Eblée Xónusɔ́ɖóte
Xónusɔ́ɖóte
Wěma élɔ́ ɔ́, klísusɛntɔ́ ɖé lɛ́ɛ sín gbɛ̌ta ɖokpó wɛ è wlǎn sɛ́ dó; klísusɛntɔ́ énɛ́ lɛ́ɛ ɔ́, Jwifu wɛ yě nyí. Mɛ e wlán wěma ɔ́ jló ná kplɔ́n nǔ klísusɛntɔ́ énɛ́ lɛ́ɛ ɖɔ awakanmɛ ní má kú yě ó, yě ní má jó nǔ e yě ɖi nú Klísu é dó ó. Wěma élɔ́ ɔ́ ɖe xlɛ́ ɖɔ Jezu Klísu hú gǎn wɛnsagun Mawu tɔn lɛ́ɛ, ɖɔ Mawu ví wɛ é nyí, bó nyí susu Mawu tɔn sín wěziza sín xlɛ́. Mawu sɔ́ ɛ vɔ̌sánú-xwlémawutɔ́ ɖaxó káká sɔ́yi. Jezu vɔ̌sánú-xwlémawutɔ́ ɖaxó ɔ́ ji ya bó dó hwɛ gbɔ nú Mawu kpó gbɛtɔ́ lɛ́ɛ kpó azɔn ɖokpó géé bɔ xó fó. Énɛ́ ɔ́, é sú nǔ dó vɔ̌ e è nɔ sɔ́ kanlin dó sá ná lɛ́ɛ kpódó Jwifu lɛ́ɛ sín sinsɛn e bló wɛ yě nɔ́ ɖe ɖo Mawu xwé gbe ɔ́ kpó. Wěma ɔ́ ɖɔ è nǐ má dó vɛ̌ nú hwlɛngán énɛ́ ɔ́ ó.
Đo yadónúmɛ hwenu ɔ́, nú è kpɔ́n dó nǔɖiɖi e nǔɖitɔ́ e ɖo Akɔjijɛ Xóxó ɔ́ mɛ lɛ́ɛ ɖó ɔ́ wú ɔ́, é hɛn ɔ́, é ná ná akɔ́nkpinkpan klísusɛntɔ́ lɛ́ɛ bɔ yě ná ɖó nukɔn yiyi ɖo nǔɖiɖi mɛ. Wěma ɔ́ ɖɔ mǐ ní zé nukún mǐtɔn ɖó Jezu jí, ɖɔ é wɛ mǐ ɖó ná ɖi nǔ ná sín bǐbɛ́mɛ káká yi vivɔnu.
Nǔ tají tají e ɖo wěma ɔ́ mɛ lɛ́ɛ
Klísu wɛ nyí susu Mawu tɔn sín wěziza sín xlɛ́ (1.1-3)
Klísu hú gǎn wɛnsagun Mawu tɔn lɛ́ɛ kpó gbeyíɖɔ lɛ́ɛ kpó (1.4—4.13)
Klísu wɛ nyí vɔ̌sánu-xwlémawutɔ́ ɖaxó nǔgbó ɔ́ (4.14—7.28)
Klísu jí wɛ è nɔ gbɔn byɔ́ akɔjijɛ yɔ̌yɔ́ ɔ́ mɛ (8.1—9.22)
Klísu wɛ nyí vɔ̌sísá e nyɔ́ bɔ nǔ bǐ vɔ ɖ'é wú é (9.23—10.39)
Nǔɖiɖi ɖó nú Aklúnɔ wɛ nyí nǔ tají ɔ́ (11—12)
Gbɛ klísusɛntɔ́ tɔn (13.1-19)
Đɛ kpó gbedómɛ kpó (13.20-25)
Currently Selected:
Eblée Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.