Ɛsitɛ́ɛ Glɛ̌sigbe 6
6
Hamáa ɖó ná wlí yɛ̌yi nú Maadocée dandan
1 Zǎn énɛ́ ɔ́ mɛ ɔ́, adɔ̌ vɛ́ axɔ́sú Aatazɛɛzɛsi; é wá ɖɔ nú wěgbójínɔtɔ́ tɔn ɖɔ ní yi sɔ́ wěma e mɛ è nɔ wlán nǔ e jɛ ɖo to ɔ́ mɛ lɛ́ɛ sín tan dó ɔ́ wá bó wá xa nú émí. 2 Nǔ e è wlǎn dó Maadocée wú é jí jɛ́n é jɛ: lě e Maadocée ɖe azɔ̌watɔ́ axɔ́sú ɔ́ tɔn we gba, hwenu e yě ɖo wě ɖe wɛ, bó ná hu axɔ́sú ɔ́ é. 3 Hwenɛ́nu ɔ́, axɔ́sú ɔ́ kanbyɔ́ ɖɔ: “Nɛ̌ mɔ̌ wɛ mǐ ká dó ajɔ Maadocée gbɔn hwe énɛ́ nu? Susu tɛ́ mǐ ká ná ɛ? Kásɛntɔ́ tɔn lɛ́ɛ ká yí gbe bó ɖɔ è kún dó ajɔ ɖě e ó.
4 Hwenu e è ɖo nǔ ɖagbe énɛ́ e Maadocée wa é sín xó ɖɔ nú axɔ́sú ɔ́ wɛ é jɛ́n Hamáa byɔ́ hɔn ɔ́ mɛ. Axɔ́sú ɔ́ kanbyɔ́ ɖɔ: “Mɛ̌ ká ɖo kɔ́xo ɔ́ ta?” Hamáa wɛ wá nǔ byɔ́ axɔ́sú ɔ́ gbé; é byɔ́ ɛ ɖɔ ní ká Maadocée nyi atín e è ko sɔ́ ɖó te n'i é jí. 5 Kásɛntɔ́ lɛ́ɛ ɖɔ nú axɔ́sú ɔ́ ɖɔ: “Hamáa wɛ ɖo te ɖo kɔ́xo ɔ́ ta.” Axɔ́sú ɔ́ ɖɔ: “É ní bó byɔ́ xɔ mɛ.” 6 Énɛ́ gúdo ɔ́, Axɔ́sú ɔ́ kanbyɔ́ Hamáa ɖɔ: “Mɛ e ba wɛ un ɖe bó ná sɔ́ ɖó hǎga jí, bɔ é ná xɔ susu é ɔ́, nɛ̌ mɔ̌ wɛ un sixú wa nǔ tɔn gbɔn?” Hamáa ɖɔ dó ayi mɛ ɖɔ: “Mɛ̌ wɛ axɔ́sú ɔ́ jló ná sɔ́ su bɔ é má ná nyí nyɛ wɛ vlafo ǎ?” 7 Énɛ́ ɔ́, é yí gbe nú axɔ́sú ɔ́ bó ɖɔ: “Nú é jló mɛ nú è nǎ dɔn mɛ ɖé yi hǎga jí hǔn, 8 è nǐ bó ná gbe kásɛntɔ́ mɛ tɔn lɛ́ɛ nú yě ní yi sɔ́ avɔ ɖagbe e mɛ ɖésúnɔ nɔ́ dó lɛ́ɛ ɖokpó, kpódó sɔ́ e jí mɛ ɖésú nɔ́ jínjɔ́n é ɖokpó kpó wá. 9 È nǎ bɛ́ nǔ lɛ́ɛ dó alɔ mɛ nú xɔ́ntɔn mɛtɔn vívɛ́ ɖokpó, bɔ é ná sɔ́ avɔ lɛ́ɛ dó ɖó acɔ́ nú mɛ e sín nǔ nyɔ́ mɛ nukún mɛ, bɔ è jlǒ ná dɔn yi hǎga jí é, lobo ná sɔ́ ɛ jínjɔ́n sɔ́ ɔ́ jí. È nǎ jlá ɛ gbɔn toxo ɔ́ bǐ mɛ, bó ná nɔ́ ɖɔ: ‘Mɛ ɖěbǔ e axɔ́sú ɔ́ jló ná dɔn yi hǎga jí, bɔ é ná xɔ susu é ɔ́, alɔ e jí è nɔ hɛn ɛ ɖó ɔ́ ɖíe.’ ”
10 Axɔ́sú ɔ́ wá yí xó, lobo ɖɔ nú Hamáa ɖɔ: “A ɖɔ xó ɖó ganjí. Blǒ gbɔn mɔ̌ nú Maadocée Jwifu e wa azɔ̌ ɖo hɔn ɔ́ mɛ é. Nǔ e a sɔ́ ɖó te din bó ná wa lɛ́ɛ é ɔ́, ma dó vɛ̌ nú ɖěbǔ ɖ'é mɛ bó gɔn wiwa ó.” 11 Hamáa yí avɔ ɔ́ kpó sɔ́ ɔ́ kpó; é ɖó acɔ́ nú Maadocée, lobo sɔ́ ɛ jínjɔ́n sɔ́ ɔ́ jí. Énɛ́ gúdo ɔ́, é kplá ɛ yi tɛn gblogblo toxo ɔ́ tɔn mɛ; é nɔ́ jlá ɖɔ: “Lě e é ná cí gbɔn nú mɛ ɖěbǔ e axɔ́sú ɔ́ jló ná dɔn yi hǎga jí, lobɔ é ná xɔ susu é ɔ́ ɖíe.” 12 Énɛ́ gúdo ɔ́, Maadocée lɛ́ lɛ́ kɔ yi azɔ̌ tɔn mɛ ɖo hɔnmɛ, bɔ Hamáa lɛ́ kɔ yi xwé tɔn gbe kpódó winnyá kpó, bɔ wǔ kú i bǐ. 13 Hamáa wá ɖó nǔ e jɛ dó jǐ tɔn ɔ́ bǐ sín gbe nú asi tɔn Zosala kpódó xɔ́ntɔn tɔn lɛ́ɛ kpó. Xɔ́ntɔn tɔn lɛ́ɛ kpó asi tɔn kpó wá ɖɔ n'i ɖɔ: “Ényí Maadocée ɔ́, Jwifu lɛ́ɛ sín kúnkan mɛ wɛ é jɔ ɖe nǔgbó ɔ́, afɔsúnsúnnú e a jɛ nyǐnyí jí din ɖo nukɔn tɔn é ɔ́, bo tunwun ɖɔ a nǎ lɛ́ yi do hú mɔ̌ dandan. A sixú kpan ta nya énɛ́ ɔ́, bó ɖu ɖo jǐ tɔn gbeɖé ǎ, ɖó Mawu gbɛɖe ɔ́ ɖo kpɔ́ xá ɛ.” 14 Yě kpo ɖo xó ɖɔ wɛ bɔ mɛsɛ́dó axɔ́sú ɔ́ tɔn lɛ́ɛ wá xwetɔ́n. Yě kplá Hamáa nú é ná yi agbanɖutɛn e sín wě Ɛsitɛ́ɛ ɖe é.
Currently Selected:
Ɛsitɛ́ɛ Glɛ̌sigbe 6: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Ɛsitɛ́ɛ Glɛ̌sigbe 6
6
Hamáa ɖó ná wlí yɛ̌yi nú Maadocée dandan
1 Zǎn énɛ́ ɔ́ mɛ ɔ́, adɔ̌ vɛ́ axɔ́sú Aatazɛɛzɛsi; é wá ɖɔ nú wěgbójínɔtɔ́ tɔn ɖɔ ní yi sɔ́ wěma e mɛ è nɔ wlán nǔ e jɛ ɖo to ɔ́ mɛ lɛ́ɛ sín tan dó ɔ́ wá bó wá xa nú émí. 2 Nǔ e è wlǎn dó Maadocée wú é jí jɛ́n é jɛ: lě e Maadocée ɖe azɔ̌watɔ́ axɔ́sú ɔ́ tɔn we gba, hwenu e yě ɖo wě ɖe wɛ, bó ná hu axɔ́sú ɔ́ é. 3 Hwenɛ́nu ɔ́, axɔ́sú ɔ́ kanbyɔ́ ɖɔ: “Nɛ̌ mɔ̌ wɛ mǐ ká dó ajɔ Maadocée gbɔn hwe énɛ́ nu? Susu tɛ́ mǐ ká ná ɛ? Kásɛntɔ́ tɔn lɛ́ɛ ká yí gbe bó ɖɔ è kún dó ajɔ ɖě e ó.
4 Hwenu e è ɖo nǔ ɖagbe énɛ́ e Maadocée wa é sín xó ɖɔ nú axɔ́sú ɔ́ wɛ é jɛ́n Hamáa byɔ́ hɔn ɔ́ mɛ. Axɔ́sú ɔ́ kanbyɔ́ ɖɔ: “Mɛ̌ ká ɖo kɔ́xo ɔ́ ta?” Hamáa wɛ wá nǔ byɔ́ axɔ́sú ɔ́ gbé; é byɔ́ ɛ ɖɔ ní ká Maadocée nyi atín e è ko sɔ́ ɖó te n'i é jí. 5 Kásɛntɔ́ lɛ́ɛ ɖɔ nú axɔ́sú ɔ́ ɖɔ: “Hamáa wɛ ɖo te ɖo kɔ́xo ɔ́ ta.” Axɔ́sú ɔ́ ɖɔ: “É ní bó byɔ́ xɔ mɛ.” 6 Énɛ́ gúdo ɔ́, Axɔ́sú ɔ́ kanbyɔ́ Hamáa ɖɔ: “Mɛ e ba wɛ un ɖe bó ná sɔ́ ɖó hǎga jí, bɔ é ná xɔ susu é ɔ́, nɛ̌ mɔ̌ wɛ un sixú wa nǔ tɔn gbɔn?” Hamáa ɖɔ dó ayi mɛ ɖɔ: “Mɛ̌ wɛ axɔ́sú ɔ́ jló ná sɔ́ su bɔ é má ná nyí nyɛ wɛ vlafo ǎ?” 7 Énɛ́ ɔ́, é yí gbe nú axɔ́sú ɔ́ bó ɖɔ: “Nú é jló mɛ nú è nǎ dɔn mɛ ɖé yi hǎga jí hǔn, 8 è nǐ bó ná gbe kásɛntɔ́ mɛ tɔn lɛ́ɛ nú yě ní yi sɔ́ avɔ ɖagbe e mɛ ɖésúnɔ nɔ́ dó lɛ́ɛ ɖokpó, kpódó sɔ́ e jí mɛ ɖésú nɔ́ jínjɔ́n é ɖokpó kpó wá. 9 È nǎ bɛ́ nǔ lɛ́ɛ dó alɔ mɛ nú xɔ́ntɔn mɛtɔn vívɛ́ ɖokpó, bɔ é ná sɔ́ avɔ lɛ́ɛ dó ɖó acɔ́ nú mɛ e sín nǔ nyɔ́ mɛ nukún mɛ, bɔ è jlǒ ná dɔn yi hǎga jí é, lobo ná sɔ́ ɛ jínjɔ́n sɔ́ ɔ́ jí. È nǎ jlá ɛ gbɔn toxo ɔ́ bǐ mɛ, bó ná nɔ́ ɖɔ: ‘Mɛ ɖěbǔ e axɔ́sú ɔ́ jló ná dɔn yi hǎga jí, bɔ é ná xɔ susu é ɔ́, alɔ e jí è nɔ hɛn ɛ ɖó ɔ́ ɖíe.’ ”
10 Axɔ́sú ɔ́ wá yí xó, lobo ɖɔ nú Hamáa ɖɔ: “A ɖɔ xó ɖó ganjí. Blǒ gbɔn mɔ̌ nú Maadocée Jwifu e wa azɔ̌ ɖo hɔn ɔ́ mɛ é. Nǔ e a sɔ́ ɖó te din bó ná wa lɛ́ɛ é ɔ́, ma dó vɛ̌ nú ɖěbǔ ɖ'é mɛ bó gɔn wiwa ó.” 11 Hamáa yí avɔ ɔ́ kpó sɔ́ ɔ́ kpó; é ɖó acɔ́ nú Maadocée, lobo sɔ́ ɛ jínjɔ́n sɔ́ ɔ́ jí. Énɛ́ gúdo ɔ́, é kplá ɛ yi tɛn gblogblo toxo ɔ́ tɔn mɛ; é nɔ́ jlá ɖɔ: “Lě e é ná cí gbɔn nú mɛ ɖěbǔ e axɔ́sú ɔ́ jló ná dɔn yi hǎga jí, lobɔ é ná xɔ susu é ɔ́ ɖíe.” 12 Énɛ́ gúdo ɔ́, Maadocée lɛ́ lɛ́ kɔ yi azɔ̌ tɔn mɛ ɖo hɔnmɛ, bɔ Hamáa lɛ́ kɔ yi xwé tɔn gbe kpódó winnyá kpó, bɔ wǔ kú i bǐ. 13 Hamáa wá ɖó nǔ e jɛ dó jǐ tɔn ɔ́ bǐ sín gbe nú asi tɔn Zosala kpódó xɔ́ntɔn tɔn lɛ́ɛ kpó. Xɔ́ntɔn tɔn lɛ́ɛ kpó asi tɔn kpó wá ɖɔ n'i ɖɔ: “Ényí Maadocée ɔ́, Jwifu lɛ́ɛ sín kúnkan mɛ wɛ é jɔ ɖe nǔgbó ɔ́, afɔsúnsúnnú e a jɛ nyǐnyí jí din ɖo nukɔn tɔn é ɔ́, bo tunwun ɖɔ a nǎ lɛ́ yi do hú mɔ̌ dandan. A sixú kpan ta nya énɛ́ ɔ́, bó ɖu ɖo jǐ tɔn gbeɖé ǎ, ɖó Mawu gbɛɖe ɔ́ ɖo kpɔ́ xá ɛ.” 14 Yě kpo ɖo xó ɖɔ wɛ bɔ mɛsɛ́dó axɔ́sú ɔ́ tɔn lɛ́ɛ wá xwetɔ́n. Yě kplá Hamáa nú é ná yi agbanɖutɛn e sín wě Ɛsitɛ́ɛ ɖe é.
La Bible en langue fon © Alliance Biblique du Bénin, 2012.