Efɛ́zinu Xónusɔ́ɖóte
Xónusɔ́ɖóte
Wěma élɔ́ ɔ́, agun Efɛ́zi tɔn ɔ́ wɛ Pɔ́lu wlán sɛ́ dó. É ká lɛ́ cí ɖɔ é lɛ́ sɛ́ wěma élɔ́ dó agun ɖěvo lɛ́ɛ ɖo Azíi Kpɛví ɔ́ ɖɔhun. Azíi Kpɛví ɔ́ wɛ ɖo Twikíi nyí wɛ égbé din. Pɔ́lu ɖe tito Mawu tɔn xlɛ́ ɖo wěma ɔ́ mɛ; tito Mawu tɔn énɛ́ ɔ́ wɛ nyí ɖɔ nǔ e ɖo jǐnukúnsin lɛ́ɛ kpó ée ɖo ayǐkúngban jí lɛ́ɛ bǐ kpó ná kplé ɖo gǎn ɖokpó géé glɔ́; gǎn énɛ́ ɔ́ wɛ nyí Klísu (1.10).
Đo agun Klísu tɔn mɛ ɔ́, Jwifu kpó mɛ e ma nyí Jwifu ǎ é kpó bǐ wɛ kplé bó nyí ɖokpó; yě bǐ wɛ ɖo bǔ; kplékplé mɛ yětɔn nyí agbaza ɖokpó, bɔ Klísu nyí ta ɔ́. Bǔteninɔ ɔ́ jínjɔ́n tito e Mawu kó bló ɖ'ayǐ ɖɔ émí ná sɔ́ mǐ dó ɖó vǐ gbɔn Jezu Klísu jí ɔ́ kpódó hwlɛngán e é ná mǐ ɖo fɛ́nú tɔn mɛ ɔ́ kpó jí; bǔteninɔ klísusɛntɔ́ lɛ́ɛ tɔn ɔ́, Yɛsinsɛn e ɖo klísusɛntɔ́ lɛ́ɛ sín ayi mɛ ɔ́ wɛ nyí gǎnjɛwú tɔn, bɔ azɔ̌ e mɛ e nɔ wa azɔ̌ ɖo agun mɛ lɛ́ɛ nɔ́ wa ɔ́ nɔ́ hɛn bǔteninɔ ɔ́ lí dǒ.
Wěma ɔ́ sín akpá wegɔ́ ɔ́ ɖɔ lě e è ɖǒ ná nɔ́ zán gbɛ gbɔn ayǐhɔ́ngbe ayǐhɔ́ngbe dó ɖe bǔteninɔ ɔ́ xlɛ́ é: é wɛ nyí ɖɔ wǎn yíyí ɖó nú nɔzo, sísí ɖó nú nɔzo, kpó ɖagbe e Mawu nɔ wa ɔ́ tunwun n'i kpó. Wěma ɔ́ lɛ́ ɖɔ ahwanfunnú e Mawu ná klísusɛntɔ́ lɛ́ɛ é.
Nǔ tají tají e ɖo wěma ɔ́ mɛ lɛ́ɛ
Klísu jí wɛ è nɔ mɔ hwlɛngán ɔ́ gbɔn (1—2)
Bǔteninɔ agun ɔ́ tɔn (3.1—4.16)
Gbɛ yɔ̌yɔ́ e mɛ e ɖo bǔ xá Klísu lɛ́ɛ nɔ́ mɔ é; ahwanfunnú e Mawu ná klísusɛntɔ́ lɛ́ɛ é (4.17—6.24)
Currently Selected:
Efɛ́zinu Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.