2 Makabée 1
1
Wěma nukɔntɔn e è wlǎn sɛ́ dó Jwifu e ɖo Ejípu lɛ́ɛ é
1Jwifu Jeluzalɛ́mu tɔn lɛ́ɛ kpódó Judée to ɔ́ bǐ tɔn kpán ɖo gbe dó nɔví yětɔn Jwifu e ɖo Ejípu lɛ́ɛ wɛ, bó ɖo fífá kpódó xomɛhunhun kpán byɔ́ nú yě wɛ.
2Mawu Ajalɔ̌nlɔn ní flín akɔ e é jɛ xá mɛsɛntɔ́ gbejínɔtɔ́ tɔn Ablaxámu, Izáki kpódó Jakɔ́bu kpán é, lobo nú xomɛnyínyɔ́ tɔn ní vun blá mi! 3É ní ná acɛ e ná wa nǔ bɔ mi ná nɔ ɖó jlǒ dó sɛn ɛ ɔ́ mi, acɛ e ná zɔ́n, bɔ mi ná nɔ wa jlǒ tɔn kpódó ayi mitɔn bǐ kpán é mi! 4É ní hun ayi mitɔn nyi te nú sɛ́n tɔn lɛ́ɛ kpódó nǔzɔ́nmɛ tɔn lɛ́ɛ kpán, lobo ná fífá mi! 5É ní ɖótó vosisa mitɔn lɛ́ɛ, bó sɔ́ hwɛ mitɔn lɛ́ɛ kɛ mi, lobo ma ɖe kɔ́ dó mi wǔvɛ́ hwenu ó. 6Vo e sa nú Mawu wɛ mǐ ɖe dó mi tamɛ din ɔ́ nɛ́.
7Hwenu e Dɛmɛtliwúsi wá xɔ to ɖo xwe kɛnnɛ tɛ́nnɛgɔ́ (169) ɔ́ mɛ ɔ́, mǐ Jwifu lɛ́ɛ wlán wěma sɛ́ dó mi ɖɔ: “Sín hwenu e Jazɔ́ɔn kpó ahwan tɔn lɛ́ɛ kpán ɖu su nú ayǐkúngban mímɛ́ ɔ́ kpó Mawu, Axɔ́sú mǐtɔn kpán é wɛ mǐ jɛ wǔvɛ́ mɔ jí. 8Mɛ énɛ́ lɛ́ɛ dó Sinsɛnxɔ ɔ́ sín hɔn ɖaxó ɔ́ zo, lobo hu xomɛvɔ́nɔ lɛ́ɛ. Lo ɔ́, mǐ sa vo nú Aklúnɔ lobɔ é ɖótó mǐ. Mǐ xwlé vɔ̌sánú lobo ná vɔ̌sálinfín. Mǐ tá zogbɛ́n Sinsɛnxɔ ɔ́ mɛ tɔn lɛ́ɛ lobo xlɛ́ wɔ̌xúxú e è sɔ́ ɖó te nú Mawu é.”
9Din ɔ́, mǐ ɖo wěma wlán sɛ́ dó mi wɛ, bónú mi ná ɖu Azavaxwe ɔ́, ɖo Kisiléwusun ɔ́ mɛ.
10“È wlǎn ɖo xwe kɛnnɛ ko atɔ́ɔ́n nukún atɔngɔ́ (188) ɔ́ mɛ.”
Wěma wegɔ́ e è wlǎn é
Antiyokúsi Epifani kú bɔ Jwifu lɛ́ɛ dó kú nú Aklúnɔ
“Jeluzalɛ́munu lɛ́ɛ kpódó Judée to ɔ́ bǐ kpán, mɔ̌ ɖokpó ɔ́, tomɛxó lɛ́ɛ kpódó Judáa kpán ɖo gbe dó Alisitobúlu e gosín hɛ̌nnu vɔ̌sánú-xwlémawutɔ́ tɔn mɛ é, kpódó wěɖexámɛtɔ́ axɔ́sú Putolemɛ́ɛ tɔn kpán. Mǐ dó gbe Jwifu e ɖo Ejípu lɛ́ɛ ɖésú lobo byɔ́ hunsin ɖagbe nú yě.
11“Mawu xɔ mǐ ɖo nǔ nyanya ɖaxó ɖaxó gěgé mɛ. Énɛ́ wú wɛ mǐ wá ɖo kú dó n'i wɛ kpódó ayi mǐtɔn bǐ kpán, ɖó é dó alɔ mǐ bɔ mǐ fun ahwan xá axɔ́sú ɔ́. 12Nǔgbó wɛ, Mawu ɖésúnɔ wɛ nya yě mɛ e wá tɔ́n ahwan toxo mímɛ́ ɔ́ lɛ́ɛ. 13 Ɖó, hwenu e axɔ́sú Antiyokúsi ɖidó Pɛ́si yíkúngban jí ɔ́, é cí ɖɔ mɛ ɖěbǔ kún sixú ɖu ɖo ahwan tɔn jí ó ɖɔhun. Yě bǐ wɛ è hu ɖo nǔmɛsɛn Nanɛ́ya sín Sinsɛnxɔ mɛ ɖó ayi bíbí e vɔ̌sánú-xwlémawutɔ́ tɔn lɛ́ɛ zán é wú. 14Antiyokúsi kpó xɔ́ntɔn tɔn lɛ́ɛ kpán yi tɛn mímɛ́ ɔ́ mɛ, lobo ná nu alɛ xá nǔmɛsɛn ɔ́. Ɖo tají ɔ́, é jló ɖɔ è ní sɔ́ dɔkun Sinsɛnxɔ ɔ́ mɛ tɔn lɛ́ɛ dó ná agban nú émí. 15Vɔ̌sánú-xwlémawutɔ́ Nanɛ́ya tɔn lɛ́ɛ bɛ́ dɔkun énɛ́ lɛ́ɛ wá tɛ́, lobɔ Antiyokúsi kpódó xɔ́ntɔn tɔn lɛ́ɛ kpán byɔ́ Sinsɛnxɔ ɔ́ mɛ. Lo ɔ́, ée axɔ́sú ɔ́ byɔ́ xɔ mɛ tlóló ɔ́, vɔ̌sánú-xwlémawutɔ́ lɛ́ɛ sú Sinsɛnxɔ ɔ́ sín hɔn dó yě. 16Yě ɖe nǔglɔ́ li ɖé dó aza ta, bó hu Antiyokúsi kpódó xɔ́ntɔn tɔn lɛ́ɛ kpán ɖó awǐnnya wú. Yě ɖe afɔ yětɔn, awa yětɔn kpódó ta yětɔn lɛ́ɛ kpó, lobo bɛ́ ta lɛ́ɛ nyi dó mɛ e ɖo kɔ́xo lɛ́ɛ. 17È ni kpa susu nú Mawu mǐtɔn e jó mɛ e gbɛ́ wǎn n'i lɛ́ɛ nú kú é.”
È sɔ́ vɔ̌sákpe sín zo ɔ́ hwlá
18Ɖo azǎn ko atɔ́ɔ́ngɔ́ (25) e ɖo Kisiléwusun ɔ́ mɛ ɔ́ gbe ɔ́, mǐ ná ɖu wǔsláslá nú Sinsɛnxɔ ɔ́ sín xwe. Mǐ mɔ ɖɔ é jɛ xá nú mǐ ní ɖɔ nú mi, nú mi lɔmɔ̌ ná ɖu xwe énɛ́ ɔ́ ɖi Sinsɛnxɔ ɔ́ sín xwe ɖɔhun. Mi ná flín zo e tɔ́n hwenu e Nɛɛmíi xwlé vɔ̌sánú e è vɔ̌ Sinsɛnxɔ ɔ́ kpódó vɔ̌sákpe ɔ́ kpán bló ɖó gúdo é. 19Hwenu e è kplá tɔ́gbó mǐtɔn lɛ́ɛ yi Pɛ́si ɔ́, vɔ̌sánú-xwlémawutɔ́ e kpo ɖo gbejí lɛ́ɛ sɔ́ vɔ̌sákpe sín zo ɔ́ yi hwlá ɖó dotɔ e mɛ sin ma ɖe ǎ é ɖokpó mɛ. Yě sɔ́ hwlá lobɔ mɛ ɖěbǔ mɔ ǎ. 20Ée xwe wá ɖo xwe jí jɛ wɛ bɔ gan ɔ́ wá xo nú Mawu ɔ́, axɔ́sú Pɛ́si tɔn ɔ́ sɛ́ Nɛɛmíi dó Jeluzalɛ́mu. Nɛɛmíi ɖɔ nú vɔ̌sánú-xwlémawutɔ́ e sɔ́ zo ɔ́ sɛxwe lɛ́ɛ sín vǐ lɛ́ɛ ɖɔ yě ni yi sɔ́ zo ɔ́ wá. 21Yě yí gbe n'i ɖɔ émí kún mɔ zo ɖě ó, lo ɔ́, sin kɛɖɛkɛɖɛ wɛ gɔ́ tɔ ɔ́ mɛ. Nɛɛmíi ka zɔ́n ɖɔ yě ni wún sin ɔ́ wá. Ée nǔ bǐ sɔgbe nú vɔ̌sísá ɔ́, Nɛɛmíi ɖe gbe nú vɔ̌sánú-xwlémawutɔ́ lɛ́ɛ ɖɔ yě ni kɔn sin ɔ́ dó nakí lɛ́ɛ kpódó nǔ e ɖ'é jí lɛ́ɛ kpán jí. 22Ée yě bló mɔ̌ bɔ é nɔ zaan ɔ́, hwesivɔ́ e akpɔ́kpɔ́ lɛ́ɛ cyɔ́n ɔ́ jɛ hunhun jí. Hwenɛ́nu ɔ́, myɔ ɖaxó ɖé tá ɖo vɔ̌sákpe ɔ́ jí, bɔ é kpácá mɛ bǐ. 23Hwenu e vɔ̌sánú lɛ́ɛ ɖo zo ji wɛ ɔ́, vɔ̌sánú-xwlémawutɔ́ lɛ́ɛ kpódó mɛ e ɖo fínɛ́ lɛ́ɛ bǐ kpán ɖo ɖɛ xo wɛ. Jonatáan wɛ nɔ bɛ́, bɔ mɛ ɖě lɛ́ɛ kpódó Nɛɛmíi kpán nɔ yí gbe n'i. 24Ɖɛ e xo wɛ yě ɖe ɔ́ ɖíe:
“Aklúnɔ, Aklúnɔ Mawu, hwi wɛ ɖó nǔ bǐ; hwi wɛ nyí nǔjíwǔ, bó nyí gǎnhúnǔtɔ́, hwɛjijɔnɔ wɛ a nyǐ wǎn-yíyínɔ. Hwi ɖokpónɔ wɛ nyí axɔ́sú, hwi ɖokpónɔ wɛ nyí mɛ ɖagbe; 25hwi ɖokpónɔ wɛ nyí xomɛnyɔ́tɔ́, bó nyí hwɛjijɔnɔ lobo lɛ́ nyí nǔbǐwúkpétɔ́. Hwi ɖokpó wɛ ɖo gbɛ tɛgbɛ. A cyán tɔ́gbó mǐtɔn lɛ́ɛ, bó sɔ́ yě ɖó vo, nú yě ná sɛn we, bɔ a nɔ hwlɛ́n Izlayɛ́li sín nǔ nyanya bǐ mɛ. 26Din ɔ́, yǐ vɔ̌sísá élɔ́ ɖó togun towe Izlayɛ́li tamɛ. Cyɔ́n alɔ jǐ tɔn ɖó towe wɛ yě nyí; blǒ nú yě ná sixú nyí mɛ, bó ná nɔ sɛn we. 27Tún kan nú togun towe sín mɛ e kpo ɖo kannumɔgbɛ mɛ, ɖo akɔta ɖě lɛ́ɛ tɛ́ntin lɛ́ɛ. Sɛ ta kplé nú yě bǐ. Nyi kɔ kpɔ́n mɛ e wǎn gbɛ́ bɔ è ɖo tagba dó ná wɛ lɛ́ɛ bǐ. Énɛ́ ɔ́, akɔta ɖě lɛ́ɛ ná tunwun ɖɔ hwi wɛ nyí Mawu mǐtɔn. 28Dɔn tó nú mɛ e sɔ́ acɛkpikpa yětɔn dó ɖo mǐ gbídí ná wɛ, lobo nɔ ɖe dó mǐ lɛ́ɛ é. 29Lɛ̌ vɔ́ tɛnmɛ ɖó nú togun towe ɖo to e nyí towe é mɛ, lě e Mɔyízi ko ɖɔ gbɔn ɖ'ayǐ é.”
30Énɛ́ gúdo ɔ́, vɔ̌sánú-xwlémawutɔ́ lɛ́ɛ jɛ kpikpa han lɛ́ɛ ji jí. 31Ée vɔ̌ ɔ́ ji kɛn ɔ́, Nɛɛmíi zɔ́n ɖɔ è ni kɔn sin e kpo ɔ́ dó awǐnnya ɖaxó ɖé lɛ́ɛ jí. 32Énɛ́ gúdo ɔ́, myɔ ɖěvo lɛ́ tá nú éɖée. Amɔ̌, myɔ e ɖo vɔ̌sákpe ɔ́ jí ɔ́ ɖi ɖɛ̌ hú i, bɔ myɔ wegɔ́ énɛ́ ɔ́ cí.
33“Nǔ e jɛ nɛ́ ɔ́ gba kpé fí bǐ, bɔ yě yi ɖɔ nú Pɛ́si xɔ́sú ɔ́ ɖɔ fí e vɔ̌sánú-xwlémawutɔ́ lɛ́ɛ sɔ́ zo mímɛ́ ɔ́ hwlá dó cóbó yi kannumɔgbénu ɔ́, è mɔ sin ɖo fínɛ́. Sin nɛ́ ɔ́ wɛ Nɛɛmíi kpó mɛ tɔn lɛ́ɛ kpán sɔ́ dó fyɔ́ vɔ̌sánú lɛ́ɛ ná. 34Ée axɔ́sú ɔ́ se mɔ̌ ɔ́, é ba do ná bó zɔ́n ɖɔ è dǒ kpá lɛ́ lɛ̌ dó fí énɛ́ bó dó zǒgbé jí ɖɔ fí énɛ́ ɔ́ húzú fí mímɛ́. 35Nǔ énɛ́ ɔ́ dó dɔkun nú axɔ́sú ɔ́ taala, bɔ é ná ajɔ gěgé xɔ́ntɔnsa tɔn lɛ́ɛ bǐ.
36“Nɛɛmíi kpódó mɛ tɔn lɛ́ɛ kpán ylɔ́ sin énɛ́ ɔ́ ɖɔ ‘Nɛfutáa’, tínmɛ tɔn wɛ nyí wǔsláslá. Amɔ̌, mɛ bǐ wɛ nɔ ylɔ́ tɔ ɔ́ ɖɔ ‘Nafutée ’ ”.
Currently Selected:
2 Makabée 1: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.
2 Makabée 1
1
Wěma nukɔntɔn e è wlǎn sɛ́ dó Jwifu e ɖo Ejípu lɛ́ɛ é
1Jwifu Jeluzalɛ́mu tɔn lɛ́ɛ kpódó Judée to ɔ́ bǐ tɔn kpán ɖo gbe dó nɔví yětɔn Jwifu e ɖo Ejípu lɛ́ɛ wɛ, bó ɖo fífá kpódó xomɛhunhun kpán byɔ́ nú yě wɛ.
2Mawu Ajalɔ̌nlɔn ní flín akɔ e é jɛ xá mɛsɛntɔ́ gbejínɔtɔ́ tɔn Ablaxámu, Izáki kpódó Jakɔ́bu kpán é, lobo nú xomɛnyínyɔ́ tɔn ní vun blá mi! 3É ní ná acɛ e ná wa nǔ bɔ mi ná nɔ ɖó jlǒ dó sɛn ɛ ɔ́ mi, acɛ e ná zɔ́n, bɔ mi ná nɔ wa jlǒ tɔn kpódó ayi mitɔn bǐ kpán é mi! 4É ní hun ayi mitɔn nyi te nú sɛ́n tɔn lɛ́ɛ kpódó nǔzɔ́nmɛ tɔn lɛ́ɛ kpán, lobo ná fífá mi! 5É ní ɖótó vosisa mitɔn lɛ́ɛ, bó sɔ́ hwɛ mitɔn lɛ́ɛ kɛ mi, lobo ma ɖe kɔ́ dó mi wǔvɛ́ hwenu ó. 6Vo e sa nú Mawu wɛ mǐ ɖe dó mi tamɛ din ɔ́ nɛ́.
7Hwenu e Dɛmɛtliwúsi wá xɔ to ɖo xwe kɛnnɛ tɛ́nnɛgɔ́ (169) ɔ́ mɛ ɔ́, mǐ Jwifu lɛ́ɛ wlán wěma sɛ́ dó mi ɖɔ: “Sín hwenu e Jazɔ́ɔn kpó ahwan tɔn lɛ́ɛ kpán ɖu su nú ayǐkúngban mímɛ́ ɔ́ kpó Mawu, Axɔ́sú mǐtɔn kpán é wɛ mǐ jɛ wǔvɛ́ mɔ jí. 8Mɛ énɛ́ lɛ́ɛ dó Sinsɛnxɔ ɔ́ sín hɔn ɖaxó ɔ́ zo, lobo hu xomɛvɔ́nɔ lɛ́ɛ. Lo ɔ́, mǐ sa vo nú Aklúnɔ lobɔ é ɖótó mǐ. Mǐ xwlé vɔ̌sánú lobo ná vɔ̌sálinfín. Mǐ tá zogbɛ́n Sinsɛnxɔ ɔ́ mɛ tɔn lɛ́ɛ lobo xlɛ́ wɔ̌xúxú e è sɔ́ ɖó te nú Mawu é.”
9Din ɔ́, mǐ ɖo wěma wlán sɛ́ dó mi wɛ, bónú mi ná ɖu Azavaxwe ɔ́, ɖo Kisiléwusun ɔ́ mɛ.
10“È wlǎn ɖo xwe kɛnnɛ ko atɔ́ɔ́n nukún atɔngɔ́ (188) ɔ́ mɛ.”
Wěma wegɔ́ e è wlǎn é
Antiyokúsi Epifani kú bɔ Jwifu lɛ́ɛ dó kú nú Aklúnɔ
“Jeluzalɛ́munu lɛ́ɛ kpódó Judée to ɔ́ bǐ kpán, mɔ̌ ɖokpó ɔ́, tomɛxó lɛ́ɛ kpódó Judáa kpán ɖo gbe dó Alisitobúlu e gosín hɛ̌nnu vɔ̌sánú-xwlémawutɔ́ tɔn mɛ é, kpódó wěɖexámɛtɔ́ axɔ́sú Putolemɛ́ɛ tɔn kpán. Mǐ dó gbe Jwifu e ɖo Ejípu lɛ́ɛ ɖésú lobo byɔ́ hunsin ɖagbe nú yě.
11“Mawu xɔ mǐ ɖo nǔ nyanya ɖaxó ɖaxó gěgé mɛ. Énɛ́ wú wɛ mǐ wá ɖo kú dó n'i wɛ kpódó ayi mǐtɔn bǐ kpán, ɖó é dó alɔ mǐ bɔ mǐ fun ahwan xá axɔ́sú ɔ́. 12Nǔgbó wɛ, Mawu ɖésúnɔ wɛ nya yě mɛ e wá tɔ́n ahwan toxo mímɛ́ ɔ́ lɛ́ɛ. 13 Ɖó, hwenu e axɔ́sú Antiyokúsi ɖidó Pɛ́si yíkúngban jí ɔ́, é cí ɖɔ mɛ ɖěbǔ kún sixú ɖu ɖo ahwan tɔn jí ó ɖɔhun. Yě bǐ wɛ è hu ɖo nǔmɛsɛn Nanɛ́ya sín Sinsɛnxɔ mɛ ɖó ayi bíbí e vɔ̌sánú-xwlémawutɔ́ tɔn lɛ́ɛ zán é wú. 14Antiyokúsi kpó xɔ́ntɔn tɔn lɛ́ɛ kpán yi tɛn mímɛ́ ɔ́ mɛ, lobo ná nu alɛ xá nǔmɛsɛn ɔ́. Ɖo tají ɔ́, é jló ɖɔ è ní sɔ́ dɔkun Sinsɛnxɔ ɔ́ mɛ tɔn lɛ́ɛ dó ná agban nú émí. 15Vɔ̌sánú-xwlémawutɔ́ Nanɛ́ya tɔn lɛ́ɛ bɛ́ dɔkun énɛ́ lɛ́ɛ wá tɛ́, lobɔ Antiyokúsi kpódó xɔ́ntɔn tɔn lɛ́ɛ kpán byɔ́ Sinsɛnxɔ ɔ́ mɛ. Lo ɔ́, ée axɔ́sú ɔ́ byɔ́ xɔ mɛ tlóló ɔ́, vɔ̌sánú-xwlémawutɔ́ lɛ́ɛ sú Sinsɛnxɔ ɔ́ sín hɔn dó yě. 16Yě ɖe nǔglɔ́ li ɖé dó aza ta, bó hu Antiyokúsi kpódó xɔ́ntɔn tɔn lɛ́ɛ kpán ɖó awǐnnya wú. Yě ɖe afɔ yětɔn, awa yětɔn kpódó ta yětɔn lɛ́ɛ kpó, lobo bɛ́ ta lɛ́ɛ nyi dó mɛ e ɖo kɔ́xo lɛ́ɛ. 17È ni kpa susu nú Mawu mǐtɔn e jó mɛ e gbɛ́ wǎn n'i lɛ́ɛ nú kú é.”
È sɔ́ vɔ̌sákpe sín zo ɔ́ hwlá
18Ɖo azǎn ko atɔ́ɔ́ngɔ́ (25) e ɖo Kisiléwusun ɔ́ mɛ ɔ́ gbe ɔ́, mǐ ná ɖu wǔsláslá nú Sinsɛnxɔ ɔ́ sín xwe. Mǐ mɔ ɖɔ é jɛ xá nú mǐ ní ɖɔ nú mi, nú mi lɔmɔ̌ ná ɖu xwe énɛ́ ɔ́ ɖi Sinsɛnxɔ ɔ́ sín xwe ɖɔhun. Mi ná flín zo e tɔ́n hwenu e Nɛɛmíi xwlé vɔ̌sánú e è vɔ̌ Sinsɛnxɔ ɔ́ kpódó vɔ̌sákpe ɔ́ kpán bló ɖó gúdo é. 19Hwenu e è kplá tɔ́gbó mǐtɔn lɛ́ɛ yi Pɛ́si ɔ́, vɔ̌sánú-xwlémawutɔ́ e kpo ɖo gbejí lɛ́ɛ sɔ́ vɔ̌sákpe sín zo ɔ́ yi hwlá ɖó dotɔ e mɛ sin ma ɖe ǎ é ɖokpó mɛ. Yě sɔ́ hwlá lobɔ mɛ ɖěbǔ mɔ ǎ. 20Ée xwe wá ɖo xwe jí jɛ wɛ bɔ gan ɔ́ wá xo nú Mawu ɔ́, axɔ́sú Pɛ́si tɔn ɔ́ sɛ́ Nɛɛmíi dó Jeluzalɛ́mu. Nɛɛmíi ɖɔ nú vɔ̌sánú-xwlémawutɔ́ e sɔ́ zo ɔ́ sɛxwe lɛ́ɛ sín vǐ lɛ́ɛ ɖɔ yě ni yi sɔ́ zo ɔ́ wá. 21Yě yí gbe n'i ɖɔ émí kún mɔ zo ɖě ó, lo ɔ́, sin kɛɖɛkɛɖɛ wɛ gɔ́ tɔ ɔ́ mɛ. Nɛɛmíi ka zɔ́n ɖɔ yě ni wún sin ɔ́ wá. Ée nǔ bǐ sɔgbe nú vɔ̌sísá ɔ́, Nɛɛmíi ɖe gbe nú vɔ̌sánú-xwlémawutɔ́ lɛ́ɛ ɖɔ yě ni kɔn sin ɔ́ dó nakí lɛ́ɛ kpódó nǔ e ɖ'é jí lɛ́ɛ kpán jí. 22Ée yě bló mɔ̌ bɔ é nɔ zaan ɔ́, hwesivɔ́ e akpɔ́kpɔ́ lɛ́ɛ cyɔ́n ɔ́ jɛ hunhun jí. Hwenɛ́nu ɔ́, myɔ ɖaxó ɖé tá ɖo vɔ̌sákpe ɔ́ jí, bɔ é kpácá mɛ bǐ. 23Hwenu e vɔ̌sánú lɛ́ɛ ɖo zo ji wɛ ɔ́, vɔ̌sánú-xwlémawutɔ́ lɛ́ɛ kpódó mɛ e ɖo fínɛ́ lɛ́ɛ bǐ kpán ɖo ɖɛ xo wɛ. Jonatáan wɛ nɔ bɛ́, bɔ mɛ ɖě lɛ́ɛ kpódó Nɛɛmíi kpán nɔ yí gbe n'i. 24Ɖɛ e xo wɛ yě ɖe ɔ́ ɖíe:
“Aklúnɔ, Aklúnɔ Mawu, hwi wɛ ɖó nǔ bǐ; hwi wɛ nyí nǔjíwǔ, bó nyí gǎnhúnǔtɔ́, hwɛjijɔnɔ wɛ a nyǐ wǎn-yíyínɔ. Hwi ɖokpónɔ wɛ nyí axɔ́sú, hwi ɖokpónɔ wɛ nyí mɛ ɖagbe; 25hwi ɖokpónɔ wɛ nyí xomɛnyɔ́tɔ́, bó nyí hwɛjijɔnɔ lobo lɛ́ nyí nǔbǐwúkpétɔ́. Hwi ɖokpó wɛ ɖo gbɛ tɛgbɛ. A cyán tɔ́gbó mǐtɔn lɛ́ɛ, bó sɔ́ yě ɖó vo, nú yě ná sɛn we, bɔ a nɔ hwlɛ́n Izlayɛ́li sín nǔ nyanya bǐ mɛ. 26Din ɔ́, yǐ vɔ̌sísá élɔ́ ɖó togun towe Izlayɛ́li tamɛ. Cyɔ́n alɔ jǐ tɔn ɖó towe wɛ yě nyí; blǒ nú yě ná sixú nyí mɛ, bó ná nɔ sɛn we. 27Tún kan nú togun towe sín mɛ e kpo ɖo kannumɔgbɛ mɛ, ɖo akɔta ɖě lɛ́ɛ tɛ́ntin lɛ́ɛ. Sɛ ta kplé nú yě bǐ. Nyi kɔ kpɔ́n mɛ e wǎn gbɛ́ bɔ è ɖo tagba dó ná wɛ lɛ́ɛ bǐ. Énɛ́ ɔ́, akɔta ɖě lɛ́ɛ ná tunwun ɖɔ hwi wɛ nyí Mawu mǐtɔn. 28Dɔn tó nú mɛ e sɔ́ acɛkpikpa yětɔn dó ɖo mǐ gbídí ná wɛ, lobo nɔ ɖe dó mǐ lɛ́ɛ é. 29Lɛ̌ vɔ́ tɛnmɛ ɖó nú togun towe ɖo to e nyí towe é mɛ, lě e Mɔyízi ko ɖɔ gbɔn ɖ'ayǐ é.”
30Énɛ́ gúdo ɔ́, vɔ̌sánú-xwlémawutɔ́ lɛ́ɛ jɛ kpikpa han lɛ́ɛ ji jí. 31Ée vɔ̌ ɔ́ ji kɛn ɔ́, Nɛɛmíi zɔ́n ɖɔ è ni kɔn sin e kpo ɔ́ dó awǐnnya ɖaxó ɖé lɛ́ɛ jí. 32Énɛ́ gúdo ɔ́, myɔ ɖěvo lɛ́ tá nú éɖée. Amɔ̌, myɔ e ɖo vɔ̌sákpe ɔ́ jí ɔ́ ɖi ɖɛ̌ hú i, bɔ myɔ wegɔ́ énɛ́ ɔ́ cí.
33“Nǔ e jɛ nɛ́ ɔ́ gba kpé fí bǐ, bɔ yě yi ɖɔ nú Pɛ́si xɔ́sú ɔ́ ɖɔ fí e vɔ̌sánú-xwlémawutɔ́ lɛ́ɛ sɔ́ zo mímɛ́ ɔ́ hwlá dó cóbó yi kannumɔgbénu ɔ́, è mɔ sin ɖo fínɛ́. Sin nɛ́ ɔ́ wɛ Nɛɛmíi kpó mɛ tɔn lɛ́ɛ kpán sɔ́ dó fyɔ́ vɔ̌sánú lɛ́ɛ ná. 34Ée axɔ́sú ɔ́ se mɔ̌ ɔ́, é ba do ná bó zɔ́n ɖɔ è dǒ kpá lɛ́ lɛ̌ dó fí énɛ́ bó dó zǒgbé jí ɖɔ fí énɛ́ ɔ́ húzú fí mímɛ́. 35Nǔ énɛ́ ɔ́ dó dɔkun nú axɔ́sú ɔ́ taala, bɔ é ná ajɔ gěgé xɔ́ntɔnsa tɔn lɛ́ɛ bǐ.
36“Nɛɛmíi kpódó mɛ tɔn lɛ́ɛ kpán ylɔ́ sin énɛ́ ɔ́ ɖɔ ‘Nɛfutáa’, tínmɛ tɔn wɛ nyí wǔsláslá. Amɔ̌, mɛ bǐ wɛ nɔ ylɔ́ tɔ ɔ́ ɖɔ ‘Nafutée ’ ”.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.