1 Timɔtée Xónusɔ́ɖóte
Xónusɔ́ɖóte
Wěma we e Pɔ́lu wlán sɛ́ dó Timɔtée lɛ́ɛ kpódó ée é wlán sɛ́ dó Títu ɔ́ kpó ɔ́, yědɛɛ lɛ́ɛ wɛ é wlán wěma énɛ́ lɛ́ɛ sɛ́ dó; agun wɛ é wlán sɛ́ dó ǎ. Nǔ e jí wěma atɔn lɛ́ɛ ɖɔ xó dó tawun ɔ́ wɛ nyí gbɛtɔ́ alɔkpa e nukɔntɔ́ agun tɔn lɛ́ɛ ɖó ná nyí é.
Đo wěma élɔ́ mɛ ɔ́, Pɔ́lu ɖo akɔ́nkpinkpan ná Timɔtée wɛ ɖɔ é ní lí dǒ ɖo nǔɖiɖi mɛ; é ní cɔ́ éɖée dó nǔkplɔ́nmɛ e ma sɔgbe xá nǔɖiɖi ɔ́ ǎ, bó ɖo hunnyahunnya dɔn byɔ́ agun ɔ́ mɛ wɛ lɛ́ɛ wú. Ényí mɛɖé jló ná nyí agunjíkpɔ́ntɔ́ abǐ mɛ e ná nɔ́ kpé nukún dó agunví lɛ́ɛ wú ɔ́, Timɔtée ɖó ná tɛ́nkpɔ́n bɔ è nǎ sɔ́ mɛ e wú è ma ná mɔ nǔɖé ɖɔ dó ǎ lɛ́ɛ, bɔ nyɔ̌nu e ɖó walɔ ɖagbe lɛ́ɛ ná nɔ́ wa azɔ̌ xá yě.
Énɛ́ ɔ́ gúdo ɔ́, Pɔ́lu kplɔ́n nǔ Timɔtée dó lě e é ná nɔ́ wa azɔ̌ tɔn lɛ́ɛ gbɔn dó ɖe xlɛ́ ɖɔ émí nyí mɛsɛntɔ́ Klísu tɔn ɖagbe é wú.
Nǔ tají tají e ɖo wěma ɔ́ mɛ lɛ́ɛ
Pɔ́lu dó gbe sɛ́ dó Timɔtée (1.1-2)
Timɔtée ɖó ná cɔ́ éɖée dó kplɔ́n agɔ agɔ lɛ́ɛ wú (1.3-20)
Đɛxixo kpódó Mawu sinsɛn kpó (2)
Agunjíkpɔ́ntɔ́ lɛ́ɛ kpó mɛ e nɔ kpé nukún dó agunví lɛ́ɛ wú lɛ́ɛ kpó (3)
Nǔ e Pɔ́lu zɔ́n Timɔtée lɛ́ɛ é (4)
Asúkúsi lɛ́ɛ kpó agunmɛxó lɛ́ɛ kpó (5)
Nɔ ba dɔkun jɔ dɔkun ɔ́ (6)
Currently Selected:
1 Timɔtée Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.