Balúki Xónusɔ́ɖóte
Xónusɔ́ɖóte
Akpáxwé ɛnɛ wɛ ɖo wěma kléwún élɔ́ ɔ́ mɛ. Kan ɖě dɔn wěmakpáxwé lɛ́ɛ ɖě cá dó ɖě nu káká ǎ, bɔ xóɖiɖɔ sín alɔ lɛ́ɛ bǐ ká gbɔn vo. Hǔn, è sixú lin ɖɔ mɛ vovo wɛ wlán akpáxwé ɛnɛ lɛ́ɛ ɖokpó ɖokpó, bɔ mɛɖé ná kó wá xo yě kplé, ɖo é kpo xwe 150 yi 100 bɔ è nǎ ji Jezu Klísu.
Balúki sín wěma ɔ́ ɖo kúnnu ɖe nú nǔɖiɖi Jwifu lɛ́ɛ tɔn wɛ: To linlin mɛ wɛ yě ɖe, cóbó ká kpo ɖo nǔ ɖi wɛ. Yě mɔ ɖɔ hwɛ émítɔn lɛ́ɛ sín bǎ wɛ ɖo émí xo wɛ, bɔ émí wá ɖo to ɖěvo mɛ. Énɛ́ wú wɛ ayi yětɔn bǐ ɖo Jeluzalɛ́mu, tɔ́gbó yětɔn lɛ́ɛ sín to ɔ́ jí.
Togun nɛ́ ɔ́ tunwun ɖɔ sɛ́n e Mawu nǎ émí ɔ́ jɛ́n kó nyí Sɛ́núnywɛ́ nǔgbó ɔ́. É nɔ́ flín tan tɔn sɛ́ dó é; tan nɛ́ ɔ́ e Mawu ná susu ɖaxó gbɔn akpá e é dó lɛ́ɛ kpódó nǔwiwa tɔn lɛ́ɛ kpán gbla mɛ é.
Nǔ tají tají e ɖo wěma ɔ́ mɛ lɛ́ɛ
Jwifu e ɖo Babilɔ́nu lɛ́ɛ sɛ́ wɛn ɖé dó Jeluzalɛ́mu (1.1-14)
Ɖɛ e togun e è tun to ná e xo é (1.15—3.8)
Sɛ́núnywɛ́ ɔ́ (3.9—4.4)
Gbɔ dó nú togun ɔ́ (4.5—5.9)
Currently Selected:
Balúki Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.