Kaŋ mballa ma Fare pala hageya
Fare pala hageya
Maktub Kaŋ mballa ma a maktub ge nee ne ɓol kaŋ mballa ma ne kaɗeya ma ne zi ne. Israyela vya ma mbá kaŋ mbe ma ndwara jan Dok fare ma ge ne bama dulwak zi. A go no nee ɓol kaŋ mballa ma ge uware Dok ma, a uware Dok ndwara ŋgay kwaɗa ge ne ke ne bama pe, ko ŋgay ɓaŋlaŋ ge na ne. Ge may ma a sun ta ma ne, a sun ta ne naa ge ne za̰ yál ma pe ko ne vo ma ne tumriya ge bama ne ma pe. Ge may ma a kaŋ mballa ko kaɗeya ne gan pe ne, ko kaɗeya ge gan ne ne. Ge may ma a kaŋ mballa ge a ne mbal na swaga ge a ne ɗage mbo Ursalima mbo ke vḛso ma ne. Ge may ma a kaŋ mballa ge gwan ne gugu hon Dok ma ne. Ge may ma a kaɗeya ma ne, a kaɗe Dok na so bama ko̰r. Ge may ma a hateya ma ne me, ndwara ŋgay kaŋ ge Dok ne ke ne Israyela vya ma pe ma, na ge ne e nama gwan ne bama pala na pe se.
Kaŋ mballa ge 150 mbe ma no, a naa pe hini hini a njaŋge nama ne, ko a mbá nama ne. Ne kaŋ mballa mbe ma buwal zi, nama le gḛ a Dawda mba nama ne, a̰me ma a Asaf mba nama ne, a̰me ma a Kore vya ma mba nama ne, a̰me ma a Heman, ko Etan, ko Musa, ko salomon mba nama ne, ge may ma ndu be wan naa ge ne mba nama pe to.
Maktub Kaŋ mballa ma ɗiŋ ma̰ no da ne hamba gḛ ne ɓase ge Dok ne ma ge Kris ne pe, ne jo̰ Jeso sḛ ne na pala he fare a̰me ma ne Maktub kaŋ mballa ma zi, naa ge hon fare ma ke temel ne nama gḛ, ɗiŋ ma̰ no Kaŋ mballa ma da ne mbarra gḛ ne naa ge Kris ne ma pe.
Maktub kaŋ mballa ma varse pe anuwa̰y:
Varseya ge Maktub Kaŋ mballa ne
1- Varseya ge zḛ ge da ne (1—41)
2- Varseya ge azi da ne (42—72)
3- Varseya ge ataa da ne (73—89)
4- Varseya ge anda da ne (90—106)
5- Varseya ge anuwa̰y da ne (107—150)
Currently Selected:
Kaŋ mballa ma Fare pala hageya: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.