Kaŋ mballa ma 61
61
Mbi ɓyare kat zok ge mo ne zi ɗaɗak
1Ne naa ge mbal kaŋ ma ga̰l pe: Kaŋ mballa ge Dawda ne, a ka hale biliŋ na wak go.
2O Dok, za̰ fyaso ge mbi ne,
só mo togor mo za̰ kaɗeya ge mbi ne!
3Ne suwar pe ndegɗe ya, swaga ge mbi dulwak ne kṵ go, mbi tol mo.
Gene mbi njal ge ne waɗe haal pala digi ya.
4Ago mo mbi swaga woy tene ne,
gulum ga̰l mbi naa ge ho̰l ma ndwara zi ne.
5Mbi ɓyare kat gur ge mo ne zi ɗaɗak,
mbi woy tene mo fápul zi. Ɗigliya.
6O Dok, a mo zá̰ wak tuli ge mbi ne ke ne,
a mo hon naa ge ne sya mo vo ma joo ne.
7Hon gan dam twala,
na del ma mbo doŋ pe ma ne doŋ pe ma.
8O Dok, na ká ɗiŋnedin mo ndwara se!
Ya̰ kwa a̰se ne fareba ge mo ne ka koy na!
9Go no, mbi mbo ka uware mo dḭl ɗaɗak,
mbi mbo ka wi wak tuli ge mbi ne ke ma dam ne dam!
Currently Selected:
Kaŋ mballa ma 61: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
