1 Piyɛ́ɛ Xónusɔ́ɖóte
Xónusɔ́ɖóte
Wěma élɔ́ ɔ́, klísusɛntɔ́ e ɖo Azíi kpɛví ɔ́ ɖo taligbé lɛ́ɛ wɛ Piyɛ́ɛ wlán sɛ́ dó. Azíi kpɛví ɔ́ wɛ ɖo Twikíi nyí wɛ égbé din. Nǔ tají e wú Piyɛ́ɛ wlán wěma ɔ́ wɛ nyí ɖɔ é ná dó wǔsyɛ́n lanmɛ nú klísusɛntɔ́ lɛ́ɛ ɖo ya e dó nú yě wɛ è ɖe, bó ɖo títáfú yě wɛ ɖó nǔɖiɖi yětɔn wú é mɛ.
Nǔɖiɖi yětɔn ɔ́, kú Jezu Klísu tɔn, fínfɔ́n sín kú tɔn kpódó wǐwá tɔn kpó jí wɛ é jínjɔ́n; énɛ́ ɔ́ zɔ́n bɔ yě hɛn ɔ́, yě ná ɖo nukɔn yi wɛ ɖo nǔɖiɖi e yě ɖó nú Jezu ɔ́ kpó nukún e ɖó wɛ yě ɖe ɔ́ kpó mɛ. Vɔ̌sánú-xwlémawutɔ́ Axɔ́sú ɔ́ tɔn e yě nyí, bó nyí akɔta mímɛ́; énɛ́ ɔ́ wú ɔ́, Piyɛ́ɛ ɖɔ yě ní nɔ gbejí nú Mɛhwlɛ́ngántɔ́ yětɔn e xɔ yě axivɛ́nu é. Yě ní nɔ́ zán gbɛ ɖagbe. Énɛ́ ɔ́, Aklúnɔ lɛ́ kɔ wá ɔ́, é ná ná ajɔ yě.
Nǔ tají tají e ɖo wěma ɔ́ mɛ lɛ́ɛ
Piyɛ́ɛ dó gbe sɛ́ dó nǔɖitɔ́ lɛ́ɛ (1.1-2)
Nukúnɖíɖó kpó nǔɖiɖi kpó, kpódó wǎn yíyí kpó (1.3-12)
Mi zán gbɛ mímɛ́ (1.13—2.10)
Lě e klísusɛntɔ́ ɖó ná nɔ́ wa nǔ gbɔn é (2.1—4.19)
Mi kpé nukún dó togun Mawu tɔn wú (5.1-11)
Gbedómɛ lɛ́ɛ (5.12-14)
Currently Selected:
1 Piyɛ́ɛ Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.