Kaŋ mballa ma 1
1
MAKTUB GE ZḚ GE
(Kmb 1—41)
Wak busu ya ndu ge ne gwan ne na pala Dok pe se pal
1Ndu ge ne mbo wak yuwaleya ge naa ge sone ma ne pal to,
ge ne mḛ viya̰ ge naa ge ne ke ya̰l ma ne go to,
ge ne kat swaga dagre ne naa ge ke kalam ma to,
da ne laar saal.
2Amma ɓol tuli ya eya ge Bage ɗiŋnedin ne zi,
ka dwage na isiya ɗaal ne gyala.
3Na sḛ dimma ne uwara ge ne ɗḭ ne mam wak go go,
ka tol vya ma na swaga tolla ma go tetem,
na gaar karge uzi to bat.
Uni uni na kaŋ kerra ma zi pet#Irm 17:8..
4Amma naa ge sone ma, a mḛ go to bat:
Nama sḛ ma dimma ne mboor ge saam ne kwal na go.
5Ne da pe no ɗe, naa ge sone ma
mbo ɓur ne sarya zi to bat,
ko naa ge ya̰l ma,
a kat swaga koteya ge naa ge dosol ma ne go to bat.
6Ago Bage ɗiŋnedin kwa viya̰ ge naa ge dosol ma ne kwa,
amma viya̰ ge naa ge sone ma ne gene nama mbo banna zi.
Currently Selected:
Kaŋ mballa ma 1: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.