Ɛsitɛ́ɛ Glɛ̌sigbe 5
5
17 [3] Axɔ́sú ɔ́ kanbyɔ́ ɖɔ: “Étɛ́ ba wɛ a ka ɖe Ɛsitɛ́ɛ? Ani byɔ́ mì gbé wɛ a ka tɔ́n tawun? É ná bó nyí vlɔ̌ɖówe axɔ́súɖuto ce tɔn wɛ ɔ́, un ná ná we.” 18 Lo ɔ́, Ɛsitɛ́ɛ yí gbe bo ɖɔ: “Azǎn éhɔ́nmɛ tɔn ɔ́, azǎn ɖaxó ɖé wɛ é nyí nú mì. Axɔ́sú ce, ényí é jló mɛ hǔn, mɛ kpódó Hamáa kpó ní bó wá agbanɖutɛn mɛ ɖo gɔ̌n ce éhɔ́nmɛ din.” 19 Hwenɛ́nu ɔ́, axɔ́sú ɔ́ sɛ́ mɛ dó Hamáa tlóló, bó ná dó yí gbe nú ylɔ̌ Ɛsitɛ́ɛ tɔn. Énɛ́ gúdo ɔ́, axɔ́sú ɔ́ kpó Hamáa kpó we lɛ́ɛ yi agbanɖutɛn ɔ́ mɛ fí e Ɛsitɛ́ɛ da yě dó é. 20 Ée yě ɖu agɔ̌ ɔ́ ɖ'alɔ te é ɔ́, axɔ́sú ɔ́ ɖɔ nú Ɛsitɛ́ɛ ɖɔ: “Étɛ́ wɛ a jlǒ axɔ́si Ɛsitɛ́ɛ? Nǔ ɖěbǔ e a nǎ byɔ́ mì ɔ́, a nǎ mɔ yí.” 21 Ɛsitɛ́ɛ ka yí gbe ɖɔ: “Nǔ e byɔ́ wɛ un ɖe ɔ́, 22 Sɛ́mɛɖó, ényí é nyɔ́ mɛ nukún mɛ hǔn, mɛ kpó Hamáa kpó ní lɛ́ zɔn wá gɔ̌n ce sɔ bó ná ɖu agban lě e é nyí gbɔn din é ɖɔhun.”
Hamáa bló atín ɖokpó bó ná ká Maadocée nyi jí
23 Hamáa tɔ́n sín hɔn ɔ́ mɛ kpódó xomɛhunhun ɖaxó ɖé kpó. Ée Hamáa ka wá mɔ Maadocée Jwifu ɔ́ ɖo kɔ́xota ɖo hɔn ɔ́ mɛ ɔ́, xomɛ sin i taala. 24 Xwé gbe byɔ́byɔ́ tɔn lě tlóló ɔ́, é ylɔ́ xɔ́ntɔn tɔn lɛ́ɛ kpódó asi tɔn Zosala ɔ́ kpán. 25 É ɖɔ xó nú yě dó nǔɖókan tɔn lɛ́ɛ kpódó susu e axɔ́sú ɔ́ ná ɛ, lobo sɔ́ ɛ ɖó tɛn ɖaxó mɛ ɖo acɛkpikpa tɔn mɛ, bɔ é ɖo to ɔ́ nu é wú. 26 Hamáa lɛ́ ɖɔ d'é jí ɖɔ: “Nyɛ kpódó axɔ́sú ɔ́ kpó kɛ́ɖɛ́ wɛ axɔ́si ɔ́ ylɔ́ ɖo agbanɖutɛn tɔn mɛ. É lɛ́ ylɔ́ mǐ nú sɔ e ja é. 27 Lo ɔ́, un mɔ vǐví tɔn ɖěbǔ ǎ, ɖó un sɔ́ ba ná mɔ Maadocée Jwifu ɔ́ ɖo kɔ́xota ɖo hɔn ɔ́ mɛ ǎ.” 28 Asi tɔn Zosala ɔ́ kpódó xɔ́ntɔn tɔn lɛ́ɛ kpó ká ɖɔ n'i ɖɔ: “Zɔ̌n bónú è ba atín ɖaxó ɖokpó nú we, bɔ é ná ɖó mɛ̌tlu koatɔ́n. Sɔ zǎnzǎn tɛɛn ɔ́, a nǎ byɔ́ axɔ́sú ɔ́ ɖɔ ní ká Maadocée nyi atín ɔ́ jí. Hwenɛ́nu lo ɔ́, a nǎ zɔn xomɛhunhun mɛ yi agbanɖutɛn ɔ́ hwi kpó axɔ́sú ɔ́ kpó, lobo ɖu agɔ̌ ganjí.” Xó énɛ́ ɔ́ nyɔ́ Hamáa nukún mɛ, lobɔ yě yi ba atín ɔ́ nǔgbó.
Currently Selected:
Ɛsitɛ́ɛ Glɛ̌sigbe 5: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
Ɛsitɛ́ɛ Glɛ̌sigbe 5
5
17 [3] Axɔ́sú ɔ́ kanbyɔ́ ɖɔ: “Étɛ́ ba wɛ a ka ɖe Ɛsitɛ́ɛ? Ani byɔ́ mì gbé wɛ a ka tɔ́n tawun? É ná bó nyí vlɔ̌ɖówe axɔ́súɖuto ce tɔn wɛ ɔ́, un ná ná we.” 18 Lo ɔ́, Ɛsitɛ́ɛ yí gbe bo ɖɔ: “Azǎn éhɔ́nmɛ tɔn ɔ́, azǎn ɖaxó ɖé wɛ é nyí nú mì. Axɔ́sú ce, ényí é jló mɛ hǔn, mɛ kpódó Hamáa kpó ní bó wá agbanɖutɛn mɛ ɖo gɔ̌n ce éhɔ́nmɛ din.” 19 Hwenɛ́nu ɔ́, axɔ́sú ɔ́ sɛ́ mɛ dó Hamáa tlóló, bó ná dó yí gbe nú ylɔ̌ Ɛsitɛ́ɛ tɔn. Énɛ́ gúdo ɔ́, axɔ́sú ɔ́ kpó Hamáa kpó we lɛ́ɛ yi agbanɖutɛn ɔ́ mɛ fí e Ɛsitɛ́ɛ da yě dó é. 20 Ée yě ɖu agɔ̌ ɔ́ ɖ'alɔ te é ɔ́, axɔ́sú ɔ́ ɖɔ nú Ɛsitɛ́ɛ ɖɔ: “Étɛ́ wɛ a jlǒ axɔ́si Ɛsitɛ́ɛ? Nǔ ɖěbǔ e a nǎ byɔ́ mì ɔ́, a nǎ mɔ yí.” 21 Ɛsitɛ́ɛ ka yí gbe ɖɔ: “Nǔ e byɔ́ wɛ un ɖe ɔ́, 22 Sɛ́mɛɖó, ényí é nyɔ́ mɛ nukún mɛ hǔn, mɛ kpó Hamáa kpó ní lɛ́ zɔn wá gɔ̌n ce sɔ bó ná ɖu agban lě e é nyí gbɔn din é ɖɔhun.”
Hamáa bló atín ɖokpó bó ná ká Maadocée nyi jí
23 Hamáa tɔ́n sín hɔn ɔ́ mɛ kpódó xomɛhunhun ɖaxó ɖé kpó. Ée Hamáa ka wá mɔ Maadocée Jwifu ɔ́ ɖo kɔ́xota ɖo hɔn ɔ́ mɛ ɔ́, xomɛ sin i taala. 24 Xwé gbe byɔ́byɔ́ tɔn lě tlóló ɔ́, é ylɔ́ xɔ́ntɔn tɔn lɛ́ɛ kpódó asi tɔn Zosala ɔ́ kpán. 25 É ɖɔ xó nú yě dó nǔɖókan tɔn lɛ́ɛ kpódó susu e axɔ́sú ɔ́ ná ɛ, lobo sɔ́ ɛ ɖó tɛn ɖaxó mɛ ɖo acɛkpikpa tɔn mɛ, bɔ é ɖo to ɔ́ nu é wú. 26 Hamáa lɛ́ ɖɔ d'é jí ɖɔ: “Nyɛ kpódó axɔ́sú ɔ́ kpó kɛ́ɖɛ́ wɛ axɔ́si ɔ́ ylɔ́ ɖo agbanɖutɛn tɔn mɛ. É lɛ́ ylɔ́ mǐ nú sɔ e ja é. 27 Lo ɔ́, un mɔ vǐví tɔn ɖěbǔ ǎ, ɖó un sɔ́ ba ná mɔ Maadocée Jwifu ɔ́ ɖo kɔ́xota ɖo hɔn ɔ́ mɛ ǎ.” 28 Asi tɔn Zosala ɔ́ kpódó xɔ́ntɔn tɔn lɛ́ɛ kpó ká ɖɔ n'i ɖɔ: “Zɔ̌n bónú è ba atín ɖaxó ɖokpó nú we, bɔ é ná ɖó mɛ̌tlu koatɔ́n. Sɔ zǎnzǎn tɛɛn ɔ́, a nǎ byɔ́ axɔ́sú ɔ́ ɖɔ ní ká Maadocée nyi atín ɔ́ jí. Hwenɛ́nu lo ɔ́, a nǎ zɔn xomɛhunhun mɛ yi agbanɖutɛn ɔ́ hwi kpó axɔ́sú ɔ́ kpó, lobo ɖu agɔ̌ ganjí.” Xó énɛ́ ɔ́ nyɔ́ Hamáa nukún mɛ, lobɔ yě yi ba atín ɔ́ nǔgbó.
La Bible en langue fon © Alliance Biblique du Bénin, 2012.