2 Kɔlɛ́ntinu Xónusɔ́ɖóte
Xónusɔ́ɖóte
Wěma wegɔ́ e Pɔ́lu wlán sɛ́ dó agun Mawu tɔn e ɖo Kɔlɛ́nti ɔ́ ɖe xlɛ́ ɖɔ tagba ɖé ɖo agun ɔ́ kpó mɛsɛ́dó Pɔ́lu kpó tɛ́ntin.
Linlin e Pɔ́lu ɖó ɖ'ayǐ ɖɔ émí ná gbɔn klísusɛntɔ́ e ɖo Kɔlɛ́nti lɛ́ɛ é gɔ́n bó húzú ɔ́ kpódó mɛsɛ́dó sín acɛ e é ɖó é kpó zɔ́n bɔ gbemanɔkpɔ́ ɖo agun ɔ́ mɛ. Yě ká wá ɖɔ gbo bɔ gbenɔkpɔ́ ɖo Pɔ́lu kpó agun ɔ́ kpó tɛ́ntin.
Din ɔ́, Pɔ́lu wlán wěma bɔ nǔ e wú é nylá hun dó agun é kpó nǔ e wú é má sɔ́ wá ǎ é kpó ɔ́, é tínmɛ. É ɖɔ xomɛ hun émí ɖó hwɛ e émí kpó yě kpó dó gbɔ é wú, bó byɔ́ ɖɔ è nǐ gɔ́ alɔ nú klísusɛntɔ́ e má ɖó nǔɖé ǎ ɖo Judée lɛ́ɛ.
Énɛ́ ɔ́ gúdo ɔ́, é jɛ ahwan mɛsɛ́dó sín acɛ e é ɖó ɔ́ jí; é ɖɔ mɛsɛ́dó sín acɛ e émí ɖó ɔ́, Aklúnɔ wɛ ná émí (10.8).
Nǔ tají tají e ɖo wěma ɔ́ mɛ lɛ́ɛ
Pɔ́lu dó gbe sɛ́ dó Kɔlɛ́ntinu lɛ́ɛ (1.1-11)
Nǔ e ɖo mɛsɛ́dó ɔ́ kpó agun ɔ́ kpó tɛ́ntin é (1.12—7.16)
Akwɛ́ e è jɔ nú klísusɛntɔ́ e ɖo Judée lɛ́ɛ é (8—9)
Pɔ́lu jɛ ahwan mɛsɛ́dó sín acɛ e é ɖó ɔ́ jí (10—13)
Currently Selected:
2 Kɔlɛ́ntinu Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.