Kaŋ mballa ma 76
76
Dok hal pore ne
1Ne naa ge mbal kaŋ ma ga̰l pe: Kaŋ mballa ge Asaf ne. A ka mbal na da ne kaŋ haleya ge ne taal ma. Kaŋ mballa.
2Dok ŋgay tene suwal Yuda go,
suwal Israyela go na dḭl ga̰l.
3Na gur ya Salem#76:3 Salem: A Ursalima dḭl geleya ne. go,
na swaga katɗa ya Siyona go.
4Há kajamle ge wak ol ma, ne ɓiyaar ma,
ne kasagar ma, ne kaŋ walam ma pet swaga mbe go. Ɗigliya
5O Dok, mo serra cicim,
mo mḛya girmim ne njal ge ne go ɗiŋnedin go.
6Naa ge dulwak deŋgel mbe ma a pá kaŋ ma ne nama tok go kakaɗak,
a su uzi kucup,
Naa ge pateya mbe ma pet a be gwan ɓol pool to.
7O Dok ge Yakub ne, mḛreya ge mo ne zi,
naa ge njaŋge tisi ma ne bama tisi ma pet a pu uzi.
8Mo mbya naa sya mo vo.
Swaga ge mo ne gumi pore digi,
a wuɗi mḛ mo ndwara zi ne ɗaa?
9Mo kun mo sarya ne digi zi ya,
suwar sḛ wan vo, a mḛ wak ɗamal,
10swaga ge mo ne ɗage digi ndwara kun sarya,
ne má naa ge a̰se ge ne suwar pal ma pe. Ɗigliya.
11Ko naa ge haha̰y ma puy, a uware mo,
nama ge ne julili pore ma mbo kan kasigir bama ta.
12Ke me wak tuli Bage ɗiŋnedin Dok ge aŋ ne ndwara se,
Wi me aŋ wak tuli ma!
Aŋ ge ne ve na se ma mwaɗak, mbo me ne aŋ bobo ma ya
tyare me nama hon bage naa ne mbya sya na vo.
13Gwan ne ga̰l ma pala se,
hon gan ge ne suwar pal ma vo.
Currently Selected:
Kaŋ mballa ma 76: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
