2 Makabée 2
2
Jelemíi bɛ́ nǔ e è nɔ zán ɖo sinsɛn hwenu lɛ́ɛ hwlá
1“Nǔ e è mɔ ɖo wěma hwexónu tɔn mɛ lɛ́ɛ ɖíe: gbeyíɖɔ Jelemíi zɔ́n mɛ e xwe kannumɔgbénu lɛ́ɛ ɖɔ yě ni tá vɔ̌sákpe ɔ́ sín myɔ hɛn yi, lě e è ɖɔ gbɔn din zaanɖé é. 2Gbeyíɖɔ ɔ́ lɛ́ zé sɛ́nwéma ɔ́ nú yě, bó ɖɔ d'é jí ɖɔ: ‘Mi ma wɔn Aklúnɔ sɛ́n lɛ́ɛ ó. Mi ma lɔn nú yě blɛ̌ mi ɖu hwenu e mi ná mɔ nǔmɛsɛn e yě sɔ́ siká kpódó kpatágan kpán dó bló bó dó jɛ̌ ná lɛ́ɛ ó.’ 3Jelemíi lɛ́ kplɔ́n nǔ mɔ̌hunkɔ ɖěvo lɛ́ɛ yě. Ɖo tají ɔ́, é zɔ́n yě syɛ́nsyɛ́n ɖɔ yě ni nɔ gbejí nú sɛ́n ɔ́ kpódó ayi yětɔn bǐ kpán.
4“Ɖo wěma énɛ́ lɛ́ɛ ɖokpó mɛ ɔ́, nǔ e é lɛ́ ɖɔ ɔ́ ɖě ɖíe: Mawu zɔ́n gbeyíɖɔ ɔ́ ɖɔ é ní ɖíɖá goxɔ Mawu tɔn ɔ́ kpódó akɔjijɛgbá ɔ́ kpán sín Sinsɛnxɔ ɔ́ mɛ hɛn yi. Énɛ́ gúdo ɔ́, é yi só e jí Mɔyízi nɔ bó kpɔ́n to e é ná togun tɔn é jí. 5Hwenu e Jelemíi wá tɛn énɛ́ ɔ́ mɛ ɔ́, é mɔ tɛnmɛ gblagada ɖé ɖo sóxo mɛ. É zé goxɔ ɔ́, akɔjijɛgbá ɔ́ kpódó vɔ̌sákpe e jí è nɔ dó zǎlínkpɔ́n zo ɖe ɔ́ kpán dó só nɛ́ ɔ́ xomɛ, bó sú ali e byɔ́ só ɔ́ xomɛ é. 6Mɛ e xwedó Jelemíi lɛ́ɛ ɖě wǎ jló ná lɛ́ kɔ wá yi fínɛ́ bó ná ɖó wuntun ali ɔ́; é ka kpa yě ǎ. 7Ée Jelemíi se xó énɛ́ ɔ́, é gbɛ́ nǔ nú yě ɖɔ: Tɛn énɛ́ ɔ́ ná nɔ hwlǎhwlá dó mɛ káká yi jɛ hwenu e Mawu ná kú nǔbláwǔ nú togun tɔn, bó ná lɛ́ wá sɛ ta kplé n'i dó é. 8 Hwenɛ́nu wɛ Aklúnɔ ná lɛ́ hun nǔ e ɖo fínɛ́ lɛ́ɛ xlɛ́. Susu tɔn ná lɛ́ tɔ́n kpódó akpɔ́kpɔ́ kpán, lě e é wa nǔ gbɔn Mɔyízi hwenu, bó lɛ́ wá wa hwenu e Salomɔ́ɔ xo ɖɛ bɔ Mawu sín acɛ kɔn nyi Sinsɛnxɔ ɔ́ jí kpódó yɛ̌yi kpán é ɖɔhun.
9“È nɔ lɛ́ kpi tan bó nɔ́ ɖɔ lě e sɛ́núnywɛ́ ɖo kpɔ́ xá Salomɔ́ɔ gbɔn, bɔ é dó xwlé vɔ̌sísá, hwenu e é gbá Sinsɛnxɔ ɔ́ fó, bó sɔ́ xwlé Aklúnɔ dó é. 10Mɔyízi ko xo ɖɛ sɛ́ dó Aklúnɔ bɔ myɔ ko ja sín jǐ bó fyɔ́ vɔ̌sánú ɔ́. Mɔ̌ ɖokpó ɔ́, Salomɔ́ɔ ɖésú byɔ́, bɔ myɔ ja sín aga bo fyɔ́ vɔ̌sánú lɛ́ɛ bǐ dégbédégbé. 11Mɔyízi ko ɖɔ jí: ‘Kanlin e è xwlé dó hwɛ tamɛ ɔ́, è fyɔ́, ɖó mǐ ɖu ǎ.’ 12Salomɔ́ɔ ɖu xwe nú azǎn tántɔn lɛ́ɛ, lě e è ko nɔ bló gbɔn hwe mɔ̌hunkɔtɔn lɛ́ɛ nu é.”
Judási Makabée bɛ́ wěma xóxó lɛ́ɛ kplé
13“Tan ɖokpó nɛ́ lɛ́ɛ ɔ́, è nɔ mɔ yě xa ɖo wěma nɛ́ lɛ́ɛ mɛ kpódó ‘Tan wéma Nɛɛmíi tɔn’ lɛ́ɛ mɛ kpán. Ɖo wěma énɛ́ lɛ́ɛ mɛ ɔ́, è nɔ mɔ lě e Nɛɛmíi kplé wěma lɛ́ɛ ɖó tɛn ɖokpó ɔ́ mɛ gbɔn é. Wěma e ɖɔ xó dó axɔ́sú lɛ́ɛ kpódó gbeyíɖɔ lɛ́ɛ kpó wú lɛ́ɛ, ée ɖɔ xó dó wěma Davídi tɔn lɛ́ɛ wú lɛ́ɛ, kpódó wěma e axɔ́sú lɛ́ɛ sɛ́ dó ɖó nǔníná lɛ́ɛ tamɛ lɛ́ɛ wú lɛ́ɛ ɔ́, fínɛ́ wɛ é bɛ́ bǐ kplé ɖó. 14Mɔ̌ ɖokpó ɔ́, wěma e fúnfún kpé, ɖó ahwan e tɔ́n mǐ ɔ́ wǔtu lɛ́ɛ ɔ́, Judáa xo yě lɔmɔ̌ bǐ kplé. 15Wěma énɛ́ lɛ́ɛ ɖo mǐ sí din. Nú mi ɖó hu dó tɔn hǔn, mi sɛ́ mɛ dó nú yě ná yí wá nú mi.”
È da mɛ lɛ́ɛ ɖɔ yě ni ɖu Sinsɛnxɔ ɔ́ sín wǔsláslá xwe
16 “Malín málín mɛ din ɔ́, mǐ ná ɖu Sinsɛnxɔ ɔ́ sín wǔsláslá xwe. Mǐ ɖo mi da wɛ ɖɔ mi lɔ ní ɖu xwe énɛ́ ɔ́. 17Mawu hwlɛ́n togun tɔn bǐ gán. É jó togun tɔn lɛ́ɛ sín ayǐkúngban nú yě, bɔ axɔ́súɖuɖu, vɔ̌sánú-xwlémawutɔ́ nyínyí kpó sinsɛnzɔ́wiwa kpó lɛ́ɛ tíin, 18lě e é kó dó akpá tɔn gbɔn ɖo sɛ́n tɔn mɛ é. Énɛ́ wú wɛ mǐ ɖo nukún ɖó wɛ ɖɔ malín málín mɛ din ɔ́, Aklúnɔ ná kú nǔbláwǔ nú mǐ. É ná sɛ ta kplé nú togun tɔn e gba kpé gbɛ ɔ́ bǐ mɛ ɔ́, ɖó Sinsɛnxɔ mímɛ́ ɔ́ mɛ. Ɖó é ɖe mǐ sín awě ɖaxó ɖaxó gěgé mɛ bó slá wǔ nú Sinsɛnxɔ ɔ́.”
Mɛ e wlán wěma ɔ́ sín xónusɔ́ɖóte
19Judáa Makabée kpódó nɔví tɔn lɛ́ɛ kpán hwenu ɔ́, nǔ tají tají ɖé lɛ́ɛ jɛ. Yě mɛ énɛ́ lɛ́ɛ slá wǔ nú Sinsɛnxɔ ɖaxó ɔ́ bó lɛ́ sɔ́ vɔ̌sákpe ɔ́ ɖó vo nú Mawu. 20Yě tɔ́n ahwan Antiyokúsi Epifani kpódó vǐ tɔn Epatɔ́ɔ kpán. 21Hlɔ̌nhlɔ́n e ɖo jǐnukúnsin lɛ́ɛ nɔ kpɔ́ xá mɛ e jɛ hǔn dó Jwifu lɛ́ɛ sín nǔɖiɖi jí má byɔ́ nǔɖé, kpódó akɔ́nkpinkpan kpán é. Énɛ́ wú wɛ yě xo to ɔ́ yí sín kɛntɔ́ lɛ́ɛ lɔ mɛ. Có kɛntɔ́ lɛ́ɛ ka sukpɔ́ taala. 22Yě yǐ Sinsɛnxɔ e sín nyǐ gba kpé gbɛ ɔ́ bǐ mɛ é. Yě hwlɛ́n Jeluzalɛ́mu sín kɛntɔ́ lɔ mɛ, bó lɛ́ ɖó sɛ́n e kɛn jló ná súnsún lɛ́ɛ ayǐ. Yě wǎ nǔ énɛ́ lɛ́ɛ ɖó Aklúnɔ sín alɔdómɛ kpódó xomɛnyínyɔ́ tɔn kpán ɖo kpɔ́ xá yě.
23Nǔwlántɔ́ Jazɔ́ɔn Silɛ́nunu ɔ́ kpi tan énɛ́ lɛ́ɛ dó wěma atɔ́ɔ́n mɛ. Un ná tɛ́nkpɔ́n bó sɛ sin xwe ná dó wěma ɖokpó mɛ. 24Nǔ e jɛ ɖo tan nɛ́ ɔ́ mɛ lɛ́ɛ sukpɔ́, bɔ nǔxixa ɖo kpɔ́ gěgé. Énɛ́ wú wɛ mɛ e jló ná ba do nú nǔ nɛ́ lɛ́ɛ ɔ́ ná mɔ ɖɔ é kún bɔwǔ ó. 25Un ba ná wlán nǔ e ná nyɔ́ mɛ e ma nɔ ba na xa nǔ díngan ǎ lɛ́ɛ nukún mɛ lɛ́ɛ é. Un ba bónú tan nɛ́ lɛ́ɛ ní nyɔ́ hɛn nú mɛ e jló ná nɔ flín yě é. Ali e jí un jló ná d'alɔ mɛ e ná xa nǔ e wlán wɛ un ɖe ɔ́ ɖe é nɛ́.
26Azɔ̌ élɔ́ e kɔn un nɔ ɔ́, ɖu hwenu nú mì ɖésú. É bɔwǔ nú mì ǎ: Un xwá dɛ̌n ɖ'é kɔn, bó lɛ́ dlɔ́ zǎn gěgé ɖ'é kɔn. 27Mɛ e ylɔ́ agɔ̌ ɔ́ nɔ́ ba ná gblé ɖo mɛ e é da lɛ́ɛ gɔ́n ǎ. Lě e azɔ̌ ce má bɔwǔ gbɔn ǎ ɔ́ é nɛ́. É ɖo mɔ̌ có, un sɔ gbe xá azɔ̌ syɛ́nsyɛ́n élɔ́ kpódó xomɛhunhun kpán bó ná dó d'alɔ mɛ wɔ̌buwɔ́bú ná. 28Un ná jó hwenuxówlántɔ́ ɔ́ dó, bɔ é ná gba jɛ nǔ gěgé mɛ. Nyɛ ná ɖɔ nǔ e ɖo tají lɛ́ɛ. 29Nú è jlǒ ná gbá xwé yɔ̌yɔ́ ɔ́, mɛ e nɔ lin nǔ mɔ̌hunkɔtɔn, bó nɔ́ ɖe dó wěma jí ɔ́, ɖó ná gbéjé xwé ɔ́ sín gbǐgbá bǐ sésé. Lo ɔ́, mɛ e ɖó ná ba acɔ́ nú xwé nɛ́ ɔ́ ná kpé nukún nǔ e ɖo tají lɛ́ɛ wú. Ɖo nukún ce mɛ ɔ́, lě e azɔ̌ ce cí ɔ́ nɛ́. 30Mɛ e ɖo tan kpi wɛ ɔ́ ɖó ná ba do nú nǔ titewungbe tɔn. É ɖó ná gbéjé nǔ gěgé kpɔ́n, bó ná ba ná tunwun nǔ gěgé. 31Amɔ̌, mɛ e ba ná sɛ sin xwe nú nǔ nɛ́ lɛ́ɛ, bónú mɛ gěgé ná mɔ xa ɔ́, ná ba ná ɖɔ nǔ bǐ ǎ.
32Un ná jɛ tan ɔ́ kpi jí, ma gɔ́ nǔɖé nú nǔ e un ko ɖɔ é. Ɖó nú xóta ɔ́ sukpɔ́ díngan cóbɔ tan e un ná sɛ sin xwe ná ɔ́ wá bɔ d'é wú ɔ́, é sɔ́ hwɛ́n nǔ ǎ.
Currently Selected:
2 Makabée 2: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
2 Makabée 2
2
Jelemíi bɛ́ nǔ e è nɔ zán ɖo sinsɛn hwenu lɛ́ɛ hwlá
1“Nǔ e è mɔ ɖo wěma hwexónu tɔn mɛ lɛ́ɛ ɖíe: gbeyíɖɔ Jelemíi zɔ́n mɛ e xwe kannumɔgbénu lɛ́ɛ ɖɔ yě ni tá vɔ̌sákpe ɔ́ sín myɔ hɛn yi, lě e è ɖɔ gbɔn din zaanɖé é. 2Gbeyíɖɔ ɔ́ lɛ́ zé sɛ́nwéma ɔ́ nú yě, bó ɖɔ d'é jí ɖɔ: ‘Mi ma wɔn Aklúnɔ sɛ́n lɛ́ɛ ó. Mi ma lɔn nú yě blɛ̌ mi ɖu hwenu e mi ná mɔ nǔmɛsɛn e yě sɔ́ siká kpódó kpatágan kpán dó bló bó dó jɛ̌ ná lɛ́ɛ ó.’ 3Jelemíi lɛ́ kplɔ́n nǔ mɔ̌hunkɔ ɖěvo lɛ́ɛ yě. Ɖo tají ɔ́, é zɔ́n yě syɛ́nsyɛ́n ɖɔ yě ni nɔ gbejí nú sɛ́n ɔ́ kpódó ayi yětɔn bǐ kpán.
4“Ɖo wěma énɛ́ lɛ́ɛ ɖokpó mɛ ɔ́, nǔ e é lɛ́ ɖɔ ɔ́ ɖě ɖíe: Mawu zɔ́n gbeyíɖɔ ɔ́ ɖɔ é ní ɖíɖá goxɔ Mawu tɔn ɔ́ kpódó akɔjijɛgbá ɔ́ kpán sín Sinsɛnxɔ ɔ́ mɛ hɛn yi. Énɛ́ gúdo ɔ́, é yi só e jí Mɔyízi nɔ bó kpɔ́n to e é ná togun tɔn é jí. 5Hwenu e Jelemíi wá tɛn énɛ́ ɔ́ mɛ ɔ́, é mɔ tɛnmɛ gblagada ɖé ɖo sóxo mɛ. É zé goxɔ ɔ́, akɔjijɛgbá ɔ́ kpódó vɔ̌sákpe e jí è nɔ dó zǎlínkpɔ́n zo ɖe ɔ́ kpán dó só nɛ́ ɔ́ xomɛ, bó sú ali e byɔ́ só ɔ́ xomɛ é. 6Mɛ e xwedó Jelemíi lɛ́ɛ ɖě wǎ jló ná lɛ́ kɔ wá yi fínɛ́ bó ná ɖó wuntun ali ɔ́; é ka kpa yě ǎ. 7Ée Jelemíi se xó énɛ́ ɔ́, é gbɛ́ nǔ nú yě ɖɔ: Tɛn énɛ́ ɔ́ ná nɔ hwlǎhwlá dó mɛ káká yi jɛ hwenu e Mawu ná kú nǔbláwǔ nú togun tɔn, bó ná lɛ́ wá sɛ ta kplé n'i dó é. 8 Hwenɛ́nu wɛ Aklúnɔ ná lɛ́ hun nǔ e ɖo fínɛ́ lɛ́ɛ xlɛ́. Susu tɔn ná lɛ́ tɔ́n kpódó akpɔ́kpɔ́ kpán, lě e é wa nǔ gbɔn Mɔyízi hwenu, bó lɛ́ wá wa hwenu e Salomɔ́ɔ xo ɖɛ bɔ Mawu sín acɛ kɔn nyi Sinsɛnxɔ ɔ́ jí kpódó yɛ̌yi kpán é ɖɔhun.
9“È nɔ lɛ́ kpi tan bó nɔ́ ɖɔ lě e sɛ́núnywɛ́ ɖo kpɔ́ xá Salomɔ́ɔ gbɔn, bɔ é dó xwlé vɔ̌sísá, hwenu e é gbá Sinsɛnxɔ ɔ́ fó, bó sɔ́ xwlé Aklúnɔ dó é. 10Mɔyízi ko xo ɖɛ sɛ́ dó Aklúnɔ bɔ myɔ ko ja sín jǐ bó fyɔ́ vɔ̌sánú ɔ́. Mɔ̌ ɖokpó ɔ́, Salomɔ́ɔ ɖésú byɔ́, bɔ myɔ ja sín aga bo fyɔ́ vɔ̌sánú lɛ́ɛ bǐ dégbédégbé. 11Mɔyízi ko ɖɔ jí: ‘Kanlin e è xwlé dó hwɛ tamɛ ɔ́, è fyɔ́, ɖó mǐ ɖu ǎ.’ 12Salomɔ́ɔ ɖu xwe nú azǎn tántɔn lɛ́ɛ, lě e è ko nɔ bló gbɔn hwe mɔ̌hunkɔtɔn lɛ́ɛ nu é.”
Judási Makabée bɛ́ wěma xóxó lɛ́ɛ kplé
13“Tan ɖokpó nɛ́ lɛ́ɛ ɔ́, è nɔ mɔ yě xa ɖo wěma nɛ́ lɛ́ɛ mɛ kpódó ‘Tan wéma Nɛɛmíi tɔn’ lɛ́ɛ mɛ kpán. Ɖo wěma énɛ́ lɛ́ɛ mɛ ɔ́, è nɔ mɔ lě e Nɛɛmíi kplé wěma lɛ́ɛ ɖó tɛn ɖokpó ɔ́ mɛ gbɔn é. Wěma e ɖɔ xó dó axɔ́sú lɛ́ɛ kpódó gbeyíɖɔ lɛ́ɛ kpó wú lɛ́ɛ, ée ɖɔ xó dó wěma Davídi tɔn lɛ́ɛ wú lɛ́ɛ, kpódó wěma e axɔ́sú lɛ́ɛ sɛ́ dó ɖó nǔníná lɛ́ɛ tamɛ lɛ́ɛ wú lɛ́ɛ ɔ́, fínɛ́ wɛ é bɛ́ bǐ kplé ɖó. 14Mɔ̌ ɖokpó ɔ́, wěma e fúnfún kpé, ɖó ahwan e tɔ́n mǐ ɔ́ wǔtu lɛ́ɛ ɔ́, Judáa xo yě lɔmɔ̌ bǐ kplé. 15Wěma énɛ́ lɛ́ɛ ɖo mǐ sí din. Nú mi ɖó hu dó tɔn hǔn, mi sɛ́ mɛ dó nú yě ná yí wá nú mi.”
È da mɛ lɛ́ɛ ɖɔ yě ni ɖu Sinsɛnxɔ ɔ́ sín wǔsláslá xwe
16 “Malín málín mɛ din ɔ́, mǐ ná ɖu Sinsɛnxɔ ɔ́ sín wǔsláslá xwe. Mǐ ɖo mi da wɛ ɖɔ mi lɔ ní ɖu xwe énɛ́ ɔ́. 17Mawu hwlɛ́n togun tɔn bǐ gán. É jó togun tɔn lɛ́ɛ sín ayǐkúngban nú yě, bɔ axɔ́súɖuɖu, vɔ̌sánú-xwlémawutɔ́ nyínyí kpó sinsɛnzɔ́wiwa kpó lɛ́ɛ tíin, 18lě e é kó dó akpá tɔn gbɔn ɖo sɛ́n tɔn mɛ é. Énɛ́ wú wɛ mǐ ɖo nukún ɖó wɛ ɖɔ malín málín mɛ din ɔ́, Aklúnɔ ná kú nǔbláwǔ nú mǐ. É ná sɛ ta kplé nú togun tɔn e gba kpé gbɛ ɔ́ bǐ mɛ ɔ́, ɖó Sinsɛnxɔ mímɛ́ ɔ́ mɛ. Ɖó é ɖe mǐ sín awě ɖaxó ɖaxó gěgé mɛ bó slá wǔ nú Sinsɛnxɔ ɔ́.”
Mɛ e wlán wěma ɔ́ sín xónusɔ́ɖóte
19Judáa Makabée kpódó nɔví tɔn lɛ́ɛ kpán hwenu ɔ́, nǔ tají tají ɖé lɛ́ɛ jɛ. Yě mɛ énɛ́ lɛ́ɛ slá wǔ nú Sinsɛnxɔ ɖaxó ɔ́ bó lɛ́ sɔ́ vɔ̌sákpe ɔ́ ɖó vo nú Mawu. 20Yě tɔ́n ahwan Antiyokúsi Epifani kpódó vǐ tɔn Epatɔ́ɔ kpán. 21Hlɔ̌nhlɔ́n e ɖo jǐnukúnsin lɛ́ɛ nɔ kpɔ́ xá mɛ e jɛ hǔn dó Jwifu lɛ́ɛ sín nǔɖiɖi jí má byɔ́ nǔɖé, kpódó akɔ́nkpinkpan kpán é. Énɛ́ wú wɛ yě xo to ɔ́ yí sín kɛntɔ́ lɛ́ɛ lɔ mɛ. Có kɛntɔ́ lɛ́ɛ ka sukpɔ́ taala. 22Yě yǐ Sinsɛnxɔ e sín nyǐ gba kpé gbɛ ɔ́ bǐ mɛ é. Yě hwlɛ́n Jeluzalɛ́mu sín kɛntɔ́ lɔ mɛ, bó lɛ́ ɖó sɛ́n e kɛn jló ná súnsún lɛ́ɛ ayǐ. Yě wǎ nǔ énɛ́ lɛ́ɛ ɖó Aklúnɔ sín alɔdómɛ kpódó xomɛnyínyɔ́ tɔn kpán ɖo kpɔ́ xá yě.
23Nǔwlántɔ́ Jazɔ́ɔn Silɛ́nunu ɔ́ kpi tan énɛ́ lɛ́ɛ dó wěma atɔ́ɔ́n mɛ. Un ná tɛ́nkpɔ́n bó sɛ sin xwe ná dó wěma ɖokpó mɛ. 24Nǔ e jɛ ɖo tan nɛ́ ɔ́ mɛ lɛ́ɛ sukpɔ́, bɔ nǔxixa ɖo kpɔ́ gěgé. Énɛ́ wú wɛ mɛ e jló ná ba do nú nǔ nɛ́ lɛ́ɛ ɔ́ ná mɔ ɖɔ é kún bɔwǔ ó. 25Un ba ná wlán nǔ e ná nyɔ́ mɛ e ma nɔ ba na xa nǔ díngan ǎ lɛ́ɛ nukún mɛ lɛ́ɛ é. Un ba bónú tan nɛ́ lɛ́ɛ ní nyɔ́ hɛn nú mɛ e jló ná nɔ flín yě é. Ali e jí un jló ná d'alɔ mɛ e ná xa nǔ e wlán wɛ un ɖe ɔ́ ɖe é nɛ́.
26Azɔ̌ élɔ́ e kɔn un nɔ ɔ́, ɖu hwenu nú mì ɖésú. É bɔwǔ nú mì ǎ: Un xwá dɛ̌n ɖ'é kɔn, bó lɛ́ dlɔ́ zǎn gěgé ɖ'é kɔn. 27Mɛ e ylɔ́ agɔ̌ ɔ́ nɔ́ ba ná gblé ɖo mɛ e é da lɛ́ɛ gɔ́n ǎ. Lě e azɔ̌ ce má bɔwǔ gbɔn ǎ ɔ́ é nɛ́. É ɖo mɔ̌ có, un sɔ gbe xá azɔ̌ syɛ́nsyɛ́n élɔ́ kpódó xomɛhunhun kpán bó ná dó d'alɔ mɛ wɔ̌buwɔ́bú ná. 28Un ná jó hwenuxówlántɔ́ ɔ́ dó, bɔ é ná gba jɛ nǔ gěgé mɛ. Nyɛ ná ɖɔ nǔ e ɖo tají lɛ́ɛ. 29Nú è jlǒ ná gbá xwé yɔ̌yɔ́ ɔ́, mɛ e nɔ lin nǔ mɔ̌hunkɔtɔn, bó nɔ́ ɖe dó wěma jí ɔ́, ɖó ná gbéjé xwé ɔ́ sín gbǐgbá bǐ sésé. Lo ɔ́, mɛ e ɖó ná ba acɔ́ nú xwé nɛ́ ɔ́ ná kpé nukún nǔ e ɖo tají lɛ́ɛ wú. Ɖo nukún ce mɛ ɔ́, lě e azɔ̌ ce cí ɔ́ nɛ́. 30Mɛ e ɖo tan kpi wɛ ɔ́ ɖó ná ba do nú nǔ titewungbe tɔn. É ɖó ná gbéjé nǔ gěgé kpɔ́n, bó ná ba ná tunwun nǔ gěgé. 31Amɔ̌, mɛ e ba ná sɛ sin xwe nú nǔ nɛ́ lɛ́ɛ, bónú mɛ gěgé ná mɔ xa ɔ́, ná ba ná ɖɔ nǔ bǐ ǎ.
32Un ná jɛ tan ɔ́ kpi jí, ma gɔ́ nǔɖé nú nǔ e un ko ɖɔ é. Ɖó nú xóta ɔ́ sukpɔ́ díngan cóbɔ tan e un ná sɛ sin xwe ná ɔ́ wá bɔ d'é wú ɔ́, é sɔ́ hwɛ́n nǔ ǎ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.