Jaki Xónusɔ́ɖóte
Xónusɔ́ɖóte
Wěma élɔ́ ɔ́, akɔta wěwe e gba kpé gbɛ ɔ́ bǐ mɛ lɛ́ɛ wɛ Jaki wlán sɛ́ dó (1.1); è nǎ ɖɔ ɔ́, agun Mawu tɔn ɔ́ bǐ wɛ, togun Mawu tɔn ɔ́ bǐ wɛ é sɛ́ dó. Mɛ e wlán wěma ɔ́ ná nǔnywɛ́ e yě ná nɔ́ zán ɔ́ yě; é kplɔ́n nǔ yě bónú yě ná nɔ́ ɖó kan dó gbɛ ɖagbe zínzán wú ɖo gbɛ élɔ́ e hwɛhuhu kpó mɛtáfútáfú kpó gɔ́ é mɛ. Wěma ɔ́ ɖɔ xó dó nǔ tɛnmɛ tɛnmɛ e nɔ jɛ dó mǐ jí ɖo gbɛ ɔ́ mɛ lɛ́ɛ wú: é ɖɔ xó dó walɔ ɖagbe e mǐ ɖó ná zán ɖo tɛ́nkpɔ́n hwenu é wú; é ɖɔ xó dó dɔkun wú, bó ɖɔ xó dó ya wú; é ɖɔ xó dó lě e mǐ ná hɛn nu mǐtɔn gbɔn é wú, é ɖɔ xó kɔnɖókpɔ́ e ɖó ná nɔ walɔ kpó nǔɖiɖi kpó tɛ́ntin é wú.
Nǔ tají tají e ɖo wěma ɔ́ mɛ lɛ́ɛ
Jaki dó gbe sɛ́ dó nǔɖitɔ́ lɛ́ɛ (1.1)
Nǔɖiɖi kpódó nǔnywɛ́ kpó (1.2-8)
Ya kpó dɔkun kpó (1.9-11)
Mɛdókpɔ́n kpó mɛtɛ́nkpɔ́n kpó (1.12-18)
Ɖǒ tó Mawuxó ɔ́ bó bló d'é jí (1.19-27)
È ma ɖe mɛɖé ɖó vo ɖo mɛɖé mɛ ó (2.1-13)
Nǔɖiɖi kpó walɔ kpó (2.14-26)
Nɔ hɛn nu towe (3)
Klísusɛntɔ́ kpó nǔ e ɖo gbɛ ɔ́ mɛ lɛ́ɛ kpó (4.1—5.6)
Nǔkplɔ́nmɛ tɛnmɛ tɛnmɛ lɛ́ɛ (5.7-20)
Currently Selected:
Jaki Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.