Kolósinu Xónusɔ́ɖóte
Xónusɔ́ɖóte
Nǔ e ɖo wěma élɔ́ mɛ ɔ́ kpó nǔ e ɖo wěma e Pɔ́lu wlán sɛ́ dó agun e ɖo Efɛ́zi ɔ́ mɛ ɔ́ kpó nyí nǔ ɖokpó ɔ́ ɖo akpá ɖé lɛ́ɛ xwé. Gankpá mɛ wɛ Pɔ́lu ɖe bó wlán wěma élɔ́, lě e é ɖo gankpá mɛ bó wlán ɖě ɔ́ é.
É cí ɖɔ mɛ e nɔ kplɔ́n Klísu sín xó agɔ agɔ tɔn mɛ lɛ́ɛ wɛ zɔ́n bɔ hunnyahunnya byɔ́ agun ɔ́ mɛ ɖɔhun. Yě nɔ́ kplɔ́n nǔ mɛ lɛ́ɛ ɖɔ zǐnflú sín hlɔ̌nhlɔ́n syɛ́n ɖésú, bɔ nú gbɛtɔ́ ká sixú nyi sɛ́n ɔ́, é ná ɖu ɖo hlɔ̌nhlɔ́n zǐnflú tɔn énɛ́ lɛ́ɛ jí.
Wěma ɔ́ ká ɖe xlɛ́ ɖɔ sɛ́n énɛ́ lɛ́ɛ kún ɖó hlɔ̌nhlɔ́n ɖěbǔ bó ná ɖu ɖo jlǒ agbaza tɔn lɛ́ɛ jí ó (2.23). Kú e Mawu ví ɔ́ kú ɖo aklúzu jí ɔ́ kɛ́ɖɛ́ wɛ hɛn hwlɛngán wá nú gbɛtɔ́ (1.20).
Klísusɛntɔ́ lɛ́ɛ ɔ́, agbaza e ɖo agun ɔ́ nyí wɛ ɔ́ sín wǔjɔnú wɛ yě nyí, bɔ Klísu nyí ta ɔ́; yě ɖó ná yí wǎn nú yěɖée. Wǎn yíyí énɛ́ ɔ́ dɔn yě cá bɔ yě ná nɔ bǔ bɔ nǔ ná vɔ ɖ'é wú (3.14-15).
Nǔ tají tají e ɖo wěma ɔ́ mɛ lɛ́ɛ
Pɔ́lu dó gbe sɛ́ dó Kolósinu lɛ́ɛ (1.1-8)
Mɛ e Klísu nyí ɔ́ kpó azɔ̌ e é wa lɛ́ɛ kpó (1.9—2.19)
Gbɛ yɔ̌yɔ́ e mɛ e ɖo bǔ xá Klísu lɛ́ɛ nɔ́ mɔ é (2.20—4.6)
Pɔ́lu sú ta nú wěma ɔ́ (4.7-18)
Currently Selected:
Kolósinu Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.