1 Tɛsalonikinu Xónusɔ́ɖóte
Xónusɔ́ɖóte
Pɔ́lu wɛ wlán wěma élɔ́ sɛ́ dó agun e é ɖó ayǐ ɖo Tɛsaloniki toxo mɛ é; é ɖó agun ɔ́ ayǐ ɔ́ é kó lín ɖé ǎ; Tɛsaloniki toxo ɔ́ wɛ nyí togun Hlɔ̌manu lɛ́ɛ tɔn Masedwani sín tota.
Klísusɛntɔ́ e ɖo Tɛsaloniki lɛ́ɛ nɔ́ zé nǔɖiɖi yětɔn dó wa azɔ̌ ná; yě nɔ́ wa wǎn-yíyízɔ́, bó syɛ́nlǐn ɖo nukún e ɖó Aklúnɔ Jezu Klísu wɛ yě ɖe ɔ́ mɛ tawun. Énɛ́ wɛ zɔ́n bɔ Timɔtée ɖɔ xó yětɔn ɖagbe sɛ́ dó Pɔ́lu bɔ é wlán wěma bó dó kú nú Mawu dó yě bǐ tamɛ. É lɛ́ tín nǔ mɛ nú yě dó wǐwá Aklúnɔ tɔn ɔ́ wú, ɖó yě nɔ́ kan nǔ byɔ́ d'é wú.
Agun ɔ́ ɖo nukún ɖó wɛ ɖɔ Aklúnɔ ná wá ɖo malín málín mɛ; amɔ̌ ée nǔ énɛ́ má ko jɛ ǎ ɔ́, yě jɛ nǔ kanbyɔ́ d'é wú jí: hwetɛ́nu wɛ Aklúnɔ ná wá? Klísusɛntɔ́ e ná kó kú cóbɔ Aklúnɔ ná wá lɛ́ɛ ɔ́, nɛ̌ xó yětɔn ná nyí gbɔn?
Pɔ́lu ná gǎnjɛwú agun ɔ́ ɖɔ Aklúnɔ ná wá (4.16), bɔ mɛ e ɖi nǔ n'i lɛ́ɛ bǐ ná nɔ gbɛ xá ɛ (5.10). Ée Aklúnɔ má ká kó wá ǎ ɔ́, Mawu ɖo byɔ̌byɔ́ yě wɛ ɖɔ yě ní nɔ́ ɖo azɔ̌ yětɔn lɛ́ɛ wa wɛ kpó awǎjijɛ kpó (4.11; 5.16).
Nǔ tají tají e ɖo wěma ɔ́ mɛ lɛ́ɛ
Pɔ́lu dó kú nú Mawu, bó kpa susu n'i (1—3)
È nǐ zán gbɛ mɛtɔn lě e Mawu jló gbɔn é (4.1-12)
Aklúnɔ sín wǐwá (4.13—5.11)
Nǔkplɔ́nmɛ gǔdo gúdo tɔn lɛ́ɛ (5.12-22)
Pɔ́lu sú ta nú wěma ɔ́ (5.23-28)
Currently Selected:
1 Tɛsalonikinu Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.