. Bagowasi ɖe mɛ e kpo ɖo fínɛ́ lɛ́ɛ tɔ́n, é ɖésú tɔ́n bó nɔ kɔ́xo bó sú Holofɛ́ni sín hɔn. Yě mɛ bǐ mlɔ́ ayǐ, ɖó yě nu ahan dín bɔ nǔ cikɔ nú yě. 2É wá kpo Judíti ɖokpónɔ kpó Holofɛ́ni kpó ɖo goxɔ ɔ́ mɛ. Holofɛ́ni mlɔ́ ayǐ wɛn ɖo zan tɔn jí. Ahan mú i bǐ. 3Judíti ɖɔ nú mɛsɛntɔ́ tɔn ɖɔ: “Yi kɔ́xo. Nɔ te nú má tɔ́n sín ahwankpá ɔ́ mɛ, lě e un nɔ bló gbɔn zǎn mɛ tɛgbɛ ɔ́, ɖó un jló ná yi xo ɖɛ. É lɛ́ ɖɔ xó ɖokpó ɔ́ nú Bagowasi.”
4Mɛsɛntɔ́ lɛ́ɛ bǐ tɔ́n, yɔkpɔ́vú kpó mɛxó kpó. Yě bǐ gosín xɔnɔnɔ ɔ́ mɛ. Judíti sí te ɖo Holofɛ́ni sín zan ɔ́ kpá. É xo ɖɛ élɔ́ ɖo ayi tɔn mɛ ɖɔ: “Aklúnɔ Mawu Nǔbǐwúkpétɔ́, sɔ́ nukún ɖagbe dó kpɔ́n nǔ élɔ́ e un jló ná bló dó Jeluzalɛ́mu sín ta mɛ é. 5Hwenu e a nǎ hwlɛ́n togun towe ɔ́ ɖíe su e! Blǒ bónú linlin élɔ́ e un sɔ́ ɖó te bó ná dó zin kɛntɔ́ e sí te dó mǐ jí lɛ́ɛ ɔ́ un ni kpé wú.” 6Ée é ɖɔ mɔ̌ ɔ́, é sɛ yá zan ɔ́, ɖo Holofɛ́ni sín ta kɔn, bó sɔ́ hwǐ tɔn, bó ɖɔ: “Din ɔ́, Aklúnɔ, Mawu Izlayɛ́li tɔn, nǎ mì hlɔ̌nhlɔ́n.” 7É lɛ́ sɛkpɔ́ zan ɔ́ ganjí, bó hɛn Holofɛ́ni sín ɖa, bo xo ɖɛ ɖɔ: “Aklúnɔ, Mawu Izlayɛ́li tɔn, nǎ hlɔ̌nhlɔ́n mì.” 8É sɔ́ hwǐ ɔ́ bó xú kɔ tɔn azɔn we, bó gbo ta ɛ. 9É blí cyɔ ɔ́ nyi kɔ́ mɛ, bó ɖe amǔdɔ́ ɔ́ síin. Énɛ́ gúdo ɔ́, é tɔ́n, bó sɔ́ Holofɛ́ni sín ta nú mɛsɛntɔ́ tɔn. 10Mɛsɛntɔ́ sɔ́ ta ɔ́ sɛ xwe dó xasun e mɛ é nɔ́ bló nǔɖuɖu ɖó ɔ́, bɔ yě mɛ we lɛ́ɛ yi ɖɛ xo gbé, lě e yě nɔ́ bló gbɔn é. Yě zlɛ́ ahwankpá ɔ́ yi sókan Betúli tɔn mɛ. Yě xá só ɔ́ yi toxo ɔ́ sín hɔn nu.
Judíti lɛ́ kɔ yi Betúli
11Sín zɔga ɔ́, Judíti dó axwá sɛ́ dó sɔ́ja lɛ́ɛ ɖɔ: “Mi hun hɔn, mi yá wǔ hun hɔn ɔ́, Mawu mǐtɔn ɖo kpɔ́ xá mi. É lɛ́ ɖe nǔwúkpíkpé tɔn xlɛ́ Izlayɛ́li, bó ɖe hlɔ̌nhlɔ́n tɔn xlɛ́ kɛntɔ́ mitɔn lɛ́ɛ.” 12Ée Betúli sín mɛ lɛ́ɛ se Judíti sín gbe ɔ́, yě yá wǔ wá tohɔn ɔ́ nu, bó kplé tomɛxó lɛ́ɛ. 13Mɛ bǐ, bɛ́ sín yɔkpɔ́vú jí káká yi mɛxó jí wá hɔn ɔ́ nu, ɖó yě lin ɖěbǔ ɖɔ Judíti ná lɛ́ kɔ wá ǎ. Yě hun hɔn ɔ́, bó yí nyɔ̌nu we lɛ́ɛ. Yě flɔ́ myɔ ɖokpó, bó dó mɔ yě ná ganjí, bó lɛ́ dó yě. 14Judíti sú xó bó ɖɔ nú yě ɖɔ: “Mi ji han dó kpa Mawu! Mi ji han n'i! É ɖe xomɛ e é nyɔ́ dó Izlayɛ́li wú e síin ǎ, lo ɔ́, zǎn élɔ́ mɛ ɔ́, é zán mì dó gba kɛntɔ́ mǐtɔn lɛ́ɛ sín ahwan ná.” 15Énɛ́ gúdo ɔ́, é ɖe ta ɔ́ tɔ́n sín xasun ɔ́ mɛ, bó xlɛ́ mɛ lɛ́ɛ bó ɖɔ: “Holofɛ́ni ahwangán ɖaxó Asilíinu lɛ́ɛ tɔn sín ta ɖíe! Amǔdɔ́ ɖaxó e mɛ é nu ahan mú bó mlɔ́ ɔ́ ɖíe! Nyɔ̌nutósi sín alɔ wɛ Aklúnɔ sɔ́ dó hu i. 16Aluwásíwo nú Aklúnɔ. É cyɔ́n alɔ jǐ ce ɖo nǔ e jɛ lɛ́ɛ bǐ mɛ. Ɖɛkpɛ ce wɛ flú dǎwe élɔ́. É ɖó alɔ wǔ ce ǎ, énɛ́ ɔ́, un ɖu winnyá ǎ, bó nɔ alɔ jí.”
17Agbɔ̌ kpé togun ɔ́ bǐ sésé. Mɛ lɛ́ɛ ɖe kɔ́ nú Mawu, bó nɔ́ kpɔ́ bó ɖɔ: “Aklúnɔ Mawu mǐtɔn, mǐ kpa we. Hwi mɛ e vívá kɛntɔ́ togun towe tɔn sín kún éhɔ́nmɛ é.”
18 Oziyási ɖɔ nú Judíti ɖɔ: “Vǐ ce, Mawu Ajalɔ̌nlɔn xo ɖɛ dó jǐ towe hú nyɔ̌nu e ɖo gbɛ ɔ́ mɛ é bǐ. Susu nú Mawu Gbɛɖótɔ́ jǐxwé kpó ayǐkúngban kpán tɔn. É wɛ kplá we, bɔ a yi gbo ta kɛntɔ́ mǐtɔn lɛ́ɛ sín gǎn. 19Mɛ ɖěbǔ ná gɔn nukún ɖó Mawu sín afɔ e a ɖe ɔ́ ǎ. Yě ná nɔ́ flín nǔ ɖaxó énɛ́ e Mawu jlɛ́ é tɛgbɛ. 20Mawu ɖésú ní sɔ́ we su tɛgbɛ, bó kɔn nyɔ̌ná tɔn lɛ́ɛ dó jǐ towe, ɖó a zě gbɛ towe jó, ɖó togun towe e è dǒ winnyá ɔ́ tamɛ. Ali jlɔ́jlɔ́ e a zɔn ɖo Mawu nukɔn ɔ́ wɛ zɔ́n bɔ mǐ mɔ hwlɛngán.” Togun ɔ́ bǐ yí gbe ɖɔ: “Ɛɛn, axoaɖi.”
La Bible en langue fon © Alliance Biblique du Bénin, 2012.